1 Timote 1:18 - Nouveau Testament en Ngienboum

¹⁸ Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

1 Timote 1:18 ပူးပေါင်းရင်းမြစ်များ

Megàŋ ntúm 16:1

Pɔl gʉa tà ńkúu tÿǒsoŋo Nderbe, ńgÿo fó wó ńdɔg ye Listele. Àtsɔ̌ nyìŋ Kristo gwɔ́ wó, mé tóŋo yé lê Timoté. Má we gwɔ́ mûɔ Yuda, mbà à léen ńzẅíŋe nò Yěsô. Mbà tá we laa nyìŋ Gelekia.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

1 Korento 9:7

Pi lǎ jú’u nzɔ̌ nyìŋ gwɔ́ ndÿɔ́’ ncù, ésele ḿpfɛ́ɛ pɔ́ pɔ̀ɔn ye? Kà ńgyá nzɔ̌ nyìŋ pye tÿǒ nzěm, à tè jÿó ntɔ̌ɔn mǒ wɔ́? Kà ńgyá nzɔ̌ nyìŋ gwɔ́ mpfèle mefòŋ, à tè ńnéŋe ńkyéen mbʉ́ ńnúu wɔ́?

Filipo 2:22

Tá ńgʉa ná Timoté, mbà pi zsě ngie à gẅiin mà mbòŋo. Peg yé ka pǔ ńtsẅi nkʉ̀ mbòŋo mbwo lá’. Á pú ńkẅéte wɔ̀ɔn ndʉŋ ndʉŋ pá’ múɔ mbòŋo kẅéte tá we la.

1 Timote 1:2

Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

1 Timote 4:4

Á zɔɔn ńgwɔ gwɔ́, akɔ́ɔkɔ́ɔ gie e Ssé la nyɛte wɔ́ á gwɔ́ pɔ́ mbòŋ. Atsɔ́ gie ńgwɔ́ mé gwá’a mǒ á té wó wɔ́. Tá á ké ńzɛ́te ngie mé gwaa ne jÿó sɛ̌ shúm, ńne sie Ssé.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.

2 Timote 4:7

N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Filemo 1:10

Mèŋ n ne sẅíŋte ɔ̀ nà twó Onesime, aa míŋ wɔɔn nà nò Yěso gẅie mèŋ n ka kúu ndá tsǎŋ ńzyé.