1 Timote 2:7 - Nouveau Testament en Ngienboum

⁷ E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Timote 2:7 ပူးပေါင်းရင်းမြစ်များ

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

Megàŋ ntúm 22:21

Cʉ̀apʉ̀a lêen ńké ńgɔɔn né mèŋ ngie: Lwo, mèŋ n túmo gú pá’ɔɔn ngʉ̀a shʉ̀shʉ̀a, á tsetsɛ̀ɛ pʉ̀a ntí ntí pie é té pà Yuda wɔ́.

Megàŋ ntúm 26:20

Tà ńcʉ́’ pú’u, mbà mèŋ n da zye ná pʉ̀a Ndamas létsẅii nò yé, ḿbɔ́ɔnte ńkú pʉ̀a pe Yerósalem, éfó wó ńkúu nà pàga ngwòŋ Jẅidea ntsèm, éfó wó ńkúu nà pʉ̀a pie é té pà Yuda wɔ́, ńne ńtsẅii mbwo pʉ̀a metsèm ngie: Pɔ́ kúbe mà wɔb, ḿbiŋe mbwo Ssé, ńne ńgÿo menò mie é lá’te ngie pi kubé mà.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 1:9

Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

Roma 10:14

Tá’ ngwɔ́ pʉ̀a le záb ntʉ́m ná Cʉ̀apʉ̀a wɔ́, ńgÿo lêkɔ́ tá ńdʉa ńtóŋo yé? Ngwɔ́ pʉ̀a piŋ ńgÿo lêkɔ́ ńzáb ntʉ́m ná Cʉ̀apʉ̀a té gwɔ́ gie pɔ́ jǔ’ pá’ nyìŋ shwóŋó nò Cʉ̀apʉ̀a á mbwo pʉ̀a? Ngwɔ́ pʉ̀a piŋ ńjú’ pá’ mé shwóŋó nò Cʉ̀apʉ̀a lêkɔ́, té gwɔ́ gie nyìŋ gẅie à ge shwóŋó nò Cʉ̀apʉ̀a àa wó?

Roma 11:13

Anò gie n ge gɔɔn fʉ̀’ɔɔn lɔɔn, n gɔɔn mbwo pi pie pi tè pà Yuda wɔ́. E Ssé la túmo wɔ̀ɔn mbwo pʉ̀a pie é té pà Yuda wɔ́. Atwó fà’ gie Ssé la ńná né mèŋ, mèŋ n néŋ mekù’ mǒ.

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

Roma 9:1

Anò gie n ge gɔɔn áa nénʉ́. Pá’ mèŋ n déen ńda nnɛ́ ná Kristo la, mèŋ n tě ńgee shwóŋ cÿɔ̌ nò wɔ́. A Zẅìge Ndʉalʉ̌a ne ńgÿo ntʉ́m wɔ̀ɔn shwóŋó wɔ̀ɔn ngie nò gie mèŋ n gɔɔn áa nénʉ́.

1 Korento 9:1

Mèŋ n gee pá’ɔɔn ńgwɔ́ n de gÿo mmó nà ntí gie mèŋ n zsé wɔ́ ka? N te ngàŋ ntúm Yěsô wɔ́ ka? Mèŋ n da tè gyá yɔ́ɔn Cʉ̀apʉ̀a wege Yěsô wɔ́ ka? Pi ka tè gwaa zsé Cʉ̀apʉ̀a, éfóo pɔ́ nà fà’ gie mèŋ fa’a mbwo ye wáa?

2 Korento 11:31

E Ssé gẅie aa tá pà Ndè wege Yěsô Kristo, yé Ssé gẅie á ne ńzɛ́te ngie mé gu’te yé té zá’a pàa, à ne ńzsé ngie n tě ńgɔɔn pá’ɔɔn ńdɔgɔ ńcÿɔ nò wɔ́.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.

Galatia 1:20

Ammó gie mèŋ n ŋwe’e shwóŋó gẅi lɔɔn, áa nénʉ́. Mèŋ n tyě pá’ɔɔn mvfò Ssé, ńgɔɔn ngie mèŋ n tě ńcÿɔ nò wɔ́.

Galatia 2:16

Tá’ peg ké ně ńzsé ngie nyìŋ mésoŋ tè gwaa gwɔ́ nyìŋ gẅie e Ssé cʉ̌’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé, á fóo ná pá’ ngàŋ gɔɔn ngie à kú’te *lepʉ̌ Ssé wɔ́. Á zɛ́te pɔ́ ngie à záb ntʉ́m wé ná Yěsô Kristo. Áa mmó gie á la gÿo peg yég la záb ntʉ́m wég ná Yěsô Kristo, pá’ peg ge gwɔ́ pʉ̀a pie e Ssé cʉ’ʉ́ ńdíe wɔ́b pɔ́ pá’ pʉ̀a pie ée ndʉŋ ndʉŋ. À ké fó pɔ́ ná pá’ peg zǎb ntʉ́m ná Kristo, tà á le gwɔ́ pɔ́ nò gie peg ku’té *lepʉ̌ wɔ́, á nue e Ssé la zɔɔn ńgɔɔn ngie sɔɔn nyìŋ té lá’ gwɔ ku’u légwɔ́ ndʉŋ ndʉŋ mvfò yé à fó ná pá’ ngàŋ gɔɔn ngie à ku’té *lepʉ̌ wɔ́.

Galatia 2:9

Jâg, Piɛ mbɔɔ Jâŋ, é pʉ̀a pie mé lɔ́ɔn ńdíe wɔ́b pá’ mentóon tsɛ̀ɛ cú’tè pʉ̀a Kristo la, la gwɔ́ tà ńzsé ngie e Ssé la kwa’ ńcʉ́me yɔɔn fà’ mbwo mèŋ, ńnáa pwó né peg Panebâse, lélɔg ńda’te ngie pega pɔ̌ ee tà’ ncwò nà fà’a Ssé. Pú’u, peg gẅiin légʉa tsetsɛ̀ɛ pʉ̀a pie é té pà Yuda wɔ́, ńtsẅi nkʉ̀ mbòŋo, pɔ́b yɔ́b pâ Piɛ gẅiin légʉa tsetsɛ̀ɛ pà Yuda ńtsẅi.

Galatia 3:9

Ábalam la záb ntʉ́m nà Ssé, e Ssé néŋ mbʉ́lè ná yé. Pú’u la, pɛ̌ pʉ̀a gwɔ́ pie pɔ́ zǎb ntʉ́m nà Ssé pá’ Ábalam la, e Ssé ge néŋ mbʉ́lè ná pɔ́b yɔ́b.

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

2 Piɛ 2:5

Tà mbɔɔ ngwòŋ we fʉ̀’ʉ mvfò gẅie pʉ̀a mesoŋ laa tsoló, ńgwɔ́ ngàŋ mefʉa e Ssé la tè nyé. À la gÿo ntse fó meshÿó meshÿó ńkwɔ́’, ńjÿó tsetsá’, mengàŋ mbù pé fÿɛ́ɛ tsoló. Á gÿo ndà’ Nóa, gẅie à la ne shwóŋó lá’ mmó gie e Ssé ne ńkwoŋo, lê pʉ̀a sɔɔn mbʉ́a zɔ̌ tsẅɛ́.