1 Tesalonika 2:9 - Nouveau Testament en Ngienboum

⁹ Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Tesalonika 2:9 ပူးပေါင်းရင်းမြစ်များ

Lukase 18:7

Tà ngʉ̀a shÿɔ́’ɔ nà Ssé? Á ge gǎ tá á le lwo ńtó ńkẅéte pʉ̀a pie à la tsɔ́’ɔ wɔ́b ńdɔg ńgÿo pé wɔ́? Tá pɔ́ ne ńdʉa ńtóŋo yé fʉ̀’e zsǒ pɔ́ tsẅɛ́’?

Lukase 2:37

A la cʉ́’ʉ mpfɔ̌g pú’u, ńké těen ńtsó *jʉ’ʉ Ssé wɔ́, ńnéŋe *ńkwoŋo kwoŋ ńnéŋe nzyè, ésẅíŋte Ssé, ńtsẅé ńgu’te yé fʉ̀’e zsǒ pɔ́ lêtsẅɛ́’, ńdá’ ńgẅiin ngù’ ntsɔ̀b lekùa lê móm lefɔ̌ɔn,

Megàŋ ntúm 18:3

Pá’ pâ pɔ̌ lɔ́ɔn ḿbú fa’a pɔ́ tà’ ntí fà’. Á gwɔ́ lélɔg nzsǒ ńnyɛte *mentàb la, Pɔl cʉ́’ʉ ńtsẅé pɔ́ mbʉ̀a pɔ́b, pâ pɔ̌ pú fa’a.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Megàŋ ntúm 20:31

Pi pɔ́ɔn légwá’a lÿɔ̀g. Pi kímte ngie n ka lɔg ngù’ tá, á gwɔ́ pɔ́ letsẅɛ́’, ńgwɔ́ pɔ́ zsǒ, mèŋ n ne ńnáa ntÿɔgɔ́ mbwo wɔ̌wɔ́ɔ tsetsɛ̀ɛ pi té kʉ́a. Tà ńgwɔ́ ná, ńne ńdʉa.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

1 Korento 4:12

Kwà’ peg lɔg mbwó még é fa’a fà’ tà ńzi’i tá ńgẅiin yég mmó. Mé zóonte wég tá peg tsɔ́ɔn pɔ́ nò mbòŋo ná pʉ̀a. Mé kʉ́e wég peg tè zoŋ.

1 Korento 9:15

Á lɔgɔ ńgwɔ́ ngie mèŋ n da gẅiin lézɛ́te shúm mbwo pi, tá n kě laa zɛ́te. Mèŋ n ké tě ńŋwe’e pá’ɔɔn ńdɔgɔ ńzɛ́te ngie mé ná shúm né mèŋ wɔ́. À cʉ́’ gie n zẅíŋ nyìŋ gÿo mèŋ n nyé yɔɔn nò, gie mèŋ n dɔgɔ ńka’te, mèŋ n kwé.

1 Korento 9:18

Ewɔ̀ɔn ntsɔ’ɔ́ fà’ ée pá’ɔɔn ńgwɔ́ kɔ́? À gwɔ́ pɔ́ mèŋ létsẅi nkʉ̀ mbòŋo pɔ́ tè kẅě mmó, pɔ́ tè zɛté shúm sie mèŋ n gẅiin lélɔg pá’ mèŋ n gee nyìŋ gẅie à tsẅii nkʉ̀ mbòŋo ńzɛ́te.

1 Korento 9:4

Peg tè gẅiin yég lékẅé mmó ḿpfɛ́, ḿbiŋ ńnú ńtí fà’a yég wɔ́ ka?

2 Korento 11:27

ńgwá fa’ mefà’ mie é tʉ̀ tà ńjú’ ńkʉ́a tɛ’, ńgwá ńdá’ té lyé. Nzyè gwá ńgyáŋa wɔ̀ɔn, agág yɔ́ɔn gwá shÿó, ńgwɔ́ tsɔ́ fʉ̀’, eshúm léjÿó pú ḿmaga mbwo mèŋ, efÿɔ́g gwá ńkúu wɔ̀ɔn, mbà mèŋ n zǎg nzsǒ.

2 Korento 11:9

N daa lá’ pi, á gwɔ́ fʉ̀’e n zága mmó, n te kẅé mmó mbwo tsɔ̌ nyìŋ gẅi wɔ́. Mefɛ́ mefɛ́ pie é la fó Makedonia la náa kɔ̀ɔkɔ́ɔ gie á la ne ńzága mbwo mèŋ. Á la gʉa nà kɔ̀ɔkɔ́ɔ, n te zẅíŋe légwɔ́ pì’ á mbwo tsɔ̌ nyìŋ gẅi wɔ́, é ké le lá’a tsɔ́ lyɛ̌’ tá gwɔ́ pì’ mbwo tsɔ́ nyìŋ gẅi wɔ́.

2 Korento 6:5

kà pɔ́ fʉ̀’ gie mé ne ńcúa wég wɔ́, kà pɔ́ fʉ̀’ gie mé neŋé wég tsǎŋ wɔ́, kà pɔ́ fʉ̀’ gie mé pimté lá’ ḿma’a nzèm peg wɔ́, kà ná fʉ̀’ gie peg tyé nà mefà’ mie é tʉ tʉ wɔ́, kà ná fʉ̀’ gie peg ne ńdá’a té lyé wɔ́, mbɔɔ ná fʉ̀’ gie peg ne ńnéŋe té pfɛ́ɛ mmó.

Filipo 4:16

N da gwɔ́ tà ńkúu Tesalonika, pi túm shúm sie é la ne ńzága mbwo mèŋ. Pi la túm ngʉ̀a tà ńgyɔ́ɔn.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Tesalonika 3:10

Á gʉa fʉ̀’ gie peg ne sẅíŋte Ssé, kà zsǒ wɔ́, kà tsẅɛ́’ wɔ́, peg lʉa mbwo yé tɛ’, ńgie à gÿo peg gíŋ ńgyá meshÿó mí, peg piŋ ńnáa gẅi mmó gie á ne ńzága ná gẅi lézáb ntʉ́m ná yé.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

1 Timote 5:5

Ampfɔ̌g gẅie nyìŋ tè nzèm yé wɔ́, á gwɔ́ pɔ́ gílé yé, à ńnéŋe yé ńdíe mánzsè ńzẅí’te pɔ́ Ssé, ńne sẅíŋte yé zsó pɔ́ tsẅɛ́’ té kʉ́a, ngie à kẅéte yé.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.