1 Piɛ 5:2 - Nouveau Testament en Ngienboum

² Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.

1 Piɛ 5:2 ပူးပေါင်းရင်းမြစ်များ

Lukase 12:32

Epʉ̀a pɔ́ɔn, pi gwɔ̌ pɔ́ mbó ntá’ tá’, tà pi pɔ́g, mélà’mie Tá gẅi Ssé ka gyǎ ngie à ge ná lefùɔ mbwo pi.

Megàŋ ntúm 20:29

N zsé ngie mèŋ n ge gwɔ́ tá gʉa, menɔ̀ɔn ngẅi kúu nà nùɔ *njʉ̀njÿò yɔ́ɔn, ńzába nò.

Megàŋ ntúm 21:13

Tá Pɔl tsɔ́’ ngie: Pi lɔgɔ lelʉa ńdɔgɔ ḿvege wɔ̀ɔn mélà’a kɔ́. N tyé pá’ɔɔn, mbà mèŋ n taŋté mbùm yɔɔn tà ńgwɔ́ gie mé lɔɔn ńkúu Yerósalem, ńkwɛ́ɛ wɔ̀ɔn kwɛ́, ńzẅé wɔ̀ɔn zẅé ńtí Ndè wege Yěsô n de lʉ’.

Roma 1:15

Áa mmó gie á gÿo tá mèŋ n tsɔ́ɔn létó ńtsẅi nkʉ̀ mbòŋo mbwo pi gí, pie pi ee tÿǒsoŋo *Roma.

1 Korento 9:7

Pi lǎ jú’u nzɔ̌ nyìŋ gwɔ́ ndÿɔ́’ ncù, ésele ḿpfɛ́ɛ pɔ́ pɔ̀ɔn ye? Kà ńgyá nzɔ̌ nyìŋ pye tÿǒ nzěm, à tè jÿó ntɔ̌ɔn mǒ wɔ́? Kà ńgyá nzɔ̌ nyìŋ gwɔ́ mpfèle mefòŋ, à tè ńnéŋe ńkyéen mbʉ́ ńnúu wɔ́?

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

1 Timote 3:8

Á gíŋe ńzɛ́te ngie pàfa’ mefà’ tsɛ̀ɛ cú’tè pʉ̀a Kristo gwɔ́ yɔ́b pʉ̀a pie é gẅiin mekù’, ńgwɔ́ pàshwóŋó nò nénʉ́, ńgwɔ́ pʉ̀a pie é té ma’ mbùm yɔb ná melù’ wɔ́, ńké le gwɔ́ pʉ̀a pie é kwoŋ nkáb ńgáte gaté wɔ́.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Filemo 1:14

Tá’, mèŋ n kaa kwoŋo légÿo tsɔ́ mmó tà ɔ̀ jú’u jú’ wɔ́. N té ne ńkwoŋo létsóte gú tsóte tà ɔ̀ gÿo nò mbòŋo ná mèŋ wɔ́. Mèŋ ne ńtsɔ́ɔn ngie ɔ̀ gÿo pɔ́ mmó gie ɔ̀ kwǒŋ.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.