1 Piɛ 5:3 - Nouveau Testament en Ngienboum

³ Tà pi lɔg metʉ̀ sá’ pʉ̀a pie Ssé la cʉ́me mbwo pi, pi giŋ pɔ́ nà mbú gie pɔ́ ge pí fʉ̀’ ná pi.

1 Piɛ 5:3 ပူးပေါင်းရင်းမြစ်များ

Ŋwà’ne Jâŋ 13:15

Mèŋ n nyɛɛ gẅi fʉ̀’ légwɔ́ gie pi gí pi ge gÿo pá’ pi gyǎ mèŋ n gÿo.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

1 Korento 11:11

Á ké ńgwɔ́ pú’u tá’, ńgʉa ná pá’ pege la nnɛ́ ná Cʉ̀apʉ̀a, ńgwɔ́ manzwě le gɔɔn ngie pɔ́ mámbàŋa ée té nò wɔ́. Mámbàŋa ké le gɔɔn ngie pɔ́ manzwě ée té nò wɔ́.

1 Korento 3:5

Apolos aa pá’ɔɔn ńgwɔ́ wɔ́? Pɔl gwɔ́ wɔ̌? Tá pi gɔɔn pú’u? Peg ye gwɔ̌ pɔ́ pafa’a fà’ Ssé pie pi la zẅɛ́’ɛ wég tá ńzáb ntʉ́m ná Yěsô Kristo. Awɔ̌wɔ́ɔ ná peg yé gÿo pɔ́ mmó gie Cʉ̀apʉ̀a la ná shÿó ngie à gÿo.

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

Filipo 3:17

Mefɛ́ pɔ́ɔn, pi métsèm, pi pí fʉ̀’ ná mèŋ. Peg ka nyɛɛ gẅi pá’ pi ge giŋ pú’u. Pi líe pʉ̀a pie é ne ńgiŋe pú’u, ńgiŋ gí.

Filipo 4:9

Akɔ́ɔkɔ́ɔ gie n ka zí’i gẅí, akɔ́ɔkɔ́ɔ gie pi ka jú’u ncwò mèŋ, akɔ́ɔkɔ́ɔ gie pi ka gyǎ mèŋ n gÿo, pi la’te mé gyá. E Ssé gẅie à náa sẅétè à gwɔ́ né pi.

1 Tesalonika 1:7

Pú’u, pàzẅíŋe shwóŋè Ssé pie ée Makedonia mbɔɔ Akay píi fʉ̀’ ná pi.

2 Tesalonika 3:9

Peg la zɔɔn ńkwa’ ńgẅiin légɔɔn ngie pi jÿɔ́gɔ wég, tá ńgwɔ́ gÿo pú’u, ńne ńtsɔ́ɔn pɔ́ ngie pi pí fʉ̀’ ná peg.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.