1 Piɛ 4:7 - Nouveau Testament en Ngienboum

⁷ Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 4:7 ပူးပေါင်းရင်းမြစ်များ

Matio 24:42

Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ gie Cʉ̀apʉ̀a gẅi ge tó wɔ́.

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Lukase 22:46

Á gɔɔn ngie: Pi ńnéŋe té lyé, ḿbɔ́g menò njÿó lékwa’te gẅi pi fʉa nò.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

1 Korento 15:24

Á pɔ́ɔnte ńgwɔ́ fʉ̀’ gie njÿó maga. Kristo pyága kɔ̀ɔkɔ́ɔ gie á ne sá’a njÿó, ḿbyág mbɔɔ tándá wɔ́b, mbɔɔ kɔ̀ɔkɔ́ɔ wɔ́ gie á gẅiin tʉ̀ tsɛ̀ɛ njÿó, ḿbyág pú’u, ńdeen ńké ńná lefùɔ mbwo Ssé Tá.

1 Korento 7:29

Mefɛ́ pɔ́ɔn, ammó gie mèŋ fa’a légɔɔn gwɔ́ pɔ́ ngie: Mefʉ̀’ njÿó té gíŋe ńgyɔ́ɔn wɔ́. Á ne ńzɛ́te ngie tà fó fʉ̀’ɔɔn, pʉ̀a pie pɔ́ zɔ̌’ ńnéŋe pá’ fʉ̀’ gie pɔ́ kaa zɔ́’ɔ la.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Filipo 4:5

Pi gwɔ́ pʉ̀a pie mé zsé ngie pi pʉ́le pʉlé. Pi kímte ngie ntyě pá’ Cʉ̀apʉ̀a ge tó té ság.

Kolosia 4:2

Pi ké ne sẅíŋte Ssé sẅíŋte, tà pi lyé, pi gwɔ́ gÿo pú’u, ńne ńnáa ndǎg mbwo Ssé,

2 Timote 4:5

Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Heber 10:25

Tà pege nyé lé ké ńne ńtóo mecú’tè mégè tǒ, tà mbɔɔ pá’ letsǒ cú’tè à kéen ńcʉ́’ʉ mà mbwo tsɔ́ pʉ̀a la, tà ńcʉ́’ pú’u, nyìŋ wege kẅiŋte fɛ́ we, á kẅiŋte yé yé, á nue pi ne ńgyá pá’ lyɛ̌’ lá’ Cʉ̀apʉ̀a ne ḿbɔ́ɔnte.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.