1 Timote 4:3 - Nouveau Testament en Ngienboum

³ Pɛ̌ pʉ̀a ne ńzí’i pʉ̀a ngie tà pɔ́ zɔ́’, ńgie tà pɔ́ pfɛ́ tsɔ́ shúm léjÿó, tá mbà Ssé la nyɛte sɛ̌ shúm légwɔ́ gie pʉ̀a pie é záb ntʉ̀m ná yé, ńne ńzsé nò gie áa nénʉ́, ge pi, ésie yé mǒ, é jÿó.

1 Timote 4:3 ပူးပေါင်းရင်းမြစ်များ

Matio 14:19

ńgɔɔn pú’u, ńtsẅii mbwó lá’ ngie: Pɔ́ pwɔ́’ɔ legǐ ńnéŋe mǒ, ḿbí mbelég ayɛ̌ mbu’ú ntʉ̀a, nê messó mɛ̌ mbaŋ pʉ́a, ḿbʉ’ʉ twó ńdíe tÿǒ, ésíe Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Matio 15:11

àmmó gie á fó ncwò nyìŋ ńkúu lepfòm yé, té cʉŋte yé wɔ́, àgie á kẅɛɛ ncwò yé zɔ̌ cʉŋte yé.

Matio 15:36

ńdeen ńké ńkẅé mbelég ŋwɛ́ mbu’ú sɔɔn mbʉ́a lê messó má, ńná ndǎg mbwó Ssé, ḿbwɔ́’te ńnáa mbwó *ngàŋa kwò yé, pɔ́ gaba mbwó lá’.

Lukase 24:30

Afʉ̀’ʉ léjÿó shúm gÿo ńku’, pɔ́ ńnéŋe ssé, á pí mbelég, ńná ndǎg mbwo Ssé, ḿbwɔ́’te ńná né pɔ́b.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Megàŋ ntúm 27:35

Pɔl gɔɔn pú’u, ḿbí mbelég, ńtyé mvfò pʉ̀a metsèm, ńná ndǎg mbwo Ssé, ḿbwɔ́’, ńzye lépfɛ́.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

Roma 14:3

Nyìŋ gẅie à gyá kɔ́ wɔ́ ńgwɔ́ á pfɛ́ yé pfɛ́, à pɔ́ɔn lékʉ́e nyìŋ gẅie à tè pfɛ́ shúm ntsèm wɔ́. Nyìŋ gẅie à tè pfɛ́ shúm ntsèm wɔ́ à pɔ́ɔn létúu *lɔ̌’ nyìŋ gẅie à gyá yé kɔ́ wɔ́ ńgwɔ́ á pfɛ́ yé pfɛ́ á nue e Ssé kúe yé yé.

Roma 14:6

Nyìŋ gẅie à gẅiin tyɛ’te ná melyɛ’ɛ́ lá’, à gÿo tyɛ’te pú’u, pɔ́ lélɔg ńgu’te Cʉ̀apʉ̀a. Nyìŋ gẅie à gyá kɔ́ wɔ́ ńgwɔ́ à pfɛ́ yé pfɛ́, à pfɛ́ pú’u, pɔ́ lélɔg ńgu’te Cʉ̀apʉ̀a, á nue à ne ńnáa ndǎg mbwo Ssé mǒ. Nyìŋ gẅie à piŋ tè gyá kɔ̀ɔkɔ́ɔ ḿpfɛ́ pfɛ́ wɔ́, à tè pfɛ́ pú’u, á gwɔ́ pɔ́ lélɔg ńgu’te Cʉ̀apʉ̀a. Á giŋé ńne ńnáa yé ndǎg mbwo Ssé.

1 Korento 6:13

Pi giŋé ně ńgɔɔn ngie: Mé la gÿo mmó lejÿó ńtí lepfòm, ńgÿo lepfòm ńtíi mmó lejÿó. Áa nò tá’ e Ssé ge gÿo tágte mmó lejÿó gwá’, é gíŋe tágte lepfòm. Mbɔɔ pú’u, ńgwɔ́ nyìŋ á lelɔg mbùm ye ńgÿo kɔ̀ɔkɔ́ɔ gie à kwǒŋ wɔ́, á nue mbùm nyìŋ ee ye Cʉ̀apʉ̀a, Cʉ̀apʉ̀a zɔ̌ líe nò náa mǒ.

1 Korento 7:28

Ɔ̀ lɔɔn ńzɔɔn ńzɔ́’, mbà ɔ̀ kaa tsɔ́ nò fʉa. Mûɔ manzwě lɔɔn ńzɔɔn ńzɔ́’, mbà à kaa tsɔ́ nò fʉa. Tá pʉ̀a pie pɔ́ zɔ̌’ ge gÿo gwɔ́ lyɛ̌’ ntsèm ne gyá pɔ́ ngɔ́’. Mèŋ n tsɔ́ɔn pɔ́ ngie tà pi kú yɛ̌ ngɔ́’.

1 Korento 8:8

Pi zɔɔn ńzsé ngie ammó léjÿó té gÿo tá Ssé kẅi’i ńkwoŋo wégè wɔ́. Pege lɔɔn tè pfɛ́, mbà pege kaa tsɔ́ mmó pyé, ḿpfɛ́, mbà tsɔ́ mmó kaa ná pege kẅi’i.

Kolosia 2:16

N dɔgɔ pá’ɔɔn ńgɔɔn ngie tà pi cʉ́’ nyìŋ ŋaga gẅi nà nò mmó mpfɛ̌ kà ye nu nǔ wɔ́, kà ná nò *melínɔ́ɔn pà Yuda wɔ́, kà ná línɔ́ɔn sàŋ sẅé wɔ́, kà ná *melyɛ’ɛ́ nzsè Ssé wɔ́.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

1 Timote 4:4

Á zɔɔn ńgwɔ gwɔ́, akɔ́ɔkɔ́ɔ gie e Ssé la nyɛte wɔ́ á gwɔ́ pɔ́ mbòŋ. Atsɔ́ gie ńgwɔ́ mé gwá’a mǒ á té wó wɔ́. Tá á ké ńzɛ́te ngie mé gwaa ne jÿó sɛ̌ shúm, ńne sie Ssé.

1 Timote 5:14

Áa mmó gie á gÿo tá mèŋ n gyá ngie á poŋ ngie mepfɔ̌g pie é nyé pe mekʉ́ pɔ́ zɔ́’, ńzyé gubé, ńtáŋte mendá mɔ́b, á cʉa pú’u, megàŋ mbù pégè é le gẅiin shÿó légɔɔn nò ná pege wɔ́.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.