1 Timote 3:16 - Nouveau Testament en Ngienboum

¹⁶ Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

1 Timote 3:16 ပူးပေါင်းရင်းမြစ်များ

Matio 1:23

Mé ge lá’ gwaa gyá, mùɔ ngùɔ nyé té zsé mámbàŋa ńgwɔ́ shwoŋ, ńzyé múɔ mbàŋa, mè tsẅi lezíŋ sé lê Emanuel, e lɔgɔ ńgɔɔn ngie: «E Ssé ee nùɔ pege».

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Matio 28:2

ńdeen ńkúu wó ńjú’ tsetsá’ pú ńcʉ’ʉ tɛ’. *Cÿɔ́’ Cʉ̀apʉ̀a fó tÿǒ lepwó sẅɛ́’, ńtó ńkite tóon gẅie mé ka lɔg ńjÿɔ́’ ncwò lesyè, ńkwɔ́’ ńnéŋe ná tóon ŋwɛ́.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.

Matio 4:11

Sátà leen ńké ńnyé Yěsô. *Mecÿɔ́’ Ssé tó, ne ńkẅéte yé.

Malékuse 1:13

Pâ menɔ̀ɔn zɔ̌ gwɔ́ wó, ńnéŋe ńnéŋe lyɛ’ɛ́ lá’ móm lekùa, Sátà gwáa ńtóo ńtsóte yé ngie à fʉa nò. *Mecÿɔ́’ Ssé ne ńdíe yé.

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Malékuse 16:5

Pɔ́ zyɛ́’ ńkúu tsɛ̀ɛ lesyè, ńgyá tsɔ̌ mûɔ ngwàshùm ńnéŋe nà gwoŋó pwó tʉ̀, ḿma’a féfɔ́gɔ nzsǒ. Pɔ́ gyá yé ḿbɔ́g tɛ’.

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Lukase 20:44

Tà fùɔ Ndavíd tóŋo yé le we Ndè pá’ɔɔn, *Nzà’nkÿo piŋ ńgwɔ́ nyìŋ nà ngẅɛ̀ ye lêkɔ́?

Lukase 22:43

Ńgɔɔn pú’u, tà’ *cÿɔ́’ Ssé tó ńne ńtóonte yé

Lukase 24:4

Pɔ́ la tyé ńdíe jʉ’ é ne ńkʉ́’ʉ wɔ́b, pɔ́ gwoon ńgyá pʉ̀a mépʉ́a kẅɛ, ḿma’ menzsǒ é fɔ́g tà ńŋwʉŋe.

Lukase 24:51

Á ne ńnéŋe mbʉ́lè ná pɔ́b pú’u, ńně ńkwɔ́’ɔ ńgee nê tÿǒ lepwó.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 13:3

Yěsô ne ńzsé ngie Tá we la pú ńnéŋ shúm ntsèm mbwo yé, ńgíŋe ne ńzsé ngie à la fó mbwo Ssé, à piŋ ne ńgee né lejʉ́ŋ Ssé.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Ŋwà’ne Jâŋ 16:28

Mèŋ n da fóo mbwo Tá wɔ̀ɔn, ńtóo tsɛ̀ɛ njÿó, mèŋ m biŋ ńgwɔ́ fʉ̀’ɔɔn ńne fóo tsɛ̀ɛ njÿó ńgee ne ńtsɛ́ Tá wɔ̀ɔn.

Ŋwà’ne Jâŋ 17:5

Áa nà fʉ̀’ɔɔn me Tá wɔ̀ɔn, mèŋ n ne ńdúɔ ngie ɔ̀ gíŋe náa wɔ̀ɔn legú’ gẅie mèŋ n da gẅiin lejʉ́ŋ gù, á legú’ gẅie n da gẅiin lejʉ́ŋ gù, tà yɔɔn njÿó nyé té gwɔ́ wó.

Ŋwà’ne Jâŋ 20:12

Ńgyá *mecÿɔ́’ Ssé mépʉ́a, pɔ́ ma’ meféfɔ́gɔ nzsǒ, ńnéŋe jʉ’ gie mé ka nuŋo pfó Yěsô wó. Tà’ ńnéŋe ná jʉ’ gie twó yé kaa wó, wetsɔ̌ ńnéŋe ná jʉ’ gie mekwò mé kaa wó.

Ŋwà’ne Jâŋ 6:62

Tà pi lɔɔn ńgwɔ gyá *Míŋ Nyìŋ gíŋe ńkwɔ́’ ńgʉa né jʉ’ gie à la zɔɔn ńgwɔ́ wó, pi gÿo pɔ́ lêkɔ́?

Megàŋ ntúm 1:19

Yerósalem ntsèm ntsèm la jú’u yɔɔn nò, tà ńtsẅi lezíŋ nká’ ngie: Akelduma, ńdɔgɔ ńgɔɔn ńgie nká’ metse.

Megàŋ ntúm 10:34

Piɛ lêen ńké ńgɔɔn ngie: Mèŋ n gee fʉ̀’ɔɔn pá’ɔɔn, mbà mèŋ n děen ńké ńgyá, kwà’ nénʉ́, ngie e Ssé tè tyɛ’te pʉ̀a mesoŋ wɔ́.

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Roma 10:12

Pú’u la, atsɔ́ tyɛ’te té gíŋe ńgwɔ́ tsetsɛ̀ɛ nyìŋ Yuda pɔ́ nyìŋ gẅie à tè nyìŋ Yuda wɔ́ wɔ́. Pɔ́ métsèm pú ńgẅiin pɔ́ tà’ Cʉ̀apʉ̀a wémɔ’ɔ́ gẅie à gÿo menò mbòŋo mé ná pʉ̀a metsèm pie é lʉa ńtóŋo yé.

Roma 10:18

Á fó ńgwɔ́ tà ńgwɔ́ gie ńgwɔ́ mèŋ n zɛ́te ngie tà pà Yuda la zɔɔn ńkwa’ ńjú’ wɔɔn nkʉ̀ wɔ́? N gyǎ ngie pɔ́ la jú’ jǔ’. Á gwɔ́ pá’ mé la ŋwe’e tsɛ̀ɛ ŋwà’ne Ssé ngie: Mé jǔ’ ngyè yɔb, pɔ́ ne shwóŋó nò Ssé á jʉ’ ntsèm ndùmo ssé tsetsá’. Anò gie pɔ́ gɔ̌ɔn gǐŋ giŋ tà ńkúu nzsòte tsetsá’.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Roma 16:26

Á piŋ ńgwɔ́ fʉ̀’ɔɔn, mbà á kéen ńkẅɛɛ mángyɛ̌. Pá’ Ssé la tsẅi la, mé ée fʉ̀’ɔɔn ne fóo ná mmó gie pà *ntsẅì nkʉ̀ Ssé la ŋwe’e, ńne sá’a légwɔ́ gie pʉ̀a pie é té pà Yuda wɔ́ ge zsé Kristo, é záb ntʉ́m ná yé, é jú’ ncwò wé.

Roma 3:4

Ngǎŋ, ńgwɔ́ á le pú’u gÿo. Tà mbɔɔ pá’ pʉ̀a mesoŋ metsèm pú ńgwɔ́ pɔ́ ngàŋa cÿɔ̌ nò, yé Ssé à tè gɔɔn nò ḿbiŋ ńkúbe wɔ́. Áa ndʉŋ ndʉŋ pá’ mé la ŋwe’e tsɛ̀ɛ ŋwà’ne Ssé ngie: Gù Ssé gwɔ̌ tà ńgɔɔn nò mé gẅiin lézsé ngie ashwóŋè jú àa ndʉŋ ndʉŋ, Ńgwɔ́ gie nyìŋ ŋaga gú á le gú jÿó.

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

Roma 9:5

Pà mangʉa njʉ’ pɔ́b la kẅɛɛ nà ngẅɛ̀ Ábalam. Kristo gẅie aa Ssé, la gÿo ńkẅɛ yé nà yɛ̌ ngẅɛ̀, á fʉ̀’ gie mé la zyé yé á gwɔ́ nyìŋ mesoŋ. À pǔ ńcʉa kɔ̀ɔkɔ́ɔ. Mbʉ́lè gwɔ́ ná yé mengù’u mengù’. *Amen.

1 Korento 15:47

E Ssé la cʉ́’ʉ lépwóon ndùŋ mvfò nyìŋ mesoŋ, ńdɔgɔ tsetsá’ ḿbwóon yé. Wɛ̌ nyìŋ lɔgɔ pú’u, éfóo ndùmo ssé tsetsá’, tá’ nyìŋ mbɔ́ɔntè yépʉ́a á fóo pɔ́ tÿǒ lepwó.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

Galatia 2:8

Á lɔgɔ ńgwɔ́ ngie e Ssé gẅie à la zɔɔn ńnáa Piɛ tʉ̀, ńtúmo yé mbwo pà Yuda, yé zɔ la gíŋ ńnáa wɔ̀ɔn tʉ̀ ńtúm wɔ̀ɔn mbwo pʉ̀a pie é té pà Yuda wɔ́.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 6:19

Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

2 Tesalonika 1:10

Á ge lá’ gwɔ́ pú’u, nà lyɛ̌’ gie Cʉ̀apʉ̀a ge lá’ tó, á gwɔ́ nà yɛ̌ lyɛ’ɛ́ lÿò, epʉ̀a pé ne ńnáa mekù’ mé, pʉ̀a pie é záb ntʉ́m ná yé métsèm ne ńgu’te yé. Pi gwɔ́ gí tsetsɛ̀ɛ pɔ́b, mélà’mie pi la zẅíŋe nò yé gie peg la shwóŋó gẅí.

2 Tesalonika 2:7

Menò mie fùɔ menò tepòŋ ge lá’ gÿo, é kěen ńzɔɔn ńzyéte, tá ńké ńnyé shúu shú, é cʉ́’ pɔ́ ndà’ pá’ mé ge pe’e nyìŋ gẅie à táte yé.

1 Timote 3:9

Á zɛ́te ngie pɔ́ kú’te nò nénʉ́ gie á laa lelyěen, e Ssé nyɛɛ wégè, ńkú’te nà ntí gie mbùm yɔb tè cúa wɔ́b gwɔ́.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 7:7

Mé zɔɔn ńzsé mboŋó ngie nyìŋ gẅie à ńnéŋe mbʉ́lè à cʉa nyìŋ gẅie à kẅé mbʉ́lè.

Heber 8:1

Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

1 Jâŋ 1:2

E Ssé la gwɔ́ tà ńtó ńnáa wɛ̌ le gwɔ́ né peg, peg gyá yé, tà peg ee pá’ɔɔn ńgwɔ́ pàjÿò ńgyá, ńne shwóŋó gẅi nò ná le gwɔ́ tèmì gẅie à la fó lejʉ́ŋ Tá ńtó ńnyɛ́ mbùm ye mbwo peg.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Ŋwà’ne Ngyà jʉ’ 17:5

Mbà mé la ŋwe’e tsɔ́ lezíŋ nà zǐ yé. Lezsě mmó gie é lɔgɔ ńgɔɔn á tʉ tɛ’. Lezíŋ ŋwɛ́ lɔgɔ ńgwɔ́ ngie máamáa tÿǒsoŋ Mbabilonia, má pà pà ngÿò mpfwɔ́’ mbɔɔ ntí ntí menò tepòŋ mie ée ndùmo ssé tsetsá’.

Ŋwà’ne Ngyà jʉ’ 17:7

Tá *cÿɔ́’ Ssé gɔɔn né mèŋ ngie: Ɔ̀ mɔɔn kɔ́? N ge kyɛ́’ ntsèm manzwě wɛ, éshwóŋó gú, mbɔɔ ye nɔ̀ɔn gẅie etwó sé ée sɔɔn mbʉ́a, mendóŋ mé gwɔ́ legém la.

Ŋwà’ne Ngyà jʉ’ 7:9

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá nùɔ lá’ gie ńgwɔ́ nyìŋ le sáŋ tà ńzsé nzẅìŋ wɔ́. Mbà pʉ̀a fǒ nà mengwòŋ ntsèm, éfó nà mengẅɛ̀ mengẅɛ̀, ńgwɔ́ mentí mentí, éshwóŋó meshwóŋè ntí ntí mie ée ndùmo ssé tsetsá’. Pɔ́ la tyé mvfò lʉŋe lefùɔ, mbɔɔ mvfò Mûɔ *Njʉ̀njÿò, ḿma’ meféfɔ́gɔ nzsǒ, ńgẅiin meyáŋa letÿǒon,