1 Timote 1:1 - Nouveau Testament en Ngienboum

¹ Yɔɔn ŋwà’ne áa ŋwe’e mèŋ Pɔl, ngàŋ ntúm Yěsô Kristo. Mèŋ n gee ngàŋ ntúm Yěsô á nue e Ssé pɔ́ Yěsô la tsẅi ngie mèŋ n gwɔ́ wɛ̌. Yé Ssé zɔ gÿo pege tsẅɛ́ɛ, Yěsô Kristo ne ńgÿo yé ngie kɔ̀ɔkɔ́ɔ gie pege ne ńzwí’te mbwo Ssé à pumte.

1 Timote 1:1 ပူးပေါင်းရင်းမြစ်များ

Lukase 1:47

Ntʉ́m wɔ̀ɔn ne ńkága tɛ’ ńtí pá’ à gÿǒ mèŋ n tsẅɛ́.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

1 Korento 1:1

Yɔɔn ŋwà’ne fóo mbwo mèŋ Pɔl ngàŋ ntúm Yěsô Kristo. E Ssé yé máŋwɛ́ zɔ la tsɔ́’ɔ wɔ̀ɔn ná we lekwòŋ ńdɔg ńgÿo wɛ̌. Fɛ́ wege Sostɛne aa yé ssé.

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

2 Korento 1:1

Yɔɔn ŋwà’ne fóo mbwo mèŋ pɔl gẅie e Ssé la kwoŋ kwoŋ ńtsɔ́’ɔ wɔ̀ɔn ńdɔg ńgÿo ngàŋ ntúm Yěsô Kristo. Peg fɛ́ wege Timoté ŋwe’é yɔɔn ŋwà’ne, ńnáa mbwo cú’tè pʉ̀a Ssé á tÿǒsoŋo Korento. Mèŋ n gǐŋ ńŋwe’e ńnáa mbɔɔ mbwo pʉ̀a Ssé metsèm, pie pɔ́ ée nà shÿó Akay ntsèm.

Galatia 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà pʉ̀a mesoŋ zɔ̌ la tè wɔ̀ɔn tsɔ́’, tsɔ̌ nyìŋ mesoŋ zɔ̌ ké tè wɔ̀ɔn túm. Yěsô Kristo pɔ́ Ssé Tá zɔ̌ la túmo wɔ̀ɔn. Yé Tá la gÿo Yěsô zíme ná legwé.

Galatia 1:11

Mefɛ́ mefɛ́, tà mèŋ shwóŋó gẅí, nkʉ̀ mbòŋo gẅie pi la jú’ n tsẅi é té nkwaŋá nyìŋ mesoŋ wɔ́.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

1 Timote 2:3

Lesẅiŋté Ssé nà twó pʉ̀a aa mbòŋ, ńgwɔ́ mmó gie á poŋ Ssé gẅie à gÿo pege tsẅɛ́ɛ.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.

Titus 2:10

ńgie tà pɔ́ jʉ shúm pʉ̀a pie pɔ́ gẅiin wɔ́b. Tà ńcʉ́’ pú’u, pɔ́ nyɛ ngie pɔ́ kwa’ ńgwɔ́ nzèm pɔ́b. Pɔ́ lɔɔn ńgÿo pá’ɔɔn, mbà pʉ̀a ge gẅiin shwóŋè mbòŋo nà menò mie pege zí’i ná Ssé gẅie à gÿo pege tsẅɛ́ɛ.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Titus 3:4

Tá’ e Ssé gẅie à gÿo pege tsẅɛ́ɛ nyɛ ngie ntʉ́m wé poŋ, á piŋ ńkwoŋ pʉ̀a mesoŋ,

Titus 3:6

E Ssé la ńnéŋe Zẅìge Ndʉalʉ̌a ŋwɛ́ ntʉ́m pege té gɔ’, ńtí Yěsô Kristo, yé gẅie à gÿo pege tsẅɛ́ɛ.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

1 Jâŋ 4:14

Peg la lɔg nÿɔ́g még ńgyá tà ńgwɔ́ gɔɔn pá’ɔɔn, ńgwɔ́ pànjÿò ńgyá ná pá’ à la túmo Míŋ we, pá’ à ge gʉa gwɔ́ nyìŋ gẅie à ge gʉa gÿo pʉ̀a tsɛ̀ɛ njÿó tsẅɛ́.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.