1 Timote 3:13 - Nouveau Testament en Ngienboum

¹³ Pàfa’ mefà’ tsɛ̀ɛ cú’tè pʉ̀a Kristo lɔɔn fa’a fà’ mboŋó, mbà mé ge ná mekù’ mɔ́b, pɔ́ ku’u légɔɔn nò gie pɔ́ zába ntʉ́m ná Yěsô ńtí yɛ̌ tà pɔ́ le pɔ́g.

1 Timote 3:13 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Lukase 19:17

Áfùɔ tsɔ́’ ngie, áa mboŋ, ɔɔ ngàŋa fà’ we mbòŋo. Pá’ ɔ̀ pɔ̌ɔn múɔ mémmó mboŋó la, mèŋ n ge ná metÿǒsoŋ legém ɔ̀ ne sá’a.

Megàŋ ntúm 21:35

Mé lɔgɔ Pɔl ńgʉa tà ńcʉ́’ʉ lékúu jʉ’e mesetɔ̂b, alá’ nÿɔgɔ lézẅé yé. Tá pàlÿɔ́’ ncù fó ńcʉ́’ ńkaa yé kaa.

Megàŋ ntúm 6:15

Pàsá’a lá’ pie laa ndá métsèm lêen ńké ně ńtÿɔ́gɔ menÿɔ́g nà Etien, ńgwaa gyá eshÿó wé cʉ́’ ńgwɔ́ pɔ́ pá’ we *cÿɔ́’ Ssé lá.

Megàŋ ntúm 6:5

Pʉ̀a Kristo jú’, á pú ḿboŋo wɔ́b tɛ’. Pɔ́ lêen ńké ntsɔ́’ɔ Etien. Á gwɔ́ nyìŋ ńzáb ntʉ́m wé nà Ssé tɛ’, mbà Zẅíge Ssé léen ńjÿó yé. Mé gíŋe ńtsɔ́’ɔ Filib, ńtsɔ́’ɔ Porokɔr, ńtsɔ́’ɔ Nikanor, ńtsɔ́’ɔ Timon, ńtsɔ́’ɔ Parmenas pɔ́ Nikola gẅie a laa nyìŋ Antiokia. Mbà à la kúu nà nò Ssé pà Yuda.

Megàŋ ntúm 6:8

Etien gẅie mé la tsɔ́’ɔ yé la, à laa nyìŋ, mbà Ssé la tsẅagte pwó yé, ńně náa yé metʉ̀. Á lɔgɔ ńgÿo menkʉ̀’ʉ menò lâ menò mmɔɔn mmɔɔn tsetsɛ̀ɛ pʉ̀a.

1 Korento 16:15

Mefɛ́ pɔ́ɔn, pi ne ńzsé ngie Stefanas pɔ́ tsìŋe ndá yé, pɔ́ ée melùŋ mvfò pàzáb ntʉ́m ná Kristo tsɛ̀ɛ lá’a gí Akay, pɔ́ ne ńnéŋe twó ńgÿo mmó gie cú’tè pʉ̀a Kristo ge zẅɛ́’. Áa pú’u, tá mèŋ n gíŋe ne ńzɛ́te mbwo pi ngie:

Filipo 1:14

Mèŋ n ka gwɔ̌ tà ńkúu tsǎŋ, lelÿò mefɛ́ mefɛ́, gyá pú’u, ńkẅi’i ńzáb ntʉ́m wɔ́b ná Cʉ̀apʉ̀a. Tà pɔ́ ne shÿɔ́gɔ shwóŋó nò Ssé fʉ̀’ɔɔn té pɔ́g.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Timote 3:14

Timoté, mèŋ n ne ńkwaŋa ngie n te láte tá tó gyá gú wɔ́. Mèŋ n ké ńŋwe’e yɔɔn ŋwà’ne, ńnáa mbwo gù pá’ɔɔn,

2 Timote 2:1

Ńké ńgʉa ná gù míŋ wɔɔn, ɔ̀ ké ne ńjʉ́’ʉ pɔ́ nà metʉ̀ mie Yěsô Kristo lɔgɔ ńcÿó gʉm yégè, ńzsé ngie ɔ̀ ge tʉte tsɛ̀ɛ nò gie áa nénʉ́.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.