1 Timote 2:2 - Nouveau Testament en Ngienboum

² Mé ne sẅíŋte Ssé nà twó mefùɔ, tà mbɔɔ ná twó petsɔ́ pʉ̀a pie é sá’a lá’. Légwɔ́ gie pege ge ńnéŋe mboŋó, à lá’a yege gwɔ́ lá’a mbʉ́lè. Pege gwɔ́ pʉ̀a pie é gÿo mmó gie á poŋ Ssé, ńgẅiin tsẅé gie á gẅiin mekù’.

1 Timote 2:2 ပူးပေါင်းရင်းမြစ်များ

Lukase 1:6

Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

Lukase 2:25

Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 24:16

Áa mmó gie á gÿo tá mèŋ n ne ńkaga tʉ̀ légiŋ ndʉŋ ndʉŋ á mvfò Ssé, mbɔɔ mvfò pʉ̀a mesoŋ.

Roma 12:18

Mbàa yɛ̌ nò wɔ́ lɔɔn ńgwɔ́ ssé, tà shÿó gwɔ́ mbwo gù, ɔ̀ gÿo pɔ́ légwɔ́ gie pia pʉ̀a métsèm ge ńnéŋe lê mbʉ́lè.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

1 Tesalonika 4:11

Pi kag tʉ̀, ńnéŋe té cÿɔ́g tsetsɛ̀ɛ pi, nyìŋ gẅi gɔɔn nò pɔ́ nà nò gie á ne ńdíe yé. Pi lɔg ntóŋ mbwó mí éfa’ tá ńjÿó pá’ peg la gɔɔn ngie pi gÿo la,

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.