1 Timote 4:5 - Nouveau Testament en Ngienboum

⁵ Mé jÿó á nue e Ssé gɔ̌ɔn pú’u, mé gíŋ ńne sie yé mǒ.

1 Timote 4:5 ပူးပေါင်းရင်းမြစ်များ

Lukase 11:41

Ammó gie á ke ḿboŋ ngie pi gÿo gwɔ́ pɔ́ lépí shúm mbòŋo sie ée tsɛ̀ɛ mekáŋ mí, ńnáa mbwo pàtèmmó, pɔ́ jÿó yɔ́b. Pi ge gÿo pú’u, tá ntʉ́m gẅi lêen ńké ńdʉ́a mvfò Ssé.

Lukase 4:4

Yěsô tsɔ́’ɔ mbwo Sátà ngie: Mé la ŋwe’e tsɛ̀ɛ ŋwà’ne Ssé ngie: Nyìŋ tè lɔg pɔ́ ndà’ mmó gie à pfɛ̌ tá gwɔ́ wó wɔ́

1 Korento 7:14

á nue mámbàŋa gẅie à tè nyìŋ Kristo wɔ́, à lɔg pá’ à la nnɛ́ ná nzwě we gẅie aa nyìŋ Kristo, ńgwɔ́ lejʉ́ŋ Ssé. Manzwě gẅie à tè nyìŋ Kristo wɔ́ lɔg pá’ à la nnɛ́ nà ndúm we gẅie aa nyìŋ Kristo, ńgwɔ́ lejʉ́ŋ Ssé, ńgwɔ́ gie á ké tè pú’u wɔ́, mbà pènkʉ́ pɔ́b é té gẅiin légwɔ́ lejʉ́ŋ Ssé wɔ́. Pɔ́ piŋ ńgwɔ́ fʉ̀’ɔɔn ńgwɔ́ lejʉ́ŋ Ssé.

1 Timote 4:3

Pɛ̌ pʉ̀a ne ńzí’i pʉ̀a ngie tà pɔ́ zɔ́’, ńgie tà pɔ́ pfɛ́ tsɔ́ shúm léjÿó, tá mbà Ssé la nyɛte sɛ̌ shúm légwɔ́ gie pʉ̀a pie é záb ntʉ̀m ná yé, ńne ńzsé nò gie áa nénʉ́, ge pi, ésie yé mǒ, é jÿó.

Titus 1:15

Akɔ́ɔkɔ́ɔ gwɔ́ pɔ́ mbòŋ mbwo pʉ̀a pie pɔ́ gẅiin ntʉ́m mbòŋo mvfò Ssé. Tá ńgʉa ná pʉ̀a pie ntʉ́m wɔ́b té poŋ, á nue pɔ́ té zába nà Ssé wɔ́, atsɔ́ mmó mbòŋo té wó mbwo pɔ́b wɔ́. Legyè sɔ́b neŋé ńtyé pɔ́ nà menò tepòŋ tà mbùm yɔb tè gíŋe ńcúa wɔ́b gwɔ́.

Heber 11:3

Pege fǒ pɔ́ ná pá’ pege záb ntʉ́m nà Ssé tá ńjú’ ngie e Ssé la lɔgɔ shwóŋè yé ńnyɛte njÿó, éfó mǒ ńzsé ngie ammó gie pege gyǎ lê nÿɔ́g, á la fóo nà mmó gie mé té gyá lê nÿɔ́g wɔ́.