1 Timote 1:9 - Nouveau Testament en Ngienboum

⁹ Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

1 Timote 1:9 ပူးပေါင်းရင်းမြစ်များ

Matio 10:21

Nyìŋ ge gwoon fɛ́ we ńná mé zẅé, tá múɔ gwoon míŋ we ńná mé zẅé, gubé ge lá’ lu ssé cʉ́’ megàŋ mbù metá pɔ́b, e gÿo mé zẅé wɔ́b.

Roma 1:30

ésele ńtÿɔ́g sóon nà pɔ́b tsetsɛ̀ɛ pɔ́b, ńgwɔ́ megàŋ mbù Ssé, ńzoonte pʉ̀a, ńgwɔ́ ngàŋa ŋá’tè, ńgwɔ́ pà nyɛ nnɛ́, éfa’ meshÿó ntsèm lélɔg ńgÿo nò tepòŋ, pɔ́ té jú’ ncwò metá pɔ́b mbɔɔ we memá pɔ́b wɔ́.

Roma 4:13

Atsɔ́ nò gíŋ ńgwɔ́ ngie e Ssé la ka’a mbwo Ábalam, mbɔɔ mbwo ngẅɛ̀ ye ngie à ge lá’ ná ngwòŋ mbwo pɔ́b. E Ssé lɔ̌ɔn tě ńka’a pá’ɔɔn, pɔ́ mélà’mie Ábalam la ne ńgÿo mmó gie *lepʉ̌ ne ńzɛ́te wɔ́, á la fó pɔ́ ná pá’ à záb ntʉ́m nà Ssé, e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 5:20

Tá á piŋ ńgʉa nà *lepʉ̌, mbà Ssé lɔ̌ɔn zába légwɔ̀ gie pʉ̀a ge fó mǒ é gyá nzẅìŋ gẅie pɔ́ lɔg ńgÿo nò tepòŋ pú’u. Pá’ menò tepòŋ ne ńgyɔ́ɔn lêkɔ́ wɔ́ e Ssé ne ńtsɔ́ɔn mezìŋe pʉ̀a ńcÿó gem yɔ́b tà ńtɔ́gɔ ntí.

Roma 6:14

Anò tepòŋ zɔɔn tě ńdá’a ńgíŋe ńgẅiin gẅi wɔ́, á nue pi cʉ’ʉ́ ńgiŋe ná mánzsè *lepʉ̌ wɔ́, pi cʉ’ʉ́ ńgiŋe pɔ́ ná mánzsè gẅie e Ssé ne ńcʉa mǒ ńcÿó gem gí, pi ne gÿo mmó gie áa ndʉŋ ndʉŋ.

Galatia 3:19

Ngwɔ́ nyìŋ jú’ ńzɛ́te ngie tà Ssé laa pá’ɔɔn ḿbiŋe ńzába *lepʉ̌ ńtí pɔ́ kɔ́ wɔ́? À lɔ̌ɔn ńzába pɔ́ lélɔg ńgÿo nyìŋ fʉa nò ńzsé ngie à fʉ̌a. Lepʉ̀ la fa’a yé fà’ tà ńdá’ ńkú fʉ̀’ gie nyìŋ Ábalam gẅie Ssé la ka’a mmó ngie áa ye ngàŋ la tó. Á gʉa ná sɛ̌ *lepʉ̌, mbà Ssé la túm mecÿɔ́’ pé, pɔ́ náa mbwo mámekěm.

Galatia 5:18

Tá pi lɔɔn ńzẅíŋ Zẅìge Ndʉalʉ̌a ne ńtsyeen gẅí, mbà *lepʉ̌ té gíŋe ńgẅiin lésá’a gẅi wɔ́.

Galatia 5:21

Pá’ letÿɔ̌g lejÿɔ́g nà shúm pʉ̀a, pá’ lenǔ melù’ tà ḿbʉ́a, pá’ lecu’té nà línɔ́ɔn lépfɛ́ shúm ńgÿo menò shʉ́, mbɔɔ pá’ legÿo tsɔ́ shúm sie é sẅé sie mé tʉ̌ lɔɔn. N ka zɔɔn shwóŋó gẅí, n ge gíŋe shwóŋó gẅi ngie: Pʉ̀a pie é gÿo yɔɔn ntí menò té lá’ gẅiin jʉ’ nà nò *lefùɔ Ssé wɔ́.

Galatia 5:23

ńgwɔ́ lépʉ́le, ńgwɔ́ lékú’te mbùm. Áa kwà’ nénʉ́, *lepʉ̌ té lʉ’ sɔɔn shúm wɔ́.

2 Tesalonika 2:8

Yé fùɔ menò tepòŋ lêen ńké ńkẅɛ. Á yé gẅie Cʉ̀apʉ̀a Yěsô ge lá’ fÿɔ́gɔ zẅɛ̌ ncwò yé ná yé à kwé, ńtí gie Yěsô lɔ̌g ńtó, e gÿo à mag.

1 Timote 4:7

Ké ḿbɔ́ɔn menò pú’kwɔb mie é té kẅéte, tà ńcʉ́’ pú’u, é tɔ’ pʉ̀a lézáb ntʉ́m ná Yěsô. Ké ńne ńzí’i pɔ́ légÿo mmó gie á poŋ Ssé.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 2:16

Pɔ́ɔn le záb gú ncwò ná we pàzoŋ meshwóŋè mie é gwɔ́ pɔ́ sẅɛ̀ɛ sẅɛ̀ɛ, é meshwóŋè mie é táte nyìŋ taté lézáb ntʉ́m nà Ssé. Pʉ̀a pie é zoŋo mɛ̌ meshwóŋè ké fó lejʉ́ŋ Ssé ńkẅi’i ńkÿo kÿo.

2 Timote 3:2

Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.

Titus 1:10

N gɔɔn ngie ɔ̀ záb pʉ̀a pá’ɔɔn, á nue pʉ̀a tà ńgyɔ́ɔn ée ssé ně ńtʉʉ twó. Lelÿò gwɔ́ pà Yuda pie pɔ́ zẅíŋe nò Yěsô Kristo. Pɔ́ ne ńzí’i pʉ̀a menò mie é té tyé, ńdɔgɔ fʉte wɔ́b.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

Titus 1:6

Á zɛ́te ngie nkẅè mvfò gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, penkʉ́ pé záb ntʉ́m nà Ssé, mà wɔ́b gwɔ́ we mbòŋo, pɔ́ piŋ ńnéŋe ńjú’ ncwò we.

Titus 3:3

Á laa tsɔ́ fʉ̀’ pege yégè gwɔ́ pà gÿo nò té sáŋ, ńgwɔ́ pà tʉʉ twó, ńgwɔ́ pʉ̀a pie é záb ntʉ́m wɔ́b nà nò gie á té nò wɔ́, ńgwɔ́ mekwɔɔn mbwo shúm ntsèm sie ntʉ́m wégè tsɔ́ɔn lâ sie é poŋo wégè. Pege laa pʉ̀a ńcÿɔ́g, ńgwɔ́ ngàŋa kègɔ́’, ńgÿo mé pʉa wégè tɛ’, pege gíŋe ḿbʉa yégè pʉ̀a.

Heber 11:31

Á la fó pɔ́ ná pá’ Raab ngàŋa gÿɛ́ manzwě la záb ntʉ́m wé nà Ssé, tá pâ pàtʉʉ twó mbwo Ssé té pú ńdége wɔ́. Mé la tè yé zẅé á nue à la kúe pà mánaŋ pà Israel mboŋó, á nà fʉ̀’ gie mé la túmo wɔ́b.

Heber 12:16

Pi pɔ́ɔn pá’ à lɔɔn ńgwɔ́ nyìŋ gẅi pumo wɔ̌wɔ́ɔ pɔ́ yé nuŋe nuŋe, ḿbɔ́ɔn pá’ à lɔɔn ńgwɔ́ nyìŋ nyé té néŋ mekù’ ná shúm sie ée se Ssé, ndʉŋ ndʉŋ pá’ Esaẅi gẅie à la sẅiŋe nò mûɔ ndÿò gẅie à laa wɛ̌, mé lɔgɔ tà’a káŋa mmó léjÿó ńjú.

1 Piɛ 2:7

Àa mbwo pi pàzáb ntʉ́m ná yé, ńgwɔ́ mmó mekù’. Tá ńgʉa ná pʉ̀a pie pɔ́ té ne ńzába ntʉ́m nà wɛ̌ tóon wɔ́, mbà mé la ŋwe’e ngie: Tóon gẅie pàpwóon ndá la gwá’ léen ńcʉ́’ʉ tóon lezẅé ndá.

1 Piɛ 3:20

Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.

1 Piɛ 4:18

Mé la ŋwe’e tsɛ̀ɛ ŋwà’ne Ssé ngie: À lɔɔn ńgwɔ́ gie pʉ̀a pie é gÿo mmó gie áa ndʉŋ ndʉŋ mvfò Ssé, ne ńgwɔ tsẅɛ́ɛ á tʉʉ tɛ’, mbà á ge tó gwɔ́ nà pʉ̀a pie é té gÿo mmó gie e Ssé ne ńkwoŋo wɔ́, é pʉ̀a tepòŋ, é gwɔ́ lêkɔ́?

Jẅide 1:15

Á lélɔg ńŋág pʉ̀a metsèm, ńnéŋ ngʉ̀ngʉ̀ twó pʉ̀a tepòŋ métsèm ńtí mefà’ tepòŋ mie pɔ́ la fa’, éfó ná pá’ pɔ́ la tʉʉ twó mbwo Ssé, tà mbɔɔ ná shwóŋè ntsèm gie á pÿɔ́g pÿɔ̌g, á gie pʉ̀a tepòŋ ŋwɛ́ pie pɔ́ té mekù’ gẅiin é lǎ gɔɔn ná Ssé.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.