1 Timote 3:4 - Nouveau Testament en Ngienboum

⁴ À gwɔ́ nyìŋ gẅie à líe mbʉ̀a ye mboŋó, ńgwɔ́ nyìŋ gẅie à gẅiin penkʉ́ pé nà ntí gie pɔ́ ge jú’ ncwò wé, é gÿo mekù’ mé.

1 Timote 3:4 ပူးပေါင်းရင်းမြစ်များ

Megàŋ ntúm 10:2

Á gwɔ́ nyìŋ, pâ ngẅɛ̀ yé ntsèm pú ńgÿo mekù’ Ssé pà Yuda, ńjú’u ncwò wé. Á piŋ ńkẅéte pà Yuda pie ée mepóŋ tà é gyɔ́ɔn gyɔ̌ɔn, ńnéŋe sẅíŋte Ssé fʉ̀’ ntsèm.

Efeso 5:24

Ndʉŋ ndʉŋ pá’ cú’tè pʉ̀a Kristo ne ńnáa mbùm ye ssé mvfò Kristo la, á zɛ́te ngie a gʉa ná pi pànzwě, awɔ̌wɔ́ɔ ná mbùm ye ssé mvfò ndǔm we pɔ́ pú’u.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

1 Timote 3:12

Á zɛ́te ngie pàfa’ mefà’ tsɛ̀ɛ cú’tè pʉ̀a Kristo gẅiin pɔ́ tà’ tà’ manzwě, ńdíe membʉ̀a mɔ́b mboŋó, tà mbɔɔ penkʉ́ pɔ́b.

Titus 1:6

Á zɛ́te ngie nkẅè mvfò gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, penkʉ́ pé záb ntʉ́m nà Ssé, mà wɔ́b gwɔ́ we mbòŋo, pɔ́ piŋ ńnéŋe ńjú’ ncwò we.

Titus 2:2

Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.