1 Timote 3:8 - Nouveau Testament en Ngienboum

⁸ Á gíŋe ńzɛ́te ngie pàfa’ mefà’ tsɛ̀ɛ cú’tè pʉ̀a Kristo gwɔ́ yɔ́b pʉ̀a pie é gẅiin mekù’, ńgwɔ́ pàshwóŋó nò nénʉ́, ńgwɔ́ pʉ̀a pie é té ma’ mbùm yɔb ná melù’ wɔ́, ńké le gwɔ́ pʉ̀a pie é kwoŋ nkáb ńgáte gaté wɔ́.

1 Timote 3:8 ပူးပေါင်းရင်းမြစ်များ

Roma 3:13

Ncwò wɔ́b pú ńdem pá’ gyě lesyè sie mé fwɔ̌’. Pɔ́ lɔgɔ lʉ́me yɔ́b ḿbab pʉ̀a mesoŋ pab. Anò gie á kẅɛɛ nà mekùb ncwò mɔ́b gwɔ́ pɔ́ pá’ sesìŋ nnú.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

1 Timote 3:12

Á zɛ́te ngie pàfa’ mefà’ tsɛ̀ɛ cú’tè pʉ̀a Kristo gẅiin pɔ́ tà’ tà’ manzwě, ńdíe membʉ̀a mɔ́b mboŋó, tà mbɔɔ penkʉ́ pɔ́b.

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

1 Timote 5:23

Tè gíŋe ńnú pɔ́ ndà’ ntse. Núu méjʉ’ʉ melù’, ńtí lepfòm shú sie ée ńgwá ńgege gú lɛ.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Ŋwà’ne Jâg 3:10

Mbʉ́lè mbɔɔ ndòon pǔ ńkẅɛɛ pɔ́ tsɛ̀ɛ tà’ ncwò wémɔ’ɔ́. Mefɛ́ pɔ́ɔn, á kɔ’ɔ́ tè poŋ ngie à gwɔ́ pú’u wɔ́.

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.