1 Tesalonika 4:4 - Nouveau Testament en Ngienboum

⁴ ńgie wɔ̌wɔ́ɔ tsetsɛ̀ɛ pi kú’te mbùm ye ná ntí gie e Ssé ne ńkwoŋo, ee ntí gie e gẅiin mekù’.

1 Tesalonika 4:4 ပူးပေါင်းရင်းမြစ်များ

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 1:24

Áa mmó gie á la gÿo e Ssé nyé wɔ́b pɔ́ gÿo menò sẅile sẅile mie ntʉ́m wɔ́b la ně ńtsɔ́ɔn ndêen ńké ńdɔgɔ légÿo pú’u, ésele ńcʉ́ŋte mbùm yɔ́b, ńdɔg sele ntém shʉ́ twó pɔ́b.

Roma 12:1

Mefɛ́ pɔ́ɔn, pá’ Ssé léen ḿbú ńtsɔ́ɔn mezìŋe mégè la, mèŋ n ne ńgɔɔn mbwo pi ngie pi pú ńná mbùm gi mbwo yé pá’ shúm pwɔ́’ la, ńcʉ́’ʉ ńnéŋe ńjú’u pɔ́ mbwo yé, ńgwɔ́ pɔ́ pʉ̀a pé ndà’, ńgÿo pɔ́ mmó gie á ge poŋo yé. Legÿo pú’u, aa legu’te Ssé nà ntí yé mbòŋo.

Roma 6:19

Meŋ n dɔɔn ńgwɔ́ gie m bǐ fʉ̀’ ná menò mie é ne ńcʉate tsetsɛ̀ɛ pʉ̀a mesoŋ, mbà mèŋ n dɔgɔ fa’a légÿo pi cwoŋo ńjú’, á nue nyìŋ mesoŋ pÿɛ́ pÿɛ̌. Pi la lɔg mekèm mbùm mí ńgÿo nkwɔɔn menò ncÿǒ laa ye menò lɔg ńtág jʉ’. Mɛ̌ menò gwɔ́ mie é gÿo mé tʉʉ twó mbwo Ssé tʉ. Ndʉŋ ndʉŋ pú’u, pi gwɔ́ fʉ̀’ɔɔn ńcʉ́’ ńdɔg mekèm mbùm mí ŋwɛ́ ńgÿo pɔ́ nkwɔɔn gie é fa’a mbwo mmó gie áa ndʉŋ ndʉŋ mvfò Ssé, à lêen ńké fó pú’u, léńnéŋe gẅi gwɔ́ we Ssé.

1 Korento 6:15

Pi tè ne ńzsé ngie mbùm gi ée mekèm mbùm Kristo wɔ́ ka? N ge lɔgɔ kème mbùm Kristo lɔg gÿo kème mbùm káa tÿǒ manzwě lá? Ngǎŋ,

1 Korento 7:2

Tá’ à ke ńcʉ́’ gie nyìŋ pumo wɔ̌wɔ́ɔ pɔ́ yé nuŋe nuŋe, wɛ̌ mámbàŋa wɔ́ kú’te nzwě we, wɛ̌ manzwě wɔ́ kú’te ndúm we.

1 Korento 7:9

Tá ńké ńgwɔ́ gie pɔ́ gyǎ ngie pɔ́ té ku’u légwoonte mbùm yɔ́b wɔ́, pɔ́ zɔ́’, á nue mvfò lézɔ́’ ńcʉa léńnéŋe ńtsɔ́ɔn.

2 Korento 4:7

Tá peg pie yɔɔn fù’ áa ná peg, peg gwɔ̌ pɔ́ pá’ megwʉ̌ŋ tsa’á la. Á fó mǒ mé gyá mboŋó ngie mɛ̌ metʉ̀ mie efʉ̀’ yé tè wó wɔ́, éfóo pɔ́ mbwo Ssé, é té fóo mbwo peg wɔ́.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.