1 Piɛ 5:14 - Nouveau Testament en Ngienboum

¹⁴ Pi tsyɛ’te mennɛ́ mí, ńcʉ́’ʉ létsyɛ’te ńtáŋte mennɛ́ mí nà ntí ye mefɛ́ mefɛ́ pie nkwòŋe ee tsetsɛ̀ɛ pɔ́b. Asẅétè ne ńgwɔ́ ntʉ́m pi pʉ̀a Kristo metsèm.

1 Piɛ 5:14 ပူးပေါင်းရင်းမြစ်များ

Matio 5:47

Pi lɔɔn ńtsyɛ’te pɔ́ ndà’ mefɛ́ pí, mbà pi gÿǒ kɔ́ yé sẅé? Pàte zsé Ssé gíŋe ne ńgÿo yɔ́b pɔ́ pú’u.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Ŋwà’ne Jâŋ 20:19

Á gwɔ́ fʉ̀’ʉ ncwò nzém, pɔ́ lyɛ’ó gie á laa ndùŋ mvfò lyɛ’ɛ́ lá’ nà ngàba lá’, *ngàŋa kwò Yěsô ńnéŋe ndá, mbà pɔ́ ně ḿbú ńjÿɔ́’ mencwò ndá, ḿbɔ́gɔ pà Yuda. Yěsô kẅɛ ńtyé tsetsɛ̀ɛ pɔ́b, ńgɔɔn né pɔ́b ngie: Mbʉ́lè gwɔ́ né pi.

Ŋwà’ne Jâŋ 20:26

É lêen ńké ńgÿo ńcʉa lyɛ̌’ lefɔ̌ɔn, *ngàŋa kwò Yěsô gíŋe ńcú’te ssé, Tomáse gwɔ́ yé nùɔ pɔ́b, á gwaa gwɔ́, mbà pɔ́ pǔ ńjÿɔ́’ mencwò ndá, Yěsô kẅɛ ńtyé tsetsɛ̀ɛ pɔ́b ńgɔɔn né pɔ́b ngie: Mbʉ́lè gwɔ́ né pi.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 16:16

Pi tsyɛ’te mennɛ́ mí, ńcʉ́’ʉ létsyɛ’te, ńtáŋte mennɛ́ mí nà ntí ye pʉ̀a Ssé. Mecú’tè pʉ̀a Kristo metsèm ná wɔɔn shÿó pǔ ńtsyɛ’te gẅí.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 16:20

Mefɛ́ mefɛ́ métsèm pie ée jʉ’ɔɔn é tsyɛ’té gẅí. Pi tsyɛ’te mennɛ́ mí, ńcʉ́’ʉ létsyɛ’te, ńtáŋte mennɛ́ mí nà ntí ye pʉ̀a Ssé.

2 Korento 13:12

Nyìŋ gẅi tsyɛ’te fɛ́ we, nyìŋ tsyɛ’te fɛ́ we, ńcʉ́’ʉ létsyɛ’te ńtáŋte mennɛ́ mí nà ntí yé pʉ̀a Ssé. Mecú’tè pʉ̀a Ssé métsèm pǔ ńtsyɛ’te gẅí.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Efeso 6:23

E Ssé Tá, mbɔɔ Cʉ̀apʉ̀a Yěsǒ Kristo ne ńnéŋe sẅétè tsɛ̀ɛ ntʉ́m mefɛ́ mefɛ́, pɔ́ ne ńgẅiin nkwòŋe, ńne ńzába ntʉ́m pɔ́ nà Ssé.

1 Tesalonika 5:26

Pi tsyɛ’te mefɛ́ mefɛ́ métsèm, ńcʉ́’ʉ létsyɛ’te ńtáŋte mennɛ́ mí nà ntí ye pʉ̀a Ssé.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

3 Jâŋ 1:14

Mèŋ n ne ńkwaa létó ńgyá gú, pɔgɔ ńnéŋe ssé shwóŋó.