1 Piɛ 4:6 - Nouveau Testament en Ngienboum

⁶ Áa mmó gie á ka gÿo tá mé tsẅi nkʉ̀ mbòŋo mbɔɔ mbwo mepfó. Mé ka tsẅi tà mbɔɔ pá’ e Ssé ka ŋag mbùm yɔb, pá’ à ŋaga pʉ̀a metsèm, pɔ́ gẅiin lékwé. Pɔ́ ée fʉ̀’ɔɔn ńku’ pá’ ńgwɔ́ pɔ́ gwɔ́ ná zẅìge sɔ́b pâ Ssé ńnéŋe.

1 Piɛ 4:6 ပူးပေါင်းရင်းမြစ်များ

Matio 24:9

Mé gwoon gẅi ńná mé nyɛɛ gẅi ngɔ́’, é gÿo mé zẅé gẅí. Melá’ ntsèm ge lá’ pú pʉ̀a gẅi mélà’ mɔ́ɔn

Roma 8:2

mélà’mie nyìŋ zɔɔn ńgwɔ́ tà ńda nnɛ́ ná Yěsô Kristo *lepʉ̌ sie é cʉ́’ʉ sá’a yé gwɔ́ pɔ́ se Zẅìge Ndʉalʉ̌a gie á gÿo mé gwɔ́ wó. Sɛ̌ *lepʉ̌ léen ńkẅé wɔ̀ɔn mbwo *lepʉ̌ sie ée se nò tepòŋ, ńgwɔ́ sie é gÿo mé kwé.

Galatia 2:19

Á kaa fʉ̀’ gie mèŋ n ka nyě ne fa’a ngie e Ssé fó ná pá’ mèŋ n gɔɔn ngie mèŋ n kú’te *lepʉ̌, ńcʉ́’ ńdíe wɔ̀ɔn pɔ́ pá’ nyìŋ gẅie aa ndʉŋ ndʉŋ, mèŋ n jú’ ngie ńgwɔ́ á le gwɔ́ pú’u wɔ́, áa yɛ̌ tá mèŋ n cʉ́’ ńgwɔ́ ná nò *lepʉ̌ yɔɔn ńgwɔ́ pɔ́ mpfó, pú’u, ńzsé ngie n ge gwɔ́ mvfò Ssé é gwɔ́ ntentʉ́. E Ssé la zɔɔn ńteme wég Kristo mé púte wég yé ńkime nà tÿǒ nkǐ.

Galatia 5:25

Pá’ wege le gwɔ́ we fʉ̀’ɔɔn foo pɔ́ mbwo Zẅìge Ndʉalʉ̌a la, pege giŋe ná ntí gie Zẅìge ŋwɛ́ ne ńnyɛɛ wégè.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.

1 Piɛ 3:18

Kristo la zɔɔn ńgyá yé ngɔ́’ tà ńkwé lélɔg ńzyɛ́b menò tepòŋ pʉ̀a mesoŋ, ńké ńkwé ndà’ tà’ legʉ̀a, á ku’. Yé tè fʉa kwé ńtí ngàŋ mefʉa, pú’u, lélɔgɔ gẅi ńtóo mvfò Ssé. Mé la zẅé mbab nnɛ́ ye, tá Zẅìge Ndʉalʉ̌a gÿo á gíŋe ńgwɔ́ wó.

1 Piɛ 3:19

A Zẅìge Ndʉalʉ̌a ŋwɛ́ gÿo á gʉa lá’ mepfó é shwóŋó nò Ssé mbwo mezẅige pʉ̀a mesoŋ mie é laa ndá tsǎŋ.

Ŋwà’ne Ngyà jʉ’ 14:18

Wetsɔ̌ *cÿɔ́’ Ssé fóo jʉ’ gie mé nuŋo pwɔ́’ wó ńkẅɛ, ńgwɔ́ gẅie mé la cʉ́me nò mmɔ̌g mbwo yé, á lɔg ngyè tetʉ́ʉ ńtsẅii mbwo gẅie á kě ńgẅiin nně é ne ńdúmo tɛ’ la ngie: Ma’ nně jù gie e ne ńdúmo lɛ, ńdɔg ńzá’ mencùɔ mentɔ̌ɔn mie mé kyéen ńdɔg ńnyɛte melù’, é gwɔ́ ndùmo ssé tsetsá’, mbà é tʉ̌ lɛ.