1 Timote 4:10 - Nouveau Testament en Ngienboum

¹⁰ Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

1 Timote 4:10 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 27:43

À la záb ntʉ́m wé nà Ssé, e Ssé lɔɔn ne ńkwoŋo yé tà shwóŋó nò, á gÿo á tsẅɛ́ fʉ̀’ɔɔn! Nyìŋ wɛ̂ la zɔɔn ńgɔɔn ngie: Mèŋ n ge Míŋ Ssé.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

Ŋwà’ne Jâŋ 5:24

Tà mèŋ shwóŋó gẅí, kwà’ nénʉ́, nyìŋ jú’u shwóŋè yɔ́ɔn, ḿbiŋ ńzáb ntʉ́m ná Nyìŋ gẅie à la túmo wɔ̀ɔn, mbà ngàŋ gẅiin le gwɔ́ tèmì. Mé té ge gíŋe ŋaga yé wɔ́, à tsẅɛ̌ legwé ńcʉ́’ ńgẅiin pɔ́ le gwɔ́ tèmì.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

2 Korento 1:10

Peg laa ncwò legwé mbÿág pú’u, yé zɔ̌ kẅile wég, à ge gÿo gíŋe kẅile wég tsɛ̀ɛ tsɔ́ mengʉ̀ngʉ̀. Áa nénʉ́ peg kwá’ ne ńzsé ngie à ge gÿo gíŋe kẅíle wég tsɛ̀ɛ tsɔ́ mengʉ̀ngʉ̀,

1 Timote 2:3

Lesẅiŋté Ssé nà twó pʉ̀a aa mbòŋ, ńgwɔ́ mmó gie á poŋ Ssé gẅie à gÿo pege tsẅɛ́ɛ.

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

1 Timote 2:6

Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.

Heber 13:13

Pú’u la, pege fó yégè á jʉ’ gie mé tsẅé wó, ńkẅɛ, ńgʉa ńtsɛ́ɛ yé, ńne ńzẅíŋe ngie mé zoonte wégè pá’ yé.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.