1 Timote 1:11 - Nouveau Testament en Ngienboum

¹¹ Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

1 Timote 1:11 ပူးပေါင်းရင်းမြစ်များ

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Galatia 2:7

Tà ńcʉ́’ pú’u, mbà pɔ́ la gyá pɔ́ ngie Ssé la cʉ́me létsẅi nkʉ̀ mbòŋo né pʉ̀a pie é té pà Yuda wɔ́ á mbwo mèŋ ndʉŋ ndʉŋ pá’ à la cʉ́me mbwo Piɛ létsẅii mbwo pʉ̀a pie ée pà Yuda.

Efeso 1:12

À lɔ̌ɔn ńtsɔ́’ɔ wégè pú’u, le gwɔ́ gie peg pie peg ka vɔgɔ lézáb ntʉ́m nà Kristo, peg ge gu’te yé Ssé á nue à gú’ tɛ’.

Efeso 1:6

À la lɔgɔ wégè ńgÿo púɔ pé le gwɔ́ gie pege ge gu’te yé ná máa nò té fʉ̀’ gẅie à la gÿo. Á la cʉa ná pá’ à la temte wégà Míŋ we gẅie à kwoŋe yé tɛ’, ńcÿó gʉm yégè, pú’u á gwɔ́ kwà’ máamaa nò tɛ’.

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

Efeso 3:10

ńnyɛɛ pú’u, ńzsé ngie metándá shúm sie ée taa tÿǒ ńgẅiin tʉ̀, mbɔɔ metʉ̀ ntsèm mie ée taa tÿǒ ge zẅɛ́’ɛ cú’tè pʉ̀a Kristo, é zsé nò ná legyè Ssé tà cʉ́me.

Kolosia 1:25

N kéen ńcʉ́’ʉ ngàŋa fà’ cú’tè pʉ̀a Kristo, pú’u, á léfa’a fà’ gie e Ssé ka cʉmé mbwo mèŋ ńtí gẅí. Yɛ̌ fà’ gwɔ́ légɔɔn shwóŋè Ssé pɔ́ ntsèm.

1 Tesalonika 2:4

Peg gɔɔn pɔ́ nò gie e Ssé ne ńkwoŋo ngie peg gɔɔn, á nue à la lʉŋte wég tà ńgyá ngie peg ku’u létsẅi nkʉ̀ mbòŋo wé. Pú’u tá peg těen ńgɔɔn nò pɔ́ nà ntí gie pʉ̀a ge kwoŋo wég wɔ́, peg gɔɔn nò pɔ́ nà ntí gie Ssé ge kwoŋo wég, yé gẅie à líe ntʉ́m wég.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Timote 6:15

À ge gÿo tóo nà fʉ̀’ gie e Ssé la záb. Yé Ssé gẅie à gẅiin tʉ̀ ntsèm. Yé zɔ̌ ndà’ Ssé, ńnéŋe pɔ́ tsɛ̀ɛ lekág, ńgwɔ́ Fùɔ cʉa mefùɔ, ńgwɔ́ Cʉ̀apʉ̀a mecʉ̀apʉ̀a,

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

2 Timote 1:14

A Zẅìge Ssé gie áa ná pege kẅéte gú. Ɔ̀ le zẅíŋ nyìŋ gʉa ná nò mbòŋo gie mé la cʉ́me mbwo gù ńkúbe tsɔ́ mmó wɔ́.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.