1 Timote 2:8 - Nouveau Testament en Ngienboum

⁸ Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

1 Timote 2:8 ပူးပေါင်းရင်းမြစ်များ

Matio 21:21

Yěsô tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, pi lɔɔn ńzáb ntʉ́m nà Ssé, tà pi tè mʉ́’te, mbà pi ge ku’u légÿo mmó gie mèŋ n gÿǒ nà tÿǒ mbÿě ngem lɔɔn. Mbà à lɔɔn ńgwɔ́ pi gɔɔn né lekwɛ́ sɛ̂ ngie: Fó jʉ’ɛ ńgʉa ńtyé tsɛ̀ɛ ntse té pàa! É jú’ ncwò gẅí

Matio 5:44

!Tá’, mèŋ n gɔɔn né pi ngie: Pi kwoŋ megàŋ mbù pi. [Pi sẅíŋte Ssé nà twó pʉ̀a pie pɔ́ nyɛɛ gẅi ngɔ́’].

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Lukase 24:50

Yěsô gɔɔn pú’u, ńdɔgɔ wɔ́b ńkẅɛ, ńgʉa tà ńcʉ́’ʉ lékúu Mbetáni, ńka’ mbwó ńnáa tÿǒ, ńnéŋ mbʉ́lè ná pɔ́b.

Ŋwà’ne Jâŋ 4:21

Yěsô gɔɔn né yé ngie: Mɔ̌ɔn, zẅíŋe nò gie n gee ńgɔ̌ɔn. Afʉ̀’ ne ńku’u pá’ pi tè gíŋe gu’te Tá á ndùm sɔɔn lekwɔ’ɔ́ wɔ́, mbɔɔ Yerósalem wɔ́.

Megàŋ ntúm 10:2

Á gwɔ́ nyìŋ, pâ ngẅɛ̀ yé ntsèm pú ńgÿo mekù’ Ssé pà Yuda, ńjú’u ncwò wé. Á piŋ ńkẅéte pà Yuda pie ée mepóŋ tà é gyɔ́ɔn gyɔ̌ɔn, ńnéŋe sẅíŋte Ssé fʉ̀’ ntsèm.

Megàŋ ntúm 10:31

ńgɔɔn né mèŋ ngie: Kornɛy, e Ssé ju’ú sẅíŋte jú. À kaa lege shúm sie ɔ̀ náa mbwo mepóŋ ńdɔgɔ ńkẅéte wɔ́b la wɔ́.

Megàŋ ntúm 10:4

Á pʉ’ʉ twó yé, ńdíe *cÿɔ́’ Ssé, ńne ḿbɔ́gɔ, ńgɔɔn né yé ngie: Áa kɔ́ Cʉ̀apʉ̀a? *Cÿɔ́’ Ssé tsɔ́’ɔ mbwo yé ngie: E Ssé jǔ’ pá’ ɔ̀ zɔgɔ lésẅíŋte yé, ńgíŋ ńgyá mbɔɔ mmó gie ɔ̀ ne ńgÿo ná mepóŋ ńdɔgɔ ńkẅéte wɔ́b. E Ssé kaa gú lege.

Megàŋ ntúm 21:5

Yɛ̌ ngàb mag, peg gíŋ ńcʉ́me mánzsè. Pʉ̀a Kristo metsèm lâ pànzwě lê gubé yɔ́b gʉa ńtsege wég. Pega pɔ̌ gʉa tà ńkúu ngʉ̀ŋe ntse té pàa, ńkẅí’te ssé, ésẅíŋte Ssé,

Megàŋ ntúm 7:60

À la gɔɔn pú’u, ńkẅí’te ssé, ńga’te lê tʉ̀ ngie: Cʉ̀apʉ̀a, tè líe mmó gie pʉ̀a pɛ ne ńgÿo, ńgɔ́ɔn pú’u, ńkwé.

1 Korento 1:2

Mèŋ n ŋwe’e ńnáa mbwo cú’tè pʉ̀a Ssé á tÿǒsoŋo Korento, á wɔ́b pie e Ssé la laa wɔ́b nà Yěsô Kristo ńdɔgɔ wɔ́b ńgÿo pʉ̀a pé, ńzɛ́te mbwo pɔ́b ngie pɔ́ gwɔ́ kwà’ pʉ̀a pé. N náa yɔɔn ŋwà’ne mbɔɔ mbwo mânyìŋ ntsèm gẅie aa nzɔ̌ nzɔ̌ wɔ́, ńtóŋo lezíŋ Cʉ̀apʉ̀a wege Yěsô Kristo. À lɔgɔ pú’u, ńgíŋe ńgwɔ́ Cʉ̀apʉ̀a wɔ́b yɔ́b.

1 Korento 7:7

Mèŋ n ne ńkwoŋo ngie pʉ̀a metsèm gwɔ́ pá’ mèŋ. Tá wɔ̌wɔ́ɔ à gẅiin yé mmó á gwɔ́ pɔ́ gie e Ssé la ná. Aye wetsɔ̌ nyìŋ gwɔ́ pɔ́ pá’ à ge zɔ́’, aye wetsɔ̌ gwɔ́ pɔ́ pá’ à ńnéŋe pú’u.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

Filipo 1:12

Mefɛ́ mefɛ́, pi zsé ngie ngɔ́’ gie é ka kúu wɔ̀ɔn, e ka gÿo ngie nkʉ̀ mbòŋo kẅi’i sa pɔ́ jʉ’,

1 Tesalonika 1:8

Ashwóŋè Cʉ̀apʉ̀a la zɔɔn fó pɔ́ tsetsɛ̀ɛ pi, ńjÿó pàga ngwòŋ Makedonia mbɔɔ ye Akay. Tá mé ké ńgwɔ́ jʉ’ ntsèm ńzsé ntí gie pi lɔg ńzáb ntʉ́m nà Ssé, tà ńgwɔ́ peg le gíŋ shwóŋó nyìŋ shwǒŋ wɔ́.

1 Timote 5:14

Áa mmó gie á gÿo tá mèŋ n gyá ngie á poŋ ngie mepfɔ̌g pie é nyé pe mekʉ́ pɔ́ zɔ́’, ńzyé gubé, ńtáŋte mendá mɔ́b, á cʉa pú’u, megàŋ mbù pégè é le gẅiin shÿó légɔɔn nò ná pege wɔ́.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.

Ŋwà’ne Jâg 4:8

Pi sẅɛ’te nnɛ́ nê lejʉ́ŋ Ssé, à sẅɛ’te yé nnɛ́ nê lejʉ́ŋ pi. Pi megàŋ mefʉa, pi sɔg mbwó mí, pà nkwòŋ menÿɔ́g, pi kẅile ncÿǒ tsɛ̀ɛ mentʉ́m mí.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.