1 Tesalonika 2:2 - Nouveau Testament en Ngienboum

² Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Tesalonika 2:2 ပူးပေါင်းရင်းမြစ်များ

Megàŋ ntúm 14:3

Tá ńgÿo pɔ́ lêkɔ́ wɔ́, Pɔl pɔ́ Panebâse zye ńnéŋe Ikonium, ńtÿɔ́g pɔ́ Cʉ̀apʉ̀a mvfò, ńne shʉ̀ashʉ̀a ńgɔɔn mbwo pʉ̀a ngie Cʉ̀apʉ̀a à kwoŋo wɔ́b. Cʉ̀apʉ̀a gíŋe ne ńcʉa ná menò mmɔɔn mmɔɔn mie à lɔgɔ wɔ́b ńgÿo, ńnyɛɛ ngie anò gie pɔ́ gɔɔn ná pá’ Yěsô ne ńcÿo gem pʉ̀a, áa nénʉ́.

Megàŋ ntúm 14:5

Pà Yuda, mbɔɔ pʉ̀a pie é té pà Yuda wɔ́, pâ mekěm lá’ pɔ́b, záb ngie pɔ́ ge lɔg tʉ̀ kúu mǒ. E tém megàŋ ntúm Yěsô lê metóon é zẅé,

Megàŋ ntúm 16:12

ńtóo wó ńkẅɛɛ tsɛ̀ɛ kanú’ ńgʉa nê tÿǒsoŋo Filib. Á gwɔ́ máamáa tÿǒsoŋ tsɛ̀ɛ pàga ngwòŋ Makedonia, mbà mé léen ńdɔgɔ yé ńgÿo tsɔ́ tÿǒsoŋo pà *Roma. Peg ńnéŋe wó tsɔ́ nzẅìŋ melyɛ̌’.

Megàŋ ntúm 16:19

Epʉ̀a pie pɔ́ la júu yé, gyá ngie pɔ́ té gíŋe ńku’u lélɔgɔ yé ńdab nkáb wɔ́, ńdeen ńké ńgwoon Pɔl pɔ́ Silas, éshwoŋo wɔ́b ńdɔg ńgʉa ndùmo gyɛ̌, ńtÿɔ́gɔ wɔ́b mvfò pàsá’a lá’,

Megàŋ ntúm 16:37

Tá’, Pɔl gɔɔɔn mbwo pà mékɔ́ɔn ngie: Pɔ́ ka nyě pɔ́ tè ŋág ntsaŋ yeg, ńtsẅi mé cúa wég mvfò lá’. Tá peg gwɔ́ púɔ lá’a pà *Roma. Pɔ́ ka cua wég pú’u, tá á ku’ pɔ́ ńnéŋe wég tsǎŋ. Pɔ́ piŋ ńgwɔ́ pɛ́’ɛ̀ fa’a léshúte shúte ńkẅile wég. Peg lʉ̌’. Á zɛ́te ngie kwà’ pɔ́b zɔ tó ńkẅile wég ndá tsǎŋ.

Megàŋ ntúm 17:1

Pɔl pɔ́ Silas lu ssé ńcʉa ye tÿǒsoŋ Anfipolis mbɔɔ ye Apolonia, ńgʉa tà ńkúu tÿǒsoŋ Tesalonika, ńgyá tà’ *ndá cú’tè pà Yuda gwɔ́ wó.

Megàŋ ntúm 17:17

Á ne ńgee ndà cú’tè pà Yuda, ńkẅɛ́te pà Yuda mbɔɔ pàzẅíŋe nò Ssé pà Yuda ńne shwóŋó wɔ́b nò, ńgwɔ́ lyɛ̌’ ntsèm, ńgee ndùmo gyɛ̌, ńgyá pʉ̀a pie ée wó, ńgíŋe shwóŋó wɔ́b nò.

Megàŋ ntúm 19:8

Pɔl lɔg mesaŋ métá, ńké ńgee pɔ́ *ndá cú’tè pà Yuda á Efesò ŋwɛ́. Eshwóŋó nò Ssé éshʉa shʉ̌a, éshwóŋó pʉ̀a pá’ *lefùɔ Ssé ée pú’u, éfa’a shÿó lékyagte tà pɔ́ zẅíŋ.

Megàŋ ntúm 4:13

Epʉ̀a pie la ńnéŋe ssé ně ŋaga wɔ́b, gyá ntí gie Piɛ pɔ́ Jâŋ lɔ̌g ńgɔɔn nò té pɔ́g á kʉ’ʉ wɔ́b, mélà’mie pɔ́ la ne ńzsé ngie pɔ́ gwɔ́ pɔ́ memeen pʉ̀a, mbà pɔ́ la té zí’i sekúd tɛ’ wɔ́. Pɔ́ léen ńké ńdiŋ ngie pɔ́ gÿo pu’u, á nue pâ Yěsô kɔ́ɔn ńteme kwò ńgiŋe.

Megàŋ ntúm 4:20

Á gʉa nà peg, mbà à lɔɔn ńgwɔ́ peg léláŋte nà nò gie peg la jú’ ḿbiŋ ńgyá wɔ́.

Megàŋ ntúm 4:31

Pɔ́ la sẅíŋte Ssé ta ńtsẅé jʉ’, ajʉ’ gie pɔ́ la cú’te wó cʉ’ʉ. À Zẅìge Ndʉalʉ̌a pú ńjÿo wɔ́b métsèm. Pɔ́ zyé leshwóŋó nò Ssé té pɔ́g.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

2 Korento 3:12

Pá’ peg ne ńnyɛ́te ńzsé ngie mɔɔn menò ée nénʉ́ la, peg shʉashʉa ńgɔɔn nò mǒ.

Kolosia 2:1

Mèŋ n ne ńkwoŋo ngie pi zsé ngie ncù gẅie mèŋ n ne ḿma’a é tʉ. Mèŋ m ma’a wɛ̌ ncù ná twó sí, mbɔɔ ná twó pʉ̀a Kristo pie ée Laodisé, mbɔɔ ná twó petsɔ́ pʉ̀a Kristo tà ńgyɔ́ɔn pie pɔ́ laa wɔ̀ɔn gyá.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.