1 Tesalonika 3:4 - Nouveau Testament en Ngienboum

⁴ Pi kímte pá’ peg la nyé tsetsɛ̀ɛ pi, ḿvɔg shwóŋó gẅi ngie ngʉ̀ngʉ̀ ge tóo ná pege. E kéen ńtó tà pi né ńzsé gí.

1 Tesalonika 3:4 ပူးပေါင်းရင်းမြစ်များ

Matio 24:25

Á yɔɔn, mbà mèŋ n kě ńtʉ́ njÿó shwóŋó gẅí.

Megàŋ ntúm 17:1

Pɔl pɔ́ Silas lu ssé ńcʉa ye tÿǒsoŋ Anfipolis mbɔɔ ye Apolonia, ńgʉa tà ńkúu tÿǒsoŋ Tesalonika, ńgyá tà’ *ndá cú’tè pà Yuda gwɔ́ wó.

Megàŋ ntúm 17:13

Tá pà Yuda pe Tesalonika jú’ pá’ Pɔl áa Mbelɛ, ńgíŋe ne shwóŋó nò Ssé, ńjuŋte ńtóo wó, ńzye léma’a và’ ńdɔg sẅite lá’.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

1 Tesalonika 2:14

Mefɛ́ mefɛ́, ngɔ́’ gie e la kú pʉ̀a Jẅidea pie pɔ́ la záb ntʉ́m ná Kristo, ńcú’te ńcʉ́’ pʉ̀a Ssé, e la kúu gẅi gí. N gɔɔn nue pʉ̀a lá’ pí la nyɛɛ gẅi ngɔ́’, á gwɔ́ pá’ pà Yuda, epʉ̀a lá’ pɔ́b yɔ́b, la nyɛɛ wɔ́b ngɔ́’.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

2 Tesalonika 2:5

Tà pi tè ne ńkímte ngie afʉ̀’ gie n daa tsetsɛ̀ɛ pi, n da shwóŋó gẅi menó mɔɔn wɔ́?

2 Tesalonika 3:10

Á laa fʉ̀’ gie peg la zɔɔn ńgwɔ́ tsetsɛ̀ɛ pi, peg ne ńgɔɔn né pi ngie: Nyìŋ lɔɔn ńgwɔ́ gie à tè fa’a fà’ wɔ́, tà á ké ńjÿó mmó léjÿó.