1 Timote 4:14 - Nouveau Testament en Ngienboum

¹⁴ Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

1 Timote 4:14 ပူးပေါင်းရင်းမြစ်များ

Megàŋ ntúm 11:30

Awɔ̌wɔ́ɔ mwoonte pɔ̀ɔn yé. Mé cú’tè, ńnáa mbwo Panebâse pɔ́ Sɔ̂l. Pɔ́ lɔg ńgʉa lénáa mbwo pàkẅé mvfò tsɛ̀ɛ cú’tè pʉ̀a Kristo.

Megàŋ ntúm 13:3

Pɔ́ jú’ pá’ɔɔn, ńnéŋe nzyè, ésẅíŋte Ssé tà ńtsẅé jʉ’, ńdeen ńké ńzáb mbwó twó pɔ́b, ńnyé wɔ́b pɔ́ gʉa.

Megàŋ ntúm 19:6

Pɔl gwɔ́ tà ńzáb mbwó twó pɔ́b, a Zẅìge Ndʉalʉ̌a kúu ná pɔ́b. Pɔ́ zye léshwóŋó meshwóŋè mie pɔ́ laa zɔɔn ńzí’i wɔ́, ḿbiŋ ne ńtsẅii nkʉ̀ gẅie é fóo mbwo Ssé.

Megàŋ ntúm 22:5

Tándá pànuŋe pwɔ́’, mbaa cú’tè pàsá’a lá’ɔɔn, ne ńzsé ngie nò gie mèŋ n gɔɔn áa nénʉ́. Pɔ́ zɔ̌ la zɔɔn ńná meŋwà’ne ńdɔg ńtúmo wɔ̀ɔn ngie n gʉa ńnyɛɛ mbwo mefɛ́ pégè pà Yuda pie pɔ́ ée tsɛ̀ɛ tÿǒsoŋ Ndamas. Á gwɔ́ ngie n gwoon pʉ̀a Kristo, ńdɔgɔ wɔ́b ḿbiŋ nzèm nê Yerósalem. Légwɔ́ gie mé ge gÿo pɔ́ gyá ngɔ́’.

Megàŋ ntúm 6:6

Pɔ́ la tsɔ́’ pʉ̀a pɔɔn, ńdɔgɔ wɔ́b ńtó, ńnyɛɛ mbwo megàŋ ntúm. Megàŋ ntúm sẅíŋte Ssé, ńzáb mbwo twó pɔ́b.

Megàŋ ntúm 8:17

Piɛ pɔ́ Jâŋ záb mbwo twó pɔ́b, à Zẅìge Ndʉalʉ̌a lêen ńké ńkúu ná pɔ́b.

1 Tesalonika 5:19

Tà pi tɔ’ɔ Zẅìge Ssé léfa’a fà’.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

1 Timote 4:15

Nyɛte ńnéŋe twó ná yɔɔn fà’ té tsyɛte nnɛ́, ńzsé ngie pʉ̀a metsèm ge gyá pá’ fà’a jú ne ńgiŋe.

1 Timote 5:17

Á gʉa nà pʉ̀a pie é kẅé mvfò ná cú’tè pʉ̀a Kristo, ńne fa’a mboŋó, mé gÿo mekù’ mɔ́b, ńná ntsɔ’ɔ́ fà’ gẅie é ńzɛ́te né pɔ́b, ńtʉʉ lelÿò ńgÿo me pʉ̀a pie pɔ́ shwóŋó nò Ssé ḿbiŋe ńzí’i pʉ̀a mmó.

1 Timote 5:19

Mé lɔɔn ńtó shwóŋó gú nò ná nyìŋ gẅie à kẅé mvfò cú’tè, ɔ̀ nyé té jú’u ncwò pʉ̀a mépʉ́a kà pʉ̀a métá wɔ́, tè lɔg ńtóŋo nò.

1 Timote 5:22

Tè sẅɛte ńzáb mbwo ná nyìŋ ńcʉ́me fà’a cú’tè pʉ̀a Kristo mbwo yé. Zɔɔn ḿvɔg ńtsa’a yé mboŋó, ḿbɔ́gɔ ngàŋ légÿo nò tepòŋ, á cʉ́’ʉ jú. Pɔ́ɔn kɔ̀ɔkɔ́ɔ gie ńgwɔ́ á cʉŋte gú.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

2 Timote 1:6

Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.