1 Timote 1:14 - Nouveau Testament en Ngienboum

¹⁴ Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

1 Timote 1:14 ပူးပေါင်းရင်းမြစ်များ

Matio 20:9

Pʉ̀a pie pɔ́ zyě yɔ́b fà’ ná nèm tʉ̀a ncwò nzém tó, mé náa tà’a pàga nkáb mbwó wɔ̌wɔɔ ná pɔ́b.

Megàŋ ntúm 15:11

Ammó gie pege ne ńnyɛte ńzsé, á gwɔ́ pɔ́ ngie pege la gwɔ́ tsẅɛ́, ńzẅɛ́’ pɔ́ pá’ Cʉ̀apʉ̀a Yěsô cÿǒ gem yégè. Á gwɔ́ pɔ́ ndʉŋ ndʉŋ pá’ á cʉa pú’u, tá pɔ́ tsẅɛ́ yɔ́b.

Roma 16:20

Pi lɔɔn ńgÿo pá’ɔɔn, mbà e Ssé gẅie à náa sẅéte, ge ma’a Sátà ssé, pi lɔg mekwò ńnéŋte yé. Cʉ̀apʉ̀a wege Yěsô Kristo ne ńgwɔ́ né pi.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

2 Korento 4:15

Peg zẅíŋe mɔɔn menò ntsèm mie e Ssé ne ńgyá ngie é ku’ még, ńdɔgɔ ńtsɔ́ɔn pɔ́ ngie pi zẅɛ́’. Pú’u, ńzsé ngie nzẅìŋ pàzsé ngie e Ssé kwoŋo wɔ́b ge kẅi’i gyɔ́ɔn, nzẅìŋ pàná ndǎg mbwo yé, mbɔɔ pàgù’te yé, é kẅi’i ńgyɔ́ɔn.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

Galatia 1:13

Kwà’ pi la zɔɔn ńjú’ pá’ n dɔ̌ɔn ńgÿo pú’u, á fʉ̀’ gie n da nyé ńgu’te Ssé nà ntí ye pà Yuda. Pi ne ńzsé ntí gie n dɔ̌ɔn ńdɔgɔ sá’a tʉ̀ ńtsɔ́’ɔ kwò cú’tè pʉ̀a Ssé té poŋ ḿbiŋe fa’a lépú ḿbyág pú’u.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

1 Tesalonika 5:8

Tá ńgʉa ná pege pie pege giŋe fʉ̀’ʉ zsó, mbà á ne ńzɛ́te ngie pege jÿó mmó à ku’ ku’, nkwòŋe mbɔɔ lézáb ntʉ́m nà Ssé e gwɔ́ yege nzsǒ ncù gie mé lɔgɔ tʉ̌ ńnyɛte. Lezẅi’té lyɛ̌’ gie e Ssé ge gÿo pege tsẅɛ́, à gwɔ́ yégè cÿɔ́’ɔ ncù gie mé lɔgɔ tʉ̌ ńnyɛte.

1 Timote 2:15

Tá’, mèŋ n gɔɔn pá’ɔɔn, manzwě ge lɔg pɔ́ pá’ à gẅiin penkʉ́ tá tsẅɛ́. Tá’, á zɛ́te ngie à ké ńzáb pɔ́ ntʉ́m nà Ssé, ńkwoŋ pʉ̀a mesoŋ, ńgẅiin mbùm yé lê mekù’, ńgÿo mmó gie á poŋ Ssé.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

2 Timote 1:13

Timoté, ne ńkímte shwóŋè nénʉ́ gie ɔ̀ la jú’u ncwò mèŋ, ńne ḿbíi fʉ̀’ mǒ, ńzí’i pʉ̀a pú’u. Záb ntʉ́m gú pɔ́ nà Ssé, ńne ńkwoŋo yé pá’ peg pie peg la la nnɛ́ ná Yěsô Kristo peg gÿo pú’u.

2 Timote 2:22

Kÿo shúm tepòŋ sie nkàŋ nyìŋ tsɔ́ɔn. Pia pʉ̀a pie pɔ́ tóŋo Cʉ̀apʉ̀a lê ntʉ́m mbòŋo fa’a nò gie á tyé ndʉŋ ndʉŋ, ńzáb ntʉ́m nà Ssé, ńkwoŋ pʉ̀a mesoŋ, éfa’ mbʉ́lè.

Titus 2:2

Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

1 Jâŋ 4:10

Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.

Ŋwà’ne Ngyà jʉ’ 22:21

Cʉ̀apʉ̀a Yěsô ne ńgwɔ́ né pi metsèm!