1 Timote 2:6 - Nouveau Testament en Ngienboum

⁶ Kwà’ yé máŋwɛ́ la náa twó yé ńdɔg ńcu’ pʉ̀a metsèm mbwo legwé, ńdɔg pú’u, ńnyɛɛ ná fʉ̀’ gie e Ssé la záb ngie yé Ssé ne ńkwoŋo ngie epʉ̀a mesoŋ metsèm tsẅɛ́.

1 Timote 2:6 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Malékuse 1:15

Afʉ̀’ áa pá’ɔɔn, mbà á kǔ’ tà Ssé ge zye lényɛ Lefùɔ sé. Pi kúbe mà gẅí, ḿbiŋ ńzẅíŋ nkʉ̀ mbòŋo wɔɔn ŋwɛ́.

Malékuse 10:45

*Míŋ Nyìŋ la zɔɔn tè tóo ndùmo ssé tsetsá’ pɔ́ pá’ pʉ̀a mesoŋ ge fa’a mbwo yé wɔ́, à la tó pɔ́ léfa’a mbwo pʉ̀a mesoŋ, éfa’ fa’ tà gíŋe ńnáa twó yé lélɔg ńcu’ pʉ̀a tà ńgyɔ́ɔn.

Ŋwà’ne Jâŋ 10:15

Ndʉŋ ndʉŋ pá’ Tá wɔ̀ɔn ne ńzsé wɔ̀ɔn, mèŋ n gíŋe ne ńzsé Tá wɔ̀ɔn. Mèŋ n náa twó yɔ́ɔn ńtí *menjʉ̀njÿò mɔ́ɔn.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Roma 16:26

Á piŋ ńgwɔ́ fʉ̀’ɔɔn, mbà á kéen ńkẅɛɛ mángyɛ̌. Pá’ Ssé la tsẅi la, mé ée fʉ̀’ɔɔn ne fóo ná mmó gie pà *ntsẅì nkʉ̀ Ssé la ŋwe’e, ńne sá’a légwɔ́ gie pʉ̀a pie é té pà Yuda wɔ́ ge zsé Kristo, é záb ntʉ́m ná yé, é jú’ ncwò wé.

Roma 5:6

Á gwɔ́ pá’ á kaa fʉ̀’ gie pege ka zɔɔn ńnyé pɔ́ pàtè metʉ̀, Kristo tóo nà fʉ̀’ gie e Ssé lá záb, ńkwé nà twó pʉ̀a tepòŋ.

1 Korento 1:6

Á fó ná pá’ mé ka shwóŋó gẅi nò gie mé zsé ná Kristo, pi zẅíŋ lê ntʉ́m gẅi ntsèm,

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Galatia 4:4

Tá’ afʉ̀’ gie Ssé la záb la gwɔ́ tà ńku’, á túmo Míŋ we. Á gwɔ́ tó manzwé zye yé. Á ne ńnéŋe ná pá’ *lepʉ̌ Mǒsê ně ńzɛ́te.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 3:5

E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

2 Tesalonika 1:10

Á ge lá’ gwɔ́ pú’u, nà lyɛ̌’ gie Cʉ̀apʉ̀a ge lá’ tó, á gwɔ́ nà yɛ̌ lyɛ’ɛ́ lÿò, epʉ̀a pé ne ńnáa mekù’ mé, pʉ̀a pie é záb ntʉ́m ná yé métsèm ne ńgu’te yé. Pi gwɔ́ gí tsetsɛ̀ɛ pɔ́b, mélà’mie pi la zẅíŋe nò yé gie peg la shwóŋó gẅí.

1 Timote 6:15

À ge gÿo tóo nà fʉ̀’ gie e Ssé la záb. Yé Ssé gẅie à gẅiin tʉ̀ ntsèm. Yé zɔ̌ ndà’ Ssé, ńnéŋe pɔ́ tsɛ̀ɛ lekág, ńgwɔ́ Fùɔ cʉa mefùɔ, ńgwɔ́ Cʉ̀apʉ̀a mecʉ̀apʉ̀a,

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 9:12

Kristo la kúu kwà’ tsɛ̀ɛ jʉ’ gie e Ssé ee wó. À la kú pɔ́ tà’ legʉ̀a á ku’. Á la gwɔ kú, à tè gẅiin metse mbÿɔ́b, kà me púɔ fòŋ lényɛɛ mbwo Ssé wɔ́. À la lɔg pɔ́ kwà’ metse mé ńkú. Wɔɔn aa pá’ à la kẅile wégè ndá tsǎŋ pú’u, pɔ́ ndà’.

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.