1 Tesalonika 5:4 - Nouveau Testament en Ngienboum

⁴ Tá ńgʉa ná pi mefɛ́ mefɛ́, mbà pi tè nyé ńgwɔ́ pɔ́ tsɛ̀ɛ nzěm wɔ́, á nà ntí gie yɛ̌ lyɛ’ɛ́ lá’ gé tóo ná pi pɔ́ pá’ ntsǒŋ wɔ́.

1 Tesalonika 5:4 ပူးပေါင်းရင်းမြစ်များ

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

1 Tesalonika 5:2

á nue pi ne ńcwoŋo ńzsé gí ngie lyɛ’ɛ́ lá’ Cʉ̀apʉ̀a ge lá’ vege vege tó pá’ ntsǒŋ gẅie à tóo lêtsẅɛ́’ la.

2 Piɛ 3:10

Alyɛ’ɛ́ lá’ Cʉ̀apʉ̀a ge lá’ tó pɔ́ pá’ tsǒŋ tóo lá. À gwɔ́ lyɛ̌’ó, lefaŋ gwaa mag, ejʉ’ zẅɛ tà mé pɔ́g. Eshúm sie ée lefaŋ e pú shÿó, tsetsá’ pâ shúm sie ée ndùmo e pú ḿmag.

1 Jâŋ 2:8

Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.