1 Tesalonika 4:3 - Nouveau Testament en Ngienboum

³ Ammó gie e Ssé ne ńkwoŋo á gwɔ́ pɔ́ ngie pi gwɔ́ ndʉalʉ̌a, tà mbàŋa fa’ pànzwě, tà pànzwě fa’ mbàŋa,

1 Tesalonika 4:3 ပူးပေါင်းရင်းမြစ်များ

Matio 12:50

Nyìŋ lɔɔn ńgÿo mmó gie Tá wɔ̀ɔn gẅie aa tÿǒ lepwó ne ńkwoŋo, mbà wɛ̌ nyìŋ aa fɛ́ wɔ̀ɔn we mámbàŋa, ńgwɔ́ we manzwě, ńgwɔ́ má wɔ̀ɔn.

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Matio 5:32

!Tá’ mèŋ, n gɔɔn né pi ngie: «Nyìŋ lɔɔn ńjwoŋo nzwě we, té gwɔ́ gie manzwě gÿǒ gÿɛ́, mbà a tsoté yé légÿo gÿɛ́ pá’ à lɔɔn ńgʉa ńzɔ́’ɔ tsɔ̌ nyìŋ. Nyìŋ piŋ ńzɔ́’ɔ manzwě gẅie ndǔm we jwoŋó yé, mbà à gÿǒ gÿɛ́».

Matio 7:21

Á gʉa ná pʉ̀a pie é tóŋo wɔ̀ɔn lê Cʉ̀apʉ̀a, pɔ́ metsèm zɔ̌ té lá’ jÿó pì *lefùɔ Ssé wɔ́. Ndà’ pʉ̀a pie é gÿo mmó gie Tá wɔ̀ɔn gẅie aa tÿǒ lepwó ne ńkwoŋo ngie mé gÿo.

Malékuse 3:35

Pi zsé ngie nyìŋ lɔɔn ńgÿo mmó gie Ssé ne ńkwoŋo, mbà ngàŋ aa má wɔ̀ɔn, mbà aa fɛ́ wɔ̀ɔn, we mámbàŋa mbɔɔ we manzwě.

Ŋwà’ne Jâŋ 4:34

Yěsô gɔɔn mbwo pɔ́b ngie: Ayɔ́ɔn mmó léjÿó gwɔ́ pɔ́ légÿo mmó gie nyìŋ gẅie à ka túmo wɔ̀ɔn à ne ńkwoŋo, mbɔɔ lémege fà’ gie à ka nǎ né mèŋ.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Megàŋ ntúm 15:20

Tá’, áa mbòŋ ngie pege ŋwe’e pɔ́ ndà’ ŋwà’ne ńdɔg ńtsẅi né pɔ́b ngie: Pɔ́ pɔ́ɔn lépfɛ́ɛ pfwɔ́’ɔ mbab gie mé lɔ̌g ńgwá’ messé. Ngie pɔ́ pɔ́ɔn lépfɛ́ mbab nɔ̀ɔn gẅie mé fomó yé fóme. Ngie pɔ́ pɔ́ɔn lépfɛ́ metse. Ngie pɔ́ pɔ́ɔn lépumo wɔ̌wɔ́ɔ pâ pɔ́ nuŋe nuŋe

Megàŋ ntúm 15:29

Pi pɔ́ɔn lépfɛ̀ɛ pfwɔ́’ɔ mbab gie mé lɔ̌g ńgwá’ messé. Pi pɔ́ɔn lépfɛ́ mbab nɔ̀ɔn gẅie me fomé yé fóme. Pi pɔ́ɔn lépfɛ́ metse. Pi pɔ́ɔn lépumo wɔ̌wɔ́ɔ pia pɔ̌ nuŋe nuŋe. Pi lɔɔn ńjú’ ncwò weg ná mɔɔn menò ńkú’te, mbà pi gÿǒ mboŋó. Peg mefɛ́ pí, peg tsyɛ’té gẅí.

Megàŋ ntúm 20:32

Mèŋ n kě ńgwɔ́ fʉ̀’ɔɔn pà’ɔɔn ńne ńcʉ́me gẅi mbwo Ssé ḿbiŋe ne ńgɔɔn mbwo pi ngie pi zẅí’te shwóŋè yé gie á nyɛɛ pá’ à cÿó gem yégè pú’u. Yɛ̌ shwóŋè ku’u légÿo pi kẅi’i ńzáb ntʉ́m nà Ssé. E Ssé cʉa mǒ ńná shúm mbòŋo sie á la nyɛte ńzáb ńtí pʉ̀a pie ée pé.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 7:2

Tá’ à ke ńcʉ́’ gie nyìŋ pumo wɔ̌wɔ́ɔ pɔ́ yé nuŋe nuŋe, wɛ̌ mámbàŋa wɔ́ kú’te nzwě we, wɛ̌ manzwě wɔ́ kú’te ndúm we.

2 Korento 12:21

Mèŋ n giŋé ńne ḿbɔ́gɔ légÿo ńgíŋe ńtó tà ńkúu lá’ pi, e Ssé yɔ̀ɔn gíŋe sẅí’i nzẅìŋ wɔ̀ɔn mvfò pi tà ndyɛ̌’ tsɔ́ n gẅiin lélʉa ńtí pʉ̀a tà ńgyɔɔn pie ée tsetsɛ̀ɛ pi, mbà pɔ́ lɔ́ɔn ńgÿo menò tepòŋ, pɔ́ laa mà wɔ́b kúbe, pɔ́ laa kẅɛɛ nà menò ncÿǒ mɔ́b wɔ́, ńké tè nò mpfwɔ́’ yɔ́b gwá’, ńké ne ńkẅi’i ńgÿo pɔ́ menò tepòŋ ntí ntí té gwoonte mbùm yɔb.

Galatia 5:19

Mé ne ńkwa’a ńzsé menò mie mbùm nnɛ́ nyìŋ mesoŋ tsóte yé á fʉa, anò pá’ le tǒŋ pànzwě kà léfa’ mbàŋa wɔ́, anò pá’ legÿo menò ncÿǒ, anò pá’ nyìŋ letÿɔ̌g ntʉ́m wé pɔ́ nà nò mpfwɔ́’.

Efeso 5:17

Pú’u, tà pi gwɔ́ megʉ̀gʉ̀. Pi ta’ menò lézsé mie é poŋo mvfò Cʉ̀apʉ̀a.

Efeso 6:6

Pi pɔ́ɔn légÿo pú’u, pɔ́ ndà’ fʉ̀’ gie pɔ́ tyé nzèm pi. Pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ pɔ́ pá’ menkwɔɔn Kristo pie pɔ́ ne gÿo mmó gie Ssé ne ńkwoŋo lê ngwòŋ ntʉ́m wɔ́b ntsèm.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

1 Tesalonika 4:2

Pi zɔɔn ne ńzsé mmó gie peg la lɔg lezíŋ Cʉ̀apʉ̀a Yěsô ńtsẅi ngie pi gÿo.

1 Tesalonika 4:4

ńgie wɔ̌wɔ́ɔ tsetsɛ̀ɛ pi kú’te mbùm ye ná ntí gie e Ssé ne ńkwoŋo, ee ntí gie e gẅiin mekù’.

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 10:36

Á zɔɔn ńne ńzɛ́te ngie pi ké ńkag pɔ́ tʉ̀, ńzsé ngie pi ge ne gÿo pɔ́ mmó gie e Ssé ne ńkwoŋo, à fó pú’u, pi gẅiin mmó gie à la ka’a lé náa mbwo pi.

Heber 12:16

Pi pɔ́ɔn pá’ à lɔɔn ńgwɔ́ nyìŋ gẅi pumo wɔ̌wɔ́ɔ pɔ́ yé nuŋe nuŋe, ḿbɔ́ɔn pá’ à lɔɔn ńgwɔ́ nyìŋ nyé té néŋ mekù’ ná shúm sie ée se Ssé, ndʉŋ ndʉŋ pá’ Esaẅi gẅie à la sẅiŋe nò mûɔ ndÿò gẅie à laa wɛ̌, mé lɔgɔ tà’a káŋa mmó léjÿó ńjú.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

1 Jâŋ 2:17

Njÿó zɔɔn ńgwɔ́ ssé ne ńcʉa cʉa, tà mbɔɔ shúm sie pʉ̀a mesoŋ ne ńgyá tsɛ̀ɛ njÿó ńtsɔ́ɔn légẅiin. Tá nyìŋ gẅie à gÿo mmó gie Ssé ne ńkwoŋo, à ge gwɔ́ pɔ́ wó fʉ̀’ ntsèm.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.