1 Timote 3:7 - Nouveau Testament en Ngienboum

⁷ Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

1 Timote 3:7 ပူးပေါင်းရင်းမြစ်များ

Malékuse 4:11

Á gɔɔn mbwo pɔ́b ngie: E Ssé lá gÿo ngie pi pɛ̂ zɔ zsé nò nénʉ́ nà lefùɔ sé gie áa lelyěen. Tá á gʉa ná petsɔ́ pʉ̀a pie pɔ́ té nà gí nùɔ wɔ́, pɔ́ jú’ yɔ́b pɔ́ ndà’ ngie mé lɔg sagá nò ńgɔɔn nò.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 22:12

Ńkúu wó, atsɔ̌ nyìŋ gwɔ́ wó. Mé tóŋo yé lê Ananias. Á gwɔ́ nyìŋ ńgÿo mekù’ Ssé kwà’ pá’ *lepʉ̌ ségè ne ńzɛ́te. Pà Yuda pie pɔ́ tsẅé tÿǒsoŋ Ndamas tà ḿmaga wɔ́b pɔ́ kíme yé pɔ́ mboŋó.

Megàŋ ntúm 6:3

Pú’u lá, mbà mefɛ́ mefɛ̀, pi gʉa tsetsɛ̀ɛ pi, éfa’ pʉ̀a sɔɔn mbʉ́a pá’ pɔ́ ge ně fa’a yɛ̌ fà’. Pi cʉ́’ʉ letsɔ́’, ńdíe pʉ̀a pie tsẅé yɔ́b poŋ. Epʉ̀a pie Zẅìge Ssé léen ńjÿó letʉ́m sɔ́b. Pɔ́ piŋ ńgẅiin zsé nò. Peg cʉ́me fà’a shúm léjÿó mbwo pɔ́b,

1 Korento 10:32

Tà pi gÿo mmó gie nyìŋ Yuda kà nyìŋ Gelekia wɔ́, kà nyìŋ cú’tè pʉ̀a Ssé wɔ́, ge kwɔɔnte mǒ gwe ssé.

1 Korento 5:12

Pega pʉ̀a pie é té pʉ̀a Kristo wɔ́ zɔɔn ńgẅiin kɔ́ tà mèŋ n ŋaga wɔ́b? Pi gẅiin pɔ́ léŋag pʉ̀a pie pia pɔ̌ pú ńgwɔ́ ndá.

2 Korento 6:3

Á gʉa ná peg ngàŋ ntúm, peg tè ne ńgÿo tsɔ́ mmó gie ńgwɔ́ nyìŋ kwɔɔnte mǒ ńgwe ssé, mé fó mǒ ńdɔg ńzoonte fà’a yég wɔ́.

2 Korento 8:21

Peg ne ńtsɔ́ɔn légÿo mmó gie á té poŋ pɔ́ ndà’ mbwo Ssé wɔ́, peg ne ńtsɔ́ɔn légÿo gie á ge gíŋe poŋ mbɔɔ mbwo pʉ̀a mesoŋ.

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.

1 Tesalonika 4:12

ńzsé ngie pʉ̀a pie é té pʉ̀a Kristo wɔ́, ge gyá pú’u, é gɔ’te gi ntí leńnéŋe. Pi piŋ ńké le cʉ́’ʉ pì’ mbwo tsɔ́ nyìŋ wɔ́.

1 Tesalonika 5:22

ḿbú ńkÿo nò tepòŋ ntsèm.

1 Timote 3:6

Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

1 Timote 5:14

Áa mmó gie á gÿo tá mèŋ n gyá ngie á poŋ ngie mepfɔ̌g pie é nyé pe mekʉ́ pɔ́ zɔ́’, ńzyé gubé, ńtáŋte mendá mɔ́b, á cʉa pú’u, megàŋ mbù pégè é le gẅiin shÿó légɔɔn nò ná pege wɔ́.

1 Timote 6:9

Tá á ké ńgʉa ná pʉ̀a pie pɔ́ kwoŋo légẅiin shúm tà é gyɔ́ɔn gyɔ̌ɔn, mbà pɔ́ gwe tsɛ̀ɛ nkwà’te. Eshúm tepòŋ sie pɔ́ tsɔ́ɔn, é gwɔ́ sie é cʉŋte nyìŋ cʉŋte, é gwoon wɔ́b pá’ lejÿɔ́’ la. Sɛ̌ shúm tsóte pʉ̀a mesoŋ pɔ́ gwe ssé, ńkúu pyé.

2 Timote 2:26

ńgíŋe ńkwaŋa nò pá’ á kě ńne ńzɛ́te ngie pɔ́ kwaŋ, ńdeen ńké fóo tsɛ̀ɛ mejÿɔ́’ mie Sátà la lɔg ńgwoon wɔ́b ńkẅɛ. Mbà pɔ́ kaa tsoló ńcʉ́’ ńgwɔ́ pɔ́ megàŋa tsǎŋ, ńgÿo pɔ́ mmó gie Sátà ne ńkwoŋo.

Titus 2:5

é gwɔ́ manzwě gẅie à sáŋa nò tá ńgÿo, é gwɔ́ manzwě gẅie à zsě pɔ́ ndà’ ndǔm we, éfa’ mefà’ ndá mé mboŋó, é gwɔ́ manzwě gẅie mé kwoŋo nò yé, é gwɔ́ manzwě gẅie à jú’ ncwò ndǔm we. Pɔ́ lɔɔn ńgÿo pú’u, nyìŋ léshwóŋe té poŋ nà nò Ssé wɔ́.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

3 Jâŋ 1:12

ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.