1 Timote 1:13 - Nouveau Testament en Ngienboum

¹³ Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

1 Timote 1:13 ပူးပေါင်းရင်းမြစ်များ

Lukase 12:47

Ngàŋa fà’ gẅie à zsě mmó gie tá fà’ we ne ńkwoŋo, ḿbiŋ ńké tè tsɔ́ mmó cwoŋte, ńké tè gÿo mmó gie tá fà’ we ne ńkwoŋo wɔ́, mé ge lá’ cúa yé tɛ’.

Lukase 23:34

Yěsô gɔɔn ngie: Tá wɔ̀ɔn, lege mefʉ̀a mɔ́b, mélà’mie pɔ́ té ne ńzsé mmó gie pɔ́ gÿo wɔ́. Pàlÿɔ́’ ncù pie é laa jʉ’ó ma’a tyeente tá ńdɔg ńgabte menzsǒ mé.

Megàŋ ntúm 22:4

Mèŋ n da gwɔ́ gwɔ̌ tà ńtsɔ́’ɔ kwò pàgiŋe ná mánzsè Yěsô té pòŋ, ńgÿo mé gwoon mbàŋa lâ pànzwě ḿma’a ndá tsǎŋ tà mbɔɔ pá’ mé lɔ́ɔn ńgwɔ́ mé tóo wó ńzẅé wɔ́b zẅé.

Megàŋ ntúm 3:17

Mefɛ́ pɔ́ɔn, mèŋ n cwoŋo ne ńzsé mboŋó ngie pi lâ mefùɔ pí ka lɔg pɔ́ gʉ̀gʉ̀ tá ńgÿo yɔɔn ntí nò nà Yěsô.

Megàŋ ntúm 8:3

Sɔ̂l ne ńkaga yé pɔ́ tʉ̀ lépyága cú’tè pʉ̀a Kristo, ńně ńkúu mendá mendá éfa’a pʉ̀a Kristo, ńgwoon mbàŋa lâ pànzwě, ńnáa mé ma’a wɔ́b ndá tsǎŋ.

Megàŋ ntúm 9:1

Sɔ̂l kê ńgwɔ́ fʉ’ó, ńnyé nzèm *ngàŋa kwò Cʉ̀apʉ̀a, ńzá’a pɔ́ nkwɔ̀ɔn ngie à ge zẅéte wɔ́b, ńgʉa ńgyá Tándá pànuŋe pwɔ́’,

Megàŋ ntúm 9:13

Ananias tsɔ́’ ngie: Cʉ̀apʉ̀a, mèŋ n zyě ńjú’ pʉ̀a tà ńgyɔ́ɔn kíme nyìŋ gẅie ɔ̀ gɔɔn yé lɛ. Mèŋ m bǔ ńzsé nò tepoŋ gie à ka gÿǒ nà pʉ̀a pú, á Yerósalem.

Megàŋ ntúm 9:5

Sɔ̂l zɛ́te ngie: Aa gù wɔ̌ Cʉ̀apʉ̀a? Angàŋ tsɔ́’ ngie: Mèŋ n gee Yěsô. Ɔ̀ tsɔ́’ɔ pá’a pɔ́ kwò yɔ́ɔn té poŋ.

1 Korento 15:9

á nue mèŋ n gee tsetsɛ̀ɛ megàŋ ntúm ńgwɔ́ we nkʉ́. N zɔɔn tè ku’u légwɔ́ gie ńgwɔ́ mé tóŋo wɔ̀ɔn lê ngàŋ ntúm wɔ́, á nue n dɔ̌ɔn ńnyɛɛ cú’tè pʉ̀a Ssé ngɔ́’.

1 Korento 7:25

Á gʉa ná pʉ̀a pie pɔ́ kaa zɔ́’ɔ, mbà Cʉ̀apʉ̀a ka tè tsẅii nò gie mèŋ n ge gɔɔn né pɔ́b wɔ́. Tá’, mèŋ n ge gɔɔn pá’ mèŋ n ne ńkwaŋa yɔ́ɔn nà nò yɔ́b, ńdɔgɔ pá’ n gee nyìŋ gẅie Cʉ̀apʉ̀a la tsɔ́ɔn mezìŋe mɔ́ɔn, ńdɔgɔ wɔ̀ɔn ńgÿo nyìŋ gẅie ńgwɔ́ á gɔɔn nò mé jú’.

Galatia 1:13

Kwà’ pi la zɔɔn ńjú’ pá’ n dɔ̌ɔn ńgÿo pú’u, á fʉ̀’ gie n da nyé ńgu’te Ssé nà ntí ye pà Yuda. Pi ne ńzsé ntí gie n dɔ̌ɔn ńdɔgɔ sá’a tʉ̀ ńtsɔ́’ɔ kwò cú’tè pʉ̀a Ssé té poŋ ḿbiŋe fa’a lépú ḿbyág pú’u.

Filipo 3:6

N dɔ̌ɔn ńtíɛ kẅǐ nà *lepʉ̌ tɛ’, tà ńtsɔ́’ɔ kwò pʉ̀a Kristo té poŋ. Léku’té *lepʉ̌ lá’ zɔ laa pé’è ńtyɛ’te ngie nyìŋ aa tè fʉa, mbà a lɔɔn ńgwɔ́ mèŋ shwóŋó gẅi ngie n daa tè fʉa.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.