1 Timote 4:16 - Nouveau Testament en Ngienboum

¹⁶ Laga twó jú nà gù leńnéŋe mbɔɔ ná mmó gie ɔ̀ zí’i pʉ̀a. Tè lɔgɔ tsɔ́ twó ḿma’a kwaŋ. Ɔ̀ ge gÿo pú’u, e Ssé fó mǒ ńgÿo, ɔ̀ zẅɛ́’, ńgwɔ tsẅɛ́ ntsaŋ, epʉ̀a pie é zẅí’te nò gie ɔ̀ gɔɔn gíŋe ńtsẅɛ́ yɔ́b.

1 Timote 4:16 ပူးပေါင်းရင်းမြစ်များ

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Megàŋ ntúm 26:22

Tà mèŋ n nyé wó lyɛ̌’ɔɔn pá’ɔɔn, e Ssé zɔ̌ ne ńkábte wɔ̀ɔn. Mèŋ m biŋ ne shwóŋó kɔ̀ɔkɔ́ɔ wɔ́ gie mèŋ n zsé ná yé, á mbwo melÿò mbɔɔ mbwo pènkʉ́. Mé la tʉ́ njÿó ńgɔɔn menò mie é ge lá’ tá tó tsɛ̀ɛ ŋwà’ne pà *ntsẅì nkʉ̀ Ssé, mbɔɔ tsɛ̀ɛ ŋwà’ne Mǒsê. Mèŋ n kě ne ńgɔɔn pɔ́ yɛ̌.

Megàŋ ntúm 6:4

ńgʉa nà peg, peg ké ńzsé yég pɔ́ lésẅíŋte Ssé, ḿbiŋ ne shwóŋó pʉ̀a pɔ́ nò yé.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

Roma 16:17

Mefɛ́ pɔ́ɔn, mèŋ n ge gɔɔn né pi ngie pi pɔ́ɔn pʉ̀a pie é ma’a fàgte tsetsɛ̀ɛ pi, ńdɔgɔ pá’ pɔ́ lʉ’ʉ mmó gie mé la zí’i gẅi ná Kristo, ńgÿo pʉ̀a fʉa mánzsè. Pi kÿo pɛ̌ pʉ̀a.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

1 Korento 9:22

Mèŋ n gee fʉ̀’ gie mèŋ n ne fa’a tsetsɛ̀ɛ pʉ̀a pie pɔ́ nyé ḿbÿɛ́ɛ pÿɛ̌ nà lezǎb ntʉ́m ná Kristo, mèŋ n ńnéŋe pɔ́ pá’ nyìŋ gẅie à nyě ḿbÿɛ́ɛ yé pÿɛ̌ la, ńzsé ngie n ge lɔg pú’u, é gÿo pɔ́ cʉ́’ kwà’ pʉ̀a Kristo. Nyìŋ lɔɔn ńgwɔ́ pɔ́ lêkɔ́ wɔ́, á gwɔ́ pɔ́ lêkɔ́ wɔ́, n cʉ́’ pá’ yé, ńzsé ngie n ge lɔg pú’u, é gÿo ná ntí gie ńgwɔ́ á tsẅɛ́.

1 Korento 9:27

Mèŋ n ne ńgẅiin mbùm yɔɔn pá’ɔɔn tɛ’, ńkú’te tà ńzsé mmó gie mèŋ n gÿo yɛ̌, ḿbɔgɔ létsẅi Nkʉ̀ Mbòŋo mbwo pʉ̀a, mé piŋ ńgÿo ḿbe’e wɔ̀ɔn ńnáa nzèm.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Kolosia 4:17

Pi gɔɔn mbwò Aleshʉpe ngie, tà á lɔgɔ fà’ gie Cʉ̀apʉ̀a ka cʉ́me mbwo yé ńdɔg ńgÿo megʉa, ńgie à fa’ mboŋó.

1 Tesalonika 2:16

Pɔ́ ne ńkaga tʉ̀ ńtɔ’ɔ wég léshwóŋó nò Ssé mbwo pʉ̀a pie é té pà Yuda wɔ́, ḿbɔ́gɔ pá’ á ge gÿo pɔ́ tsẅɛ́. Pɔ́ ée pú’u, ńdɔgɔ ńkẅi’i nzẅìŋe nò wɔb kẅi’i. E Ssé kéen ńgyáŋa lóŋ tá ńzába pwó yé ná pɔ́b.

1 Timote 1:3

Mèŋ n ne ńkwoŋo ngie ɔ̀ ńnéŋe Efeso, pá’ mèŋ n ka gwɔ́ gʉa lê Makedonia ńtsẅii mbwo gù la, ńnéŋe wó, ńzsé ngie ɔ̀ ge lʉ’ʉ mbwo tsɔ́ pʉ̀a pie ée wó ngie tà pɔ́ gíŋe ńzí’i pʉ̀a menò mie ée ná nò Yěsô Kristo é té ná mánzsè wɔ́.

1 Timote 4:15

Nyɛte ńnéŋe twó ná yɔɔn fà’ té tsyɛte nnɛ́, ńzsé ngie pʉ̀a metsèm ge gyá pá’ fà’a jú ne ńgiŋe.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

2 Timote 3:14

Á gʉa ná gù, mbà á ne ńzɛ́te ngie ɔ̀ kú’te pɔ́ mmó gie ɔ̀ la zí’i tà ńzáb ntʉ́m mǒ. Ɔ̀ tè ne ḿmoŋe nyìŋ gẅie à ka zí’i gú wɔ́.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Filemo 1:19

Kwà’ mèŋ Pɔl zɔ lɔgɔ́ pwó yɔ́ɔn ńŋwe’e yɔɔn jʉ’, ńgie, n ge gÿo tÿó mbwo gù. Tá’ zsé ngie n gẅiin tsɔ́ mmó gie à lɔɔn ńgwɔ́ n zɛ́te ngie ɔ̀ tÿó mbwo mèŋ. À gwɔ́ pá’ ɔ̀ gwaa gẅiin légwɔ́ gẅie ɔ̀ gẅiin fʉ̀’ɔɔn tɛ’, ńzẅɛ́’ɛ pɔ́ wɔɔn.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

Ŋwà’ne Jâg 5:20

mbà nyìŋ gẅie à tÿɔgté yé tà á fóo ná mánzsè tepòŋ ńkẅɛ, ge gÿo à tsẅɛ́. À cʉa pú’u, e Ssé lege menò tepòŋ tà ńgyɔ́ɔn.