1 Timote 1:2 - Nouveau Testament en Ngienboum

² Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

1 Timote 1:2 ပူးပေါင်းရင်းမြစ်များ

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Galatia 1:3

Peg ne ńtsɔ́ɔn ngie Tá wege Ssé mbɔɔ Cʉ̀apʉ̀a Yěsô Kristo ne ńgwɔ né pi, ńne ńnéŋe sẅéte ntʉ́m pi.

1 Tesalonika 3:2

é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.

2 Timote 2:1

Ńké ńgʉa ná gù míŋ wɔɔn, ɔ̀ ké ne ńjʉ́’ʉ pɔ́ nà metʉ̀ mie Yěsô Kristo lɔgɔ ńcÿó gʉm yégè, ńzsé ngie ɔ̀ ge tʉte tsɛ̀ɛ nò gie áa nénʉ́.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Titus 2:2

Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

Titus 3:15

Pʉ̀a pie pegá pɔ̌ pú ńgwɔ́, tsyɛ’té gú. Tsyɛ’te pʉ̀a pie é kwoŋo wégè, ńtí nue pege lâ pɔ̌ pǔ ńzáb ntʉ́m ná Yěsô Kristo. E Ssé ne ńgwɔ́ né pi metsèm.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

2 Jâŋ 1:3

E Ssé Tá, mbɔɔ Yěsô Kristo gẅie aa Míŋ Tá né ńgwɔ́ né pege, ńne ńdege mefʉa mégè, ńne ńnéŋe sẅétè ntʉ́m pege pie pege tyé nà nò nénʉ́ ḿbiŋ ńgẅiin nkwòŋe tsetsɛ̀ɛ pege.

3 Jâŋ 1:4

Awɔ̀ɔn máamáa lekág à gwɔ̌ pɔ́ lé jú’ ngie penkʉ́ pɔ́ɔn ne ńgiŋe pɔ́ pá’ nò nénʉ́ ne ńzɛ́te.

Jẅide 1:2

E Ssé ne ńtsɔ́ɔn mezìŋe mí, ńne ńnéŋe sẅétè ntʉ́m pi, ńne ńgÿo pi ne ńkẅi’i ńjú’u ngie à kwoŋo gẅi kwà’ mboŋó.