1 Piɛ 5:12 - Nouveau Testament en Ngienboum

¹² Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

1 Piɛ 5:12 ပူးပေါင်းရင်းမြစ်များ

Ŋwà’ne Jâŋ 21:21

Piɛ gyá yé pú’u, ńzɛ́te Yěsô ngie: Cʉ̀apʉ̀a, ńgʉa ná wɔɔn nyìŋ, mbà à kɔ́ ge gÿo gÿo yé?

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Megàŋ ntúm 15:22

Megàŋ ntúm Yěsô, pâ pàkẅé mvfò tsɛ̀ɛ cú’tè pʉ̀a Kristo pie pɔ́ ée Yerósalem, pâ cú’tè pʉ̀a Kristo ntsèm lêen ńké ńzáb ngie á poŋ mé gʉa tsetsɛ̀ɛ pɔ́b, ńtsɔ́’ tsɔ́ ntá’ pʉ̀a, ńtúmo wɔ́b lâ Pɔl pɔ́ Panebâse a Antiokia. Mé tsɔ́’ɔ Jẅide gẅie mé gíŋe ńtóŋo yé lê Mbarsabas, ńgíŋe ńtsɔ́’ɔ Silas. Pʉ̀a pɔɔn mépʉ́a gwɔ́ pʉ̀a pie pɔ́ gɔɔn nò mé jú’.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

1 Korento 15:1

Mefɛ́ pɔ́ɔn, tà mèŋ n kímte gẅi nkʉ̀ mbòŋo gẅie mèŋ n da tsẅi mbwo pi, é nkʉ̀ gẅie pi la jú’ ńzẅíŋ, pi ee ńké ńzába ntʉ́m mǒ záb tà ńkú lyɛ̌’ɔɔn.

2 Korento 1:19

N gɔɔn pá’ɔɔn nue Yěsô Kristo, Míŋ Ssé gẅie peg Silase, ńgÿo Timoté ka shwóŋó nò yé mbwo pi, à la tè tó ńgwɔ́ nyìŋ gẅie ńgwɔ́ á gɔɔn nò, ḿbiŋ ńkúbe wɔ́. À la tó ńgwɔ́ pɔ́ nyìŋ gẅie à gɔɔn nò, à té kúbe.

2 Korento 1:24

Peg ne ńzsé ngie gẅi lézáb ntʉ́m ná Yěsô Kristo à tʉte, peg tě fa’a létó sẅɛ́ɛ gẅí, ńzáb pá’ pi ge gÿo wɔ́. Peg tsɔ́ɔn pɔ́ létó ńkẅéte gẅi pi mege ńjú’ mboŋó.

Efeso 3:3

À la kyɛ́’te mmó gie á la zɔɔn ńdyeen menÿɔ́g pʉ̀a lyeen, ńnyɛɛ wɔ̀ɔn, pá’ mèŋ n zɔ̌ɔn ńŋwe’e tsɛ̀ɛ yɔɔn ŋwà’ne éshwóŋó gẅi la. Mèŋ n kaa ŋwe’e á sag wɔ́.

Efeso 6:21

Tishig gẅie aa fɛ́ wege we ntʉ̀ nzẅìŋ, ńgwɔ́ ngàŋa fà’ Cʉ̀apʉ̀a, tà ńzsé yé pɔ́ ndà’ yɛ̌ fà’, à ge tó, é tó shwóŋó gẅi pá’ mèŋ n gee jʉ’ɔɔn ńgwɔ́ pú’u, légwɔ́ gie pi ge zsé mmó gie n kéen ńcʉ́’ʉ yɛ̌, mbɔɔ mmó gie mèŋ n gÿo.

Kolosia 1:7

Peg ne ńzsé ngie Epafalas zɔ ka zí’i gẅi yɛ̌ nò. Aa fɛ́ weg we ntʉ̀ nzẅìŋ, pega pɔ̌ pǔ fa’a. Pi zsé ngie, yé gẅie aa lejʉ́ŋ pi lɛ, à zsě pɔ́ nò Kristo.

Kolosia 4:7

Antʉ̀ nzẅìŋ fɛ́ wege Tishig, gẅie pega pɔ̌ zɔ pǔ fa’a mbwo Cʉ̀apʉ̀a ge tó shwóŋó gẅi pá’ mèŋ n gee jʉ’ɔɔn ńnéŋe pú’u. Aa ngàŋa fà’ tɛ’, à zsě pɔ́ nò Cʉ̀apʉ̀a.

Kolosia 4:9

Tychite pɔ́ Onesime ge gÿo pú tó. Onesine aa tsɔ̌ tà’ nyìŋ gẅi, ńgwɔ́ ntʉ̀ nzẅìŋ fɛ́ wege, ńzsé yé pɔ́ ndà’ nò Yěsô. Pɔ́ ge tó, éshwóŋó gẅi kɔ̀ɔkɔ́ɔ gie á ne ńcʉate jʉ’ɔɔn.

1 Tesalonika 1:1

Mèŋ Pɔl, n ŋwe’e yɔɔn ŋwà’ne á nà lezíŋ séga Silase mbɔɔ Timoté, ńnáa mbwo pʉ̀a cú’tè kristo, pie ée Tesalonika, ńgwɔ́ pʉ̀a Ssé Tá, ńgíŋ ńgwɔ́ pʉ̀a Ndè Yěsô Kristo. E Ssé ne ńgwɔ́ né pi, ńne ńnéŋe sẅétè ntʉ́m pi.

2 Tesalonika 1:1

Pɔl, Silase mbɔɔ Timoté náa yɔɔn ŋwà’ne mbwo cú’tè gie áa Tesalonika ńgwɔ́ cú’tè Tá wege Ssé, mbɔɔ ye Cʉ̀apʉ̀a Yěsô Kristo.

Heber 13:22

Mefɛ́ pɔ́ɔn pe mbàŋa mbɔɔ pe pànzwě, mèŋ n ne sẅíŋte gẅi ngie pi lɔgɔ kwɔ́gɔ nnɛ́, ńzẅí’te yɔɔn shwóŋè gie mèŋ n nǎ mbwo pi, ńdɔg ńkẅiŋte gẅí. N zɔ̌ɔn ńké kaa ŋwe’e á sag wɔ́.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

3 Jâŋ 1:12

ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.