1 Tesalonika 1:9 - Nouveau Testament en Ngienboum

⁹ Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

1 Tesalonika 1:9 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Megàŋ ntúm 14:15

Meshǔ pég, pi fa’a légÿo kɔ́ pɛ́’ɛ̀? Peg léen ńgwɔ́ pɔ́ pʉ̀a mesoŋ pá’ pi! Peg tǒ pɔ́ létsẅi nkʉ̀ mbòŋo mbwo pi, é gwɔ́ ngie pi gwá’ messé mɛ́ mie é té tsɔ́ mmó ku’, ésele nnɛ́ ńtó ńkẅɛ́te Ssé gẅie aa ntentʉ́. Yé zɔ la gÿo tÿǒ lépwó pɔ́ tsetsá’, mbɔɔ ntse tê pàa, tà mbɔɔ shúm ntsèm sie ée wó.

Roma 9:26

A gwɔ́ pú’u, ajʉ’ gie pɔ́ lɔ́ɔn ńtyé wó mé gɔɔn né pɔ́b ngie pɔ́ té pʉ̀a pɔ́ɔn mɔ́, pɔ́ ge gÿo tyé jʉ’ó, mé gɔɔn né pɔ́b ngie: Pi ee púɔ Ssé gẅie aa ntentʉ́.

1 Korento 12:2

Pi ne ńzsé ngie, á laa fʉ̀’ gie pi la nyé tè zǎb ntʉ́m ná Yěsô Kristo, atsɔ́ mmó ne ńtsó gẅi pi gu’te messé, tà mbɔɔ pá’ ée shúm sie é lɔɔn ńgwɔ́ é le nò gɔɔn.

1 Tesalonika 2:1

Mefɛ́ pég nzèm Kristo, pi ne ńzsé mboŋó ngie peg ka tè tóo tÿǒsoŋ pi pɔ́ sẅɛ̀ɛ sẅɛ̀ɛ wɔ́.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.

1 Jâŋ 5:21

Penkʉ́ pɔ́ɔn, pi laga twó gí nà shúm sie pʉ̀a gu’te ngie ee Ssé.

Ŋwà’ne Ngyà jʉ’ 17:2

Pâ mefùɔ ndùmo ssé tsetsá’ métsèm kéen ńgÿo mpfwɔ́’. Epʉ̀a mesoŋ pie ée ndùmo ssé tsetsá’, nú melù’ mpfwɔ́’ mé tà ḿbʉ́a.