1 Timote 3:6 - Nouveau Testament en Ngienboum

⁶ Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

1 Timote 3:6 ပူးပေါင်းရင်းမြစ်များ

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

1 Korento 3:1

Mefɛ́ pɔ́ɔn, mèŋ n ka cʉ́’ʉ légɔɔn nò mbwo pi, ńgyá ngie à lɔɔn ńgwɔ́ ń de gɔɔn pá’ ngwɔ́ n gɔɔn nò mbwo pʉ̀a pie pɔ́ jú’u ncwò Zẅìge Ssé wɔ́. Mèŋ ka gɔɔn pɔ́ nà ntí gie ngwɔ́ n gɔɔn nò mbwo pʉ̀a pie pɔ́ nyé ńjú’u pɔ́ mmó gie mbùm yɔ́b ne ńgɔɔn. N gɔɔn pɔ́ pá’ à lɔɔn ńgwɔ́ n gɔɔn nò mbwo pʉ̀a pie pɔ́ ée nà lezǎb ntʉ́m ná Kristo, ńnyé ńgwɔ́ pɔ́ pûɔ mepÿɛ́.

1 Korento 8:1

Á gʉa nà nò pfwɔ́’ɔ mbab gie mé nǎ nà shúm sie mé gu’te ngie ee messé, mbà áa nénʉ́ ngie pi metsèm zɔ́gɔ ńgɔɔn ngie pi zɔ zsé nò mǒ. Tá’ yɛ̌ ntí zsé nò gÿo nyìŋ ŋá’te ŋa’té. Tá mmó gie á gÿo mé kẅi’i ńzáb pɔ́ ntʉ́m nà Ssé, aa nyìŋ lé ně ńkwoŋo fɛ́ we.

2 Korento 12:7

Pá’ n da gyá menò mmɔɔn mmɔɔn la, e Ssé gyá ngie ńgwaa ńgwɔ́ n dɔg ńŋá’te, ńzẅíŋ mântúm Sátà ńnéŋe ńcúa wɔ̀ɔn, é gwɔ́ ngɔ́’ gie e la kúu ná mèŋ pá’ nzóŋ gie e lé’e ná mèŋ ńne ńnéŋe ńgége wɔ̀ɔn la, pú’u, légwɔ́ gie n te ka’te wɔ́,

1 Timote 3:7

Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

1 Timote 6:4

mbà ngàŋ ŋa’te ngie à zsé nò, tá ńké tè ne ńzsé wɔ́. À zsé yé pɔ́ lézoŋo nò, ńgwá fó nà nò gie mé gɔɔn, ńcu’u twó pʉ̀a. Á cʉa pú’u, pʉ̀a zye légẅiin kègɔ́’, ńzye lézoŋo nò, ńzye zoonte, ńzye légyéte mefɛ́ pɔ́b ná nò tepòŋ,

2 Timote 3:4

é gwɔ́ pàjÿò menáŋ, é gÿo nò pɔ́ ḿvege vege, é gwɔ́ ngàŋ ŋá’te tɛ’, é kwoŋo mmó gie á poŋo wɔ́b, pɔ́ le Ssé kwoŋ,

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,