1 Tesalonika 3:3 - Nouveau Testament en Ngienboum

³ légwɔ́ gie ngʉ̀ngʉ̀ gie pi ne ńgyá fʉ̀’ɔɔn, e tè gÿo tsɔ̌ nyìŋ tsetsɛ̀ɛ pi pɔ́g, ńgwá’a nò Ssé wɔ́. Pi zɔɔn ne ńzsé gí ngie ngʉ̀ngʉ̀ gẅiin lékúu wégè pàzáb ntʉ́m nà Ssé.

1 Tesalonika 3:3 ပူးပေါင်းရင်းမြစ်များ

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Megàŋ ntúm 2:25

Pi zɔɔn ńju’u nò gie fùɔ Ndavíd la gɔɔn ńtí ye, à la gɔɔn ngie: N da ne ńgyá Cʉ̀apʉ̀a, à gwɔ́ mvfò mèŋ fʉ̀’ ntsèm, Á gwɔ́ nà gwǒŋo pwó yɔ́ɔn yé tʉ̀, nně ńtóonte wɔ̀ɔn, légwɔ́ gie ntʉ́m wɔ̀ɔn té vege wɔ́.

Megàŋ ntúm 21:11

ńtó pú’u, légyá wég, ńtó ḿbí nkÿo nzsǒ gẅie Pɔl lɔgɔ ńcúu nzsǒ ye, ńdɔg sele ńkwɛ́ mekwò mé lâ mbwó mé ńgɔɔn ngie: Anò gie a Zẅìge Ssé tsẅǐ à yɔɔn: Mé ge kúu Yerósalem, pà Yuda gwoon ngàŋ nkÿo nzsǒ wɔɔn, ńkwɛ́ɛ yé pá’ɔɔn, ńnáa yé mbwo pʉ̀a pie é té pà Yuda wɔ́.

Megàŋ ntúm 21:13

Tá Pɔl tsɔ́’ ngie: Pi lɔgɔ lelʉa ńdɔgɔ ḿvege wɔ̀ɔn mélà’a kɔ́. N tyé pá’ɔɔn, mbà mèŋ n taŋté mbùm yɔɔn tà ńgwɔ́ gie mé lɔɔn ńkúu Yerósalem, ńkwɛ́ɛ wɔ̀ɔn kwɛ́, ńzẅé wɔ̀ɔn zẅé ńtí Ndè wege Yěsô n de lʉ’.

Megàŋ ntúm 9:16

Kwà’ mèŋ n ge zɔɔn gÿo, à pú ńzsé nzẅìŋ ngɔ́’ gie à ge gyá é tí nò yɔ́ɔn.

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

1 Korento 4:9

Mèŋ n ke ně ńgyá yɔ́ɔn ngie e Ssé ka gʉa ná peg megàŋ ntúm ńnáa yég jʉ’ á gwɔ́ pɔ́ nzsò nzèm. Pá’ pʉ̀a pie mé zǎ’ ntsaŋ yɔ́b tà ne ńdɔgɔ wɔ́b ńkwɔ́’ɔ né gÿɛ̌ pá’ mé ge zẅéte wɔ́b. Ngwòŋo ngwòŋ ne ńgyá, epʉ̀a mesoŋ mbɔɔ *mecÿɔ́’ Ssé ne ńgyá yɔ́b.

Efeso 3:13

Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Filipo 1:28

Megàŋ mbù lɔɔn ḿvege gẅi tà pi cÿɔ’. Pi lɔɔn tè cÿɔ’, mbà á ge gwɔ́ mbwo pɔ́b, é gwɔ́ liŋé ngie pɔ́ ée ná mánzsè lepyé, tá’ é ké gwɔ́ mbwo pi é gwɔ́ liŋé ngie pi ée nà mánzsè letsẅɛ́. E Ssé zɔ gÿo mɔɔn menò.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

1 Tesalonika 5:9

E Ssé la zɔɔn tè tsɔ́’ɔ wégè pɔ́ légyáŋa lóŋ ná pege, pege gyá ngɔ́’ wɔ́, à la tsɔ́’ɔ wégè pɔ́ légÿo pege cʉa nzèm Cʉ̀apʉ̀a wege Yěsô Kristo ńgẅiin letsẅɛ́.

2 Tesalonika 1:4

Á cʉa pú’u, tá peg gwaa ńkím lezíŋ sí tsɛ̀ɛ metsɔ́ mecú’tè pʉ̀a Ssé, ńkím pɔ́ nê ka’te, mélà’mie pʉ̀a ne ńnyɛɛ gẅi ngʉ̀ngʉ̀, ńne ńkʉ́e gẅí, pi ké tè cú’tè kÿo, pi ké shÿɔg shÿɔg, ńne ńzába ntʉ́m gẅi pɔ́ ná Yěsô Kristo.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.