1 Tesalonika 3:2 - Nouveau Testament en Ngienboum

² é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

1 Tesalonika 3:2 ပူးပေါင်းရင်းမြစ်များ

Megàŋ ntúm 16:1

Pɔl gʉa tà ńkúu tÿǒsoŋo Nderbe, ńgÿo fó wó ńdɔg ye Listele. Àtsɔ̌ nyìŋ Kristo gwɔ́ wó, mé tóŋo yé lê Timoté. Má we gwɔ́ mûɔ Yuda, mbà à léen ńzẅíŋe nò Yěsô. Mbà tá we laa nyìŋ Gelekia.

Megàŋ ntúm 16:5

Epʉ̀a Kristo ne ńkẅi’i ńzába ntʉ́m nà Ssé ńdɔgɔ ńgee pɔ́ lê mvfò. Anùɔ yɔ́b ne ńgwɔ́ lyɛ̌’ ntsèm, ńkẅi’i kẅi’i.

Megàŋ ntúm 18:5

Silas pɔ́ Timoté gÿo ńgwɔ́ tà fó Makedonia ńtó, Pɔl cʉ́’ ńnéŋe twó pɔ́ ndà’ léshwóŋó nò Ssé, ńne ńnyɛte ńkyagte, éshwóŋó pà Yuda ngie Yěsô zɔɔ *Nzà’nkÿo gẅie pɔ́ tsẅé ḿbyɛ́bɛ.

Roma 16:21

Timoté gẅie peg yé fa’a, à tsyɛ’té gẅí. Lusius mbɔɔ Jasoŋ mbɔɔ Sosipatɛɛ, pie pega pɔ́ pǔ ńgwɔ́ pà Yuda pɔ́ tsyɛ’té gẅi yɔ́b.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

2 Korento 1:1

Yɔɔn ŋwà’ne fóo mbwo mèŋ pɔl gẅie e Ssé la kwoŋ kwoŋ ńtsɔ́’ɔ wɔ̀ɔn ńdɔg ńgÿo ngàŋ ntúm Yěsô Kristo. Peg fɛ́ wege Timoté ŋwe’é yɔɔn ŋwà’ne, ńnáa mbwo cú’tè pʉ̀a Ssé á tÿǒsoŋo Korento. Mèŋ n gǐŋ ńŋwe’e ńnáa mbɔɔ mbwo pʉ̀a Ssé metsèm, pie pɔ́ ée nà shÿó Akay ntsèm.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

2 Korento 2:13

tá’, mbùm yɔ̀ɔn ké ńtsyɛte tsyɛte, mélà’mie n da tè fɛ́ wege Titus wó gyá. Áa mmó gie á la gÿo mèŋ n de’e pʉ̀a Toras ńgʉa nê Makedonia léfa’a yé.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

Filipo 1:25

Mèŋ n ne ńnyɛte ńzsé pú’u. Pege ge gíŋe ńnéŋe mèŋ n ne ńkẅéte gẅi métsèm lécwoŋo ńzẅíŋe nò Yěsô, ńgẅiin lekág.

Kolosia 1:1

Yɔɔn ŋwà’ne fóo mbwo mèŋ Pɔl, e Ssé la kwoŋ ngie n gwɔ́ ngàŋ ntúm Yěsô Kristo. Peg fɛ́ wege Timoté náa

Kolosia 1:7

Peg ne ńzsé ngie Epafalas zɔ ka zí’i gẅi yɛ̌ nò. Aa fɛ́ weg we ntʉ̀ nzẅìŋ, pega pɔ̌ pǔ fa’a. Pi zsé ngie, yé gẅie aa lejʉ́ŋ pi lɛ, à zsě pɔ́ nò Kristo.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Kolosia 4:9

Tychite pɔ́ Onesime ge gÿo pú tó. Onesine aa tsɔ̌ tà’ nyìŋ gẅi, ńgwɔ́ ntʉ̀ nzẅìŋ fɛ́ wege, ńzsé yé pɔ́ ndà’ nò Yěsô. Pɔ́ ge tó, éshwóŋó gẅi kɔ̀ɔkɔ́ɔ gie á ne ńcʉate jʉ’ɔɔn.

1 Tesalonika 3:13

ńgíŋe gÿo ntʉ́m gẅi ké ne ńzébe pɔ́ ná yé. Tá à lá’a lyɛ̌’ gie Cʉ̀apʉ̀a wege Yěso pâ pʉ̀a pie à la tsɔ́’ é tǒ, pi tyé mvfò Tá wege Ssé, ńgwɔ́ ndʉalʉ̌a, atsɔ́ *lɔ̌’ɔ gí le gwɔ́ wó wɔ́.

1 Tesalonika 3:5

Áa mmó gie á ka gÿo tá mèŋ n te gíŋe ńku’u lézẅí’te wɔ́, éfó ńtúmo Timoté, ńgie à gʉa ńgyá pá’ gẅi lézáb ntʉ́m nà Ssé ka cʉ̌’ ńgwɔ́ pú’u, ńgwɔ túmo yé, ńne ḿbɔ́gɔ ngie Sátà ka cʉ̌’ ńkwa’te gẅi tà fà’ gie peg la fa’ cʉa sẅɛ̀ɛ.

2 Tesalonika 2:17

Pɔ́ kẅiŋte gẅí, ńnáa gẅi tʉ̀ pi lɔg ńgÿo pɔ́ menò mbòŋo, ḿbiŋ ńgẅiin pɔ́ shwóŋè mbòŋo.