1 Tesalonika 5:2 - Nouveau Testament en Ngienboum

² á nue pi ne ńcwoŋo ńzsé gí ngie lyɛ’ɛ́ lá’ Cʉ̀apʉ̀a ge lá’ vege vege tó pá’ ntsǒŋ gẅie à tóo lêtsẅɛ́’ la.

1 Tesalonika 5:2 ပူးပေါင်းရင်းမြစ်များ

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

1 Korento 1:8

Yé Yěsô Kristo ge gÿo pi tʉte tʉte tà ndá’ ńcʉ́me, à lá’a lyɛ’ gie yé Cʉ̀apʉ̀a wege, ge lá’ gíŋe tó mé le ne ńda’a gẅi nà tsɔ́ mmó wɔ́.

1 Tesalonika 5:4

Tá ńgʉa ná pi mefɛ́ mefɛ́, mbà pi tè nyé ńgwɔ́ pɔ́ tsɛ̀ɛ nzěm wɔ́, á nà ntí gie yɛ̌ lyɛ’ɛ́ lá’ gé tóo ná pi pɔ́ pá’ ntsǒŋ wɔ́.

2 Tesalonika 2:2

Tà pi jú’ pá’ etsɔ́ pʉ̀a ne ńgɔɔn ngie lyɛ’ɛ́ lá’ Cʉ̀apʉ̀a tǒ, ḿvege vege. Tà pi pɔ́g. Tà mbɔɔ pá’ nyìŋ gẅie à neŋé ńtsẅi nkʉ̀ gẅie é fóo mbwo Ssé zɔ lɔɔn ńgɔɔn, tà fó ńgwɔ́ gie pi jǔ’ pɔ́ mbwo nyìŋ gẅie à ne shwóŋó nò Ssé, kà mé fó shwóŋó gẅi pɔ́ ngie mèŋ n zɔ ŋwe’é pú’u wɔ́, tà pi zẅíŋ.

2 Piɛ 3:10

Alyɛ’ɛ́ lá’ Cʉ̀apʉ̀a ge lá’ tó pɔ́ pá’ tsǒŋ tóo lá. À gwɔ́ lyɛ̌’ó, lefaŋ gwaa mag, ejʉ’ zẅɛ tà mé pɔ́g. Eshúm sie ée lefaŋ e pú shÿó, tsetsá’ pâ shúm sie ée ndùmo e pú ḿmag.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.