1 Piɛ 4:4 - Nouveau Testament en Ngienboum

⁴ Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.

1 Piɛ 4:4 ပူးပေါင်းရင်းမြစ်များ

Matio 23:25

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb. Pi tsí’i mbùm ntú’ lɔg ńnú melù’ mbɔɔ ye káŋ, tá shúm sie pi lɔg tsóŋ lâ ngáte ńgẅiin zɔ̌ gwɔ́ tsɛ̀ɛ wó.

Lukase 15:13

é gwaa cʉa lyɛ̌’ shÿɔ́’ɔ tsɔ́ wɔ́, múɔ wá sẅiŋ sé shúm, ńdɔg nkáb ńgʉa lê túm, ńkúu zɔ́gɔ tepòŋ, ḿbú ńcʉŋte nkáb ya,

Megàŋ ntúm 13:45

Pà Yuda gyá nzẅìŋ lá’ gie á kwɔ̌’, ńkwɔ́’ɔ lóŋ, ńzye lésa shÿó nò gie Pɔl pɔ́ Panepâse gɔ̌ɔn, ńzye lézoonte wɔ́b.

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

Efeso 5:18

Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

2 Piɛ 2:22

Mbà mmó gie á gÿǒ wɔ́b, á lɔgɔ ḿbúmte pá’ sag lekid la gɔɔn ngie: «Mengwe zé’e ḿbíŋ ńjÿó ze’é yé. Mé sɔgɔ kúnɔ́ɔn tà ńgwaa tsẅé jʉ’ à gʉa ńkele tsɛ̀ɛ tetɔ́b».

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.