1 Piɛ 5:10 - Nouveau Testament en Ngienboum

¹⁰ Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Piɛ 5:10 ပူးပေါင်းရင်းမြစ်များ

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Roma 15:5

Mèŋ ne ńdúɔ mbwo Ssé ngie yé gẅie à kẅiŋte wégè, ńgÿo ngie tà pege kʉ́a, á gÿo pi gẅiin tà’ nkwaŋá tsetsɛ̀ɛ pi, á lɔgɔ pú’u, ńgwɔ́ mmó gie Yěsô Kristo la zí’i gẅí.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Roma 9:11

E Ssé la gɔɔn mbwo Rebéka ngie, mvfò múɔ ge gÿo fa’a mbwo nzèm. E Ssé la gwɔ́ gɔɔn pá’ɔɔn, má wɔ́b nyé pɔ́ shwòŋ pɔ́b, mbà à kaa zyé wɔ́b tà pɔ́ zsé nò mbòŋo kà ye tepòŋ wɔ́ wɔ́. E Ssé la gÿo pá’ɔɔn lélɔg ńnyɛ ngie à ńnéŋe ńgÿo pɔ́ mmó gie yé Ssé ne ńkwoŋo. À gwɔ́ gʉa nùɔ pʉ̀a é tsɔ́’ɔ nyìŋ we, à tè fó pɔ́ nà nò mbòŋo gie ngàŋ gÿǒ wɔ́.

Roma 9:24

Pɛ̌ pʉ̀a lɔgɔ ńgwɔ́ pɔ́ wégè wɔɔn, á wégè gẅie à tsɔ’ɔ́ nùɔ pà Yuda mbɔɔ nùɔ pʉ̀a pie é té pà Yuda wɔ́.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

1 Korento 1:9

Yé Ssé gẅie à la tsɔ́’ɔ gẅi pá’ pi ge ńnéŋe fʉ̀’ ntsèm é la nnɛ́ nà Míŋ we Yěsô Kristo gẅie aa Cʉ̀apʉ̀a wege, aa ntě ńka’a mmó gie à ge gÿo ḿbiŋe ńkúbe wɔ́.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Kolosia 2:7

Pi nyɛte ńcʉŋ leŋàŋ sí pɔ́ ná ye, ńtÿɔ́gɔ gẅi le gwɔ́ pɔ́ ná ye pá’ mé tÿɔ́gɔ ndá nà cÿǒ la, ńne ńkẅi’i ńkú’te pɔ́ nò yé mboŋó, yɛ̌ nò ké ńgwɔ́ pɔ́ pá’ mé la zí’i gẅí. Pi ne ńnáa ndǎg mbwo Ssé tɛ’.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

2 Tesalonika 2:14

Mɔɔn ée menò mie é la gÿo e Ssé lɔg Nkʉ̀ Mbòŋo gẅie peg la tsẅii mbwo pi, ńtóŋo gẅí, légwɔ́ gie pi ge kúu tsɛ̀ɛ legú’ Cʉ̀apʉ̀a wege Yěsô Kristo.

2 Tesalonika 2:17

Pɔ́ kẅiŋte gẅí, ńnáa gẅi tʉ̀ pi lɔg ńgÿo pɔ́ menò mbòŋo, ḿbiŋ ńgẅiin pɔ́ shwóŋè mbòŋo.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

Heber 9:15

Yɔɔn áa mmó gie á gÿo Kristo gwɔ́ ná nò tsɔ́ *kʉ̀a gie áa ye sẅé, á gie á gíŋe ńdɔgɔ ńgwɔ́ pá’ ŋwà’ne lɔg ńtÿɔ́g legwé, ńgwɔ́ màmekěm. À la kwé á gwɔ́ lélɔg pú’u, éfóo ndá tsǎŋ gie menò tepòŋ pʉ̀a mesoŋ la ńnéŋe wɔ́b wó, á fʉ̀’ gie mé la nyé ńgwɔ́ nà nò ndùŋ mvfò *kʉ̀a, ńkẅile wɔ́b. Á lêen ńké fó pú’u, pʉ̀a pie mé la tsɔ́’ɔ wɔ́b, é ku’u lékẅé shúm mbòŋo sie à la pÿé, é gwɔ́ sie é ge lá’a gwɔ́ pɔ́ wó.

1 Piɛ 1:15

Pi gwɔ́ pɔ́ Ndʉalʉ̌a nà kwò legìŋ gí ntsèm, ndʉŋ ndʉŋ pá’ Ssé gẅie à ka tóŋo gẅi aa Ndʉalʉ̌a la.

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,