1 Piɛ 5:8 - Nouveau Testament en Ngienboum

⁸ Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

1 Piɛ 5:8 ပူးပေါင်းရင်းမြစ်များ

Matio 13:39

Ngàŋ mbù gẅie à pye mbyè mmó ye tepòŋ, á gwɔ́ Sátà. Lelag shúm á gwɔ́ lyɛ̌’ɛ nzsònzèm, Megàŋa fà’ gwɔ́ *mecÿɔ́’ Ssé.

Matio 24:42

Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 4:1

À Zẅìge Ssé fó jʉ’ó, ńdɔgɔ Yěsô ńgee nkwòŋo tsẅɛ, pá’ Sátà ge kwa’te yé.

Matio 4:11

Sátà leen ńké ńnyé Yěsô. *Mecÿɔ́’ Ssé tó, ne ńkẅéte yé.

Malékuse 4:15

Mbyè mmó gie e gwě ngʉ̀ŋe mánzsè, lɔgɔ ńgwɔ́ pʉ̀a pie pɔ́ jú’u shwóŋè Ssé, Sátà gwóon ńtó, éfó tsɛ̀ɛ ntʉ́m wɔ́b ńkẅile.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Lukase 22:31

Yěsô piŋ ńgɔɔn mbwo Piɛ ngie: Símo, Símo, Sátà ně ńdá’ ńdúɔ léta’a gẅi métsèm ńtyɛ́te, pá’ mé tá’a mekú ńtyɛ́te la.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

2 Korento 2:11

ńzsé ngie pege tè nyé Sátà à cʉa wégè wɔ́, á nue pege tè ne ḿmoŋe mmó gie aa nzèm pege é fa’a wɔ́.

Efeso 4:27

Pi pɔ́ɔn lénná shÿó lɔg ńgwoon gẅi mbwo Sátà.

Efeso 6:11

Pi kaa shúm ncù sie e Ssé nǎ mbwo pi pɔ́ ntsèm, tá ńdɔg ńzsé ngie Sátà ge lɔg wɛ̌ shÿó ma’a gẅi wɔ́ pi le ŋele,

1 Timote 2:15

Tá’, mèŋ n gɔɔn pá’ɔɔn, manzwě ge lɔg pɔ́ pá’ à gẅiin penkʉ́ tá tsẅɛ́. Tá’, á zɛ́te ngie à ké ńzáb pɔ́ ntʉ́m nà Ssé, ńkwoŋ pʉ̀a mesoŋ, ńgẅiin mbùm yé lê mekù’, ńgÿo mmó gie á poŋ Ssé.

1 Timote 2:9

N giŋé ne ńtsɔ́ɔn ngie pànzwě lɔɔn ńne ńgee lê tsɛ̀ɛ cú’tè pʉ̀a Kristo, pɔ́ ma’ menzsǒ mie ée mbòŋ mbwo pʉ̀a Ssé, é menzsǒ mie é té gwɔ́ pɔ́ tsɔ̌ ntí wɔ́, é mie é gwɔ́ pɔ́ mé pànzwě pie mekù’ ée ná pɔ́b. Tà pɔ́ cʉ́’ʉ lékẅiŋ mbùm yɔb, ńtáŋte menòŋo twó mɔ́b pɔ́ nà tsɔ̌ ntí gie e sẅile sẅile. Kà ńjÿɔ́g pɔ́ shúm sie é cÿɔ́g pɔ́ nkáb tɛ’ wɔ́, tà pɔ́ ma’ menzsǒ lélɔg ńnyɛ pɔ́ nnɛ́.

1 Timote 3:11

Á gíŋe ńzɛ́te ngie pànzwě pɔ́b gíŋe ńgẅiin mekù’, pɔ́ le gwɔ́ ngàŋ melɔ̀ɔn wɔ́, pɔ́ légÿo tsɔ́ mmó tà á cʉa wɔ́, ńgwɔ́ pʉ̀a pie à lɔɔn ńgwɔ́ pɔ́ gÿo kɔ̀ɔkɔ́ɔ gie mé cʉmé mbwo pɔ́b tà mé le lɔ̌’ mǒ gyá.

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Titus 1:8

Á zɛ́te ngie à gwɔ́ nyìŋ gẅie á kúe megʉ́ mboŋó, ńgwɔ́ nyìŋ gẅie à neŋé ńkwoŋ yé pɔ́ menò mie ée mbòŋ. Á zɛ́te ngie à gwɔ́ nyìŋ gẅie à sáŋa nò tá ńgÿo, à gwɔ́ nyìŋ gẅie à gÿo menò mie é tyé ndʉŋ ndʉŋ, ńgwɔ́ nyìŋ gẅie mà we poŋ Ssé, ńgwɔ́ nyìŋ gẅie à zsé lékú’te mbùm ye.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Titus 2:2

Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

Titus 2:4

ńzsé ngie pɔ́ ge nyɛ pànzwě pie é nyé ńzɔ́’ɔ pá’ wɛ̌wɛ̌ wɔ́ à ge kwoŋo ndǔm we mbɔɔ penkʉ́ pé,

Titus 2:6

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge kẅiŋte pûɔ mbàŋa lésáŋa nò fʉ̀’ ntsèm tá ńgÿo.

Ŋwà’ne Jâg 4:7

Pú’u la, pi ne ńnuŋe ssé mvfò Ssé, ńne ńdʉ’ʉ Sátà, à fó lejʉ́ŋ pi ńkÿo.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

Ŋwà’ne Ngyà jʉ’ 12:10

Mèŋ n deen ńké ńjú’ tsɔ̌ nyìŋ lɔg ngyè tetʉ́ʉ, éfó tÿǒ lepwó ńne ńgɔɔn ngie: Á yɔɔn, mbà fʉ̀’ gie mé ge tsẅɛ́ á kǔ’. Á yɔɔn, mbà fʉ̀’ gie e Ssé yege ge nyɛ metʉ̀ mé, yé zɔ cʉ́’ʉ sá’a pʉ̀a á kǔ’. Á yɔɔn, mbà fʉ̀’ gie *Nzà’nkÿo we gẅie à la tsɔ́’ gee ńnyɛ mé metʉ̀ á kǔ’. Á nue mé tsǒ nyìŋ gẅie à kɔ̌ɔn ńzɔ́gɔ ńtyé mvfò Ssé yege fʉ̀’e zsó pɔ́ tsẅɛ́’, ésẅiŋe mefɛ́ pege. Mé tsǒ yé ḿma’a ndùmo ssé tsetsá’.

Ŋwà’ne Ngyà jʉ’ 12:12

Pú’u la, atÿǒ lepwó lâ pʉ̀a pie pɔ́ ńnéŋe wó, pi kág. Tá ńgʉa nà ndùmo ssé tsetsá’ mbɔɔ ntse té pàa, anò yɛ gie á kě ńgÿo gẅi lɛ. Á nue ndebele sẅɛ̌’ ńtó ńtsɛ́ɛ gẅí, lóŋ we ne ńgyáŋa tɛ’. Á ne ńzsé ngie à tè gíŋe fa’a yé fà’ tà ntyě sag wɔ́.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.

Ŋwà’ne Ngyà jʉ’ 20:2

ńgwoon máamáa nnù ngém ya, á yé gẅie aa nnù ya gie e la fó tàa fʉ̀’e mvfò la, yé gẅie aa ndêbele, ńgíŋ ńgwɔ́ Sátà la, ńdɔgɔ tsɛ̂n wa ńkwɛ́ɛ yé pá’ à ge ké gwɔ́ pɔ́ me nkÿo nà ngù’ ntsá’,