1 Timote 4:2 - Nouveau Testament en Ngienboum

² Á lɔgɔ ńgwɔ́ ngie mɛ̌ menò ge lá’ kẅɛɛ ncwò pʉ̀a pie pɔ́ cÿɔ nò, ńgwɔ́ pà nkwòŋ menÿɔ́g, mbà pɔ́ léen shÿɔg tà mbùm yɔb cʉ́’ʉ ńcúa wɔ́b pɔ́ téen ńjú’u wɔ́.

1 Timote 4:2 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Megàŋ ntúm 20:30

Epʉ̀a kẅɛ mbɔɔ tsetsɛ̀ɛ pi, ńzye lézí’i cÿɔ̌ nò ńdɔg shwoŋte pʉ̀a Kristo ńcʉ́’ ńnéŋ pɔ́ nzèm pɔ́b.

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Efeso 4:19

Pɔ́ léen ńcʉ́’ pà tè kǔ shʉ́, ńgwá’ mbùm yɔb, ńgwɔ́ nà nò mpfwɔ́’, ńne ńkẅi’i ńgÿo menò tepòŋ ntí ntí té gwoonte mbùm yɔb.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

Ŋwà’ne Ngyà jʉ’ 16:14

ée pú’u, ńgwɔ́ messe tepòŋ mie é gÿo menò mmɔɔn mmɔɔn. Pɔ́ ge gʉa gyá mefùɔ pie ée ndùmo ssé tsetsá’ ntsèm, légwɔ́ gie pɔ́ ge cú’te wɔ́b lɔg zẅí’te ncù gẅie é ge lá’ gwɔ́ ná máamáa lyɛ’ɛ́ lá’ gie, e Ssé ngàŋa tʉ̀ ntsèm ge lá’ ŋag pʉ̀a mesoŋ.