1 Timote 2:4 - Nouveau Testament en Ngienboum

⁴ Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

1 Timote 2:4 ပူးပေါင်းရင်းမြစ်များ

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Malékuse 16:15

Ńdeen ńké ńgɔɔn né pɔ́b ngie: Pi gʉa jʉ’ ntsèm tsɛ̀ɛ njÿó, ńtsẅi nkʉ̀ mbòŋo mbwo mbɔɔ wɛ̌ nyìŋ mesoŋ wɔ́ té vʉ’ʉ tsɔ̌.

Lukase 1:77

Ɔ̀ ge táa gÿo pʉ̀a pé zsé ngie á tsoté tà ḿbɔ́ɔnte pá’ à ge lege menò tepòŋ mɔ́b, é gÿo pɔ́ tsẅɛ́,

Lukase 14:23

Tá we jú’ ńgɔɔn né yé ngie: Gʉa metwó nzsè fʉ̀’ɔɔn, mbɔɔ nà melyěen nzsè tsɛ̀ɛ mbʉ̀a, wɛ̌ nyìŋ wɔ́ gẅie ɔ̀ gyǎ, ɔ̀ lɔg tʉ̀, ńtóŋo yé ngie à tó, ńnéŋe wɔ́b tà ndá yɔɔn lúe.

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 17:17

Lɔgɔ nò nénʉ́ jú ńgÿo pɔ́ cʉ́’ pʉ̀a pú tà shwóŋó nò. Ashwóŋè jú áa nénʉ́.

Ŋwà’ne Jâŋ 6:37

Awɔ̌wɔ́ɔ gẅie Tá wɔ̀ɔn nǎ mbwo mèŋ wɔ́, à ge tó tsɛ́ɛ wɔ̀ɔn. M biŋ ńké le lá’a tsɔ́ lyɛ̌’ ńkẅile nyìŋ gẅie à tǒ ńtsɛ́ɛ wɔ̀ɔn, ńnáa pǐ wɔ́.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

2 Timote 3:7

Wɛ̌ nyìŋ wɔ́ tó, ńzí’i yɛ̌ ntí pànzwě nò, pɔ́ zẅí’te zẅi’té tá ńké tè ku’u lézsé nò gie áa nénʉ́ wɔ́.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Titus 2:11

Áa pá’ pʉ̀a Ssé gẅiin légÿo, á nue e Ssé la kwà’ nyɛɛ mbwo pʉ̀a ngie à kwoŋó wɔ́b, ńcÿó gʉm yɔ́b, tà ńgÿo légwɔ́ gie ńgwɔ́ pɔ́b métsèm tsẅɛ́.

Heber 10:26

Mé lɔɔn ńzɔɔn ńnyɛɛ wégè nò nénʉ́ tà pege ne ńzsé mboŋó, ḿbiŋ ńgwá’, ńké ńgÿo pɔ́ nò tepòŋ tà ńne ńzsé zsě, mbà tsɔ́ pwɔ́’ ndyɛ̀’ɛ gẅie ńgwɔ́ mé nuŋe lélɔg ńzyɛ́b menò tepòŋ mégè, é té gíŋe ńgwɔ́ wó wɔ́.

Ŋwà’ne Jâg 3:14

Tá ńké ńgwɔ́ gie pi lɔɔn ńgẅiin kègɔ́’ gẅie à léen ńgá’ mbɔɔ lʉŋte nnɛ́ tsɛ̀ɛ ntʉ́m pi, tà pi gíŋ ńŋá’te ngie pi ee pàzsé nò, tà pi lɔg cÿɔ̌ nò, ḿbyága nò nénʉ́.

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.

2 Jâŋ 1:1

Mèŋ gẅie mèŋ n ge nkẅè mvfò tsɛ̀ɛ cú’tè pʉ̀a Kristo, mèŋ n náa yɔɔn ŋwà’ne mbwo Má penkʉ́. E Ssé la tsɔ́’ɔ gú. Mèŋ n giŋé ńnáa mbɔɔ mbwo gubé jú, m bǔ ńkwoŋo gẅi pɔ́ métsèm, á nue pege metsèm pǔ ńtyé nà nò nénʉ́, é té ndà’ wɔ̀ɔn mie mèŋ n kwoŋo gẅi wɔ́, awɔ̌wɔ́ɔ gẅie à tyé nà nò nénʉ́ giŋé ńkwoŋo gẅi yé.

Ŋwà’ne Ngyà jʉ’ 14:6

N gíŋe ńgyá tsɔ̌ tà’ *cÿɔ́’ Ssé gwɔ́ tàa tÿǒ lefaŋ ńne ńzie, ńgẅiin tsɔ́ nkʉ̀ mbòŋo gẅie ée we tèmì, pá’ à ge gʉa tsẅii mbwo pʉ̀a pie ée ndùmo ssé tsetsá’, á tsɛ̀ɛ mbɔɔ wɛ̌ ngwòŋ wɔ́, á mbwo yɛ̌ ngẅɛ̀ ndá wɔ́, á mbwo pàshwóŋó yɛ̌ ntí shwóŋè wɔ́, á mbwo yɛ̌ ntí ntí nyìŋ mesoŋ wɔ́.