1 Timote 1:20 - Nouveau Testament en Ngienboum

²⁰ Áa tsetsɛ̀ɛ pɛ̌, Himené pɔ́ Alekzáŋdele gwɔ́ wó. N da néŋ pɔɔn pʉ̀a mépʉ́a nà mbwó Sátà. Légwɔ́ gie pɔ́ ge kúu mbwo yé, é zí’i pá’ pɔ́ té gíŋe gwá kʉ́’ʉ cʉŋte lezíŋ Ssé wɔ́.

1 Timote 1:20 ပူးပေါင်းရင်းမြစ်များ

Matio 18:17

Tá’ á ké ńdʉ’ʉ lé jú’u nò gie pɔ́ gɔ̌ɔn, ɔ̀ lɔgɔ yɔɔn nò ńgʉa *ndá cú’tè pʉ̀a Ssé. Á piŋ ńdʉ’ʉ lé jú’u nò gie cú’tè á gɔ̌ɔn, ɔ̀ cʉ́’ ńdíe yé pɔ́ pá’ nyìŋ gẅie à tè Ssé zsé, ka pɔ́ pá’ mé líe nkẅè ncùb pà *Roma wɔ́.

Megàŋ ntúm 13:45

Pà Yuda gyá nzẅìŋ lá’ gie á kwɔ̌’, ńkwɔ́’ɔ lóŋ, ńzye lésa shÿó nò gie Pɔl pɔ́ Panepâse gɔ̌ɔn, ńzye lézoonte wɔ́b.

Megàŋ ntúm 19:33

Etsɔ́ pʉ̀a fó tsetsɛ̀ɛ lá’, ńkyagte mmó gie á ne ńcʉate, éshwóŋó Alekzáŋdele gẅie pà Yuda ně ńtsóte yé ńtÿɔ́gɔ mvfò. Á ka’a pwó yé tÿǒ, lélɔg shwóŋó lá’ ngie à gẅiin nò gie à ge ngɔ̌ɔn.

1 Korento 11:32

Tá Cʉ̀apʉ̀a à ŋaga wégè, ńdɔgɔ ńtÿɔ́gte wégè, ḿbɔ́gɔ pá’ à lɔɔn ngwɔ́ mé lá’ ńteme wég laa pʉ̀a njÿó ńŋag.

2 Korento 10:6

Pú’u la, pi kag tʉ̀, ńcʉ́’ʉ ńjú’u pɔ́ ndà’ ncwò Kristo ná kɔ̀ɔkɔ́ɔ, ńne ńzsé ngie nyìŋ lɔɔn ńké ńtʉʉ twó tʉ, ńgwɔ́ pɔ́ wɔ̌ wɔ́, mbà peg tyé lénéŋ ngɔ́’ twó yé.

2 Korento 13:10

Áa mmó gie á gÿǒ, n nyé pɔ́ ngʉ̀a shʉ̀shʉ̀a ńŋwe’e yɔɔn nò ntsèm, ńne ńtsɔ́ɔn ngie n te gÿo tó tà kúu tsetsɛ̀ɛ pi é lɔg pá’ Cʉ̀apʉ̀a la tÿɔ́gɔ wɔ̀ɔn mvfò pi, é cÿɔ́gɔ gẅi cÿɔ́g wɔ́. Cʉ̀apʉ̀a la tÿɔ́gɔ wɔ̀ɔn mvfò pi pɔ́ légÿo acú’tè kẅi’i ńgʉa lê mvfò. À la tè tÿɔ́gɔ wɔ̀ɔn ngie mèŋ n tág tág wɔ́.

2 Tesalonika 3:15

Tá’, ḿbɔ́ɔn gẅi lélɔgɔ yé ńgÿo ngàŋ mbù gẅi. Pi kaga yé pɔ́ pá’ à lɔɔn ńgwɔ́ nyìŋ kaga fɛ́ we.

1 Timote 5:15

N gɔɔn pá’ɔɔn nue tsɔ́ lelÿò mepfɔ̌g pe mekʉ́ kéen ńnyé nò Ssé, ńcʉ́me nzèm Sátà.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

2 Timote 2:17

Ashwóŋè pʉ̀a ŋwɛ́ lêen ńgwɔ́ pɔ́ pá’ fʉ̌ŋ gie e něŋ mbìd, ńne ńkẅi’i ńgá’a la. Himené pɔ́ Filétos lɔgɔ ńgwɔ́ lii pʉ̀a ŋwɛ́.

2 Timote 3:2

Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.

Heber 12:5

Tsye pi legé pá’ e Ssé ne ńkẅiŋte gẅi pɔ́ pá’ nyìŋ kẅiŋte gubé yé ka? Áa tsɛ̀ɛ ŋwà’ne Ssé mé gɔɔn ngie: Míŋ wɔ̀ɔn Cʉ̀apʉ̀a lɔɔn ne ńkaga gú, Ɔ̀ pɔ́ɔn légwága nò mǒ, À lɔɔn ńcÿɔ́gɔ gú ɔ̀ pɔ́ɔn létsyɛte nnɛ́

Ŋwà’ne Ngyà jʉ’ 13:1

Mèŋ m biŋ ńgyá tsɔ̌ nkʉ̀’ʉ pà nɔ̀ɔn fóo tsɛ̀ɛ ntse té pàa ńkẅɛ, ńgẅiin metwó sɔɔn mbʉ́a, ńgẅiin mendóŋ legém, yɛ̌ yɛ̌ ndóŋ wɔ́ gẅiin cÿɔ́’ɔ lefùɔ, mbà mé ŋwe’é lezíŋ sie mé lɔgɔ ńzoonte Ssé zoonte á ná yɛ̌ yɛ̌ twó yé wɔ́.

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.