1 Timote 2:1 - Nouveau Testament en Ngienboum

¹ Pú’u la, mèŋ n ge gwɔ gíŋ gɔɔn nò, é vɔg gɔɔn ngie á ne ńzɛ́te ngie pʉ̀a Ssé ne tsyɛ’te yé nà twó mânyìŋ ntsèm, ńne ńdúɔ mbwo yé ngie à kẅéte wɔ̌wɔ́ɔ, ńne sẅíŋte yé, ńne síe yé nà twó wɔ̌wɔ́ɔ.

1 Timote 2:1 ပူးပေါင်းရင်းမြစ်များ

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Roma 1:8

Mèŋ m vɔ̌g ńcʉa nà lezíŋ Yěsô Kristo ésie Ssé yɔ̀ɔn nà twó sí métsèm, mélà’mie mé ée tsɛ̀ɛ njÿó jʉ’ ntsèm ne ńgɔɔn ntí gie pi lɔg ńzáb ntʉ́m nà Yěsô Kristo.

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

2 Korento 8:6

Áa mmó gie á ka gÿo peg sẅíŋte Titus ngie à gʉa lá’ pi, ńgÿo yɔɔn fà’a pòŋo ntʉ́m gie à la gÿo pi zye, á mege ńcʉ́me.

Efeso 3:13

Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Efeso 5:20

Pi lɔg lezíŋ Cʉ̀apʉ̀a wege Yěsô Kristo ńne síe Ssé Tá fʉ̀’ ntsèm, á nà shúm ntsèm.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Filipo 1:3

Mèŋ n kwaŋte gẅi tsɛ̀ɛ ntʉ́m mèŋ fʉ̀’e kɔ́ wɔ́, ésíe Ssé yɔ̀ɔn.

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

1 Tesalonika 3:12

Peg giŋé ne ńdúɔ ngie Cʉ̀apʉ̀a gÿo nkwòŋe gie pi gẅiin tsetsɛ̀ɛ pi, mbɔɔ gie pi gẅiin ná petsɔ́ pʉ̀a mesoŋ metsèm, e kẅi’i kẅi’i, ńgie à gÿo e gwɔ́ pá’ gie peg gẅiin ná pi,

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

1 Timote 5:5

Ampfɔ̌g gẅie nyìŋ tè nzèm yé wɔ́, á gwɔ́ pɔ́ gílé yé, à ńnéŋe yé ńdíe mánzsè ńzẅí’te pɔ́ Ssé, ńne sẅíŋte yé zsó pɔ́ tsẅɛ́’ té kʉ́a, ngie à kẅéte yé.

2 Timote 2:24

Á piŋ ńké tè poŋ ngie ngàŋa fà’ Cʉ̀apʉ̀a tág mélà’ wɔ́. À gẅiin pɔ́ lékwoŋo mânyìŋ ntsèm, ńku’u lézí’i pʉ̀a mmó mboŋó, ńku’u légwɔ́ gie mé ge fʉ̀’ nò ná ye, á le pá.

Titus 2:11

Áa pá’ pʉ̀a Ssé gẅiin légÿo, á nue e Ssé la kwà’ nyɛɛ mbwo pʉ̀a ngie à kwoŋó wɔ́b, ńcÿó gʉm yɔ́b, tà ńgÿo légwɔ́ gie ńgwɔ́ pɔ́b métsèm tsẅɛ́.

Titus 3:2

Gɔɔn né pɔ́b ngie tà pɔ́ gɔɔn nò tepòŋ né nyìŋ, ńgie pɔ́ pɔ́ɔn mentsaŋ, ńgie pɔ́ gwɔ́ pʉ̀a mbʉ́lè pʉ́lè, ńnéŋe ńná mekù’ wɔ̌wɔ́ɔ.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

Ŋwà’ne Jâg 5:16

Pú’u la, pi zẅíŋ mefʉa tsetsɛ̀ɛ pi. Nyìŋ zẅíŋ mefʉa mbwo fɛ́ we, afɛ̌ we zẅíŋe mbwo yé. Nyìŋ gẅi sẅíŋte Ssé nà twó fɛ́ we. À cʉ́a pú’u, pi zeŋe. Asẅíŋte nyìŋ gẅie áa ndʉŋ ndʉŋ mvfò Ssé, á giŋ tɛ’.