1 Piɛ 4:19 - Nouveau Testament en Ngienboum

¹⁹ Pú’u la, á poŋ ngie pʉ̀a pie pɔ́ gwaa ne gyá ngɔ́’, á gwɔ́, mélà’mie pɔ́ ne ńgÿo mmó gie e Ssé ne ńkwoŋo, pɔ́ cʉ́me yɔ́b nò ntsèm á mbwo mbù’ ngwòŋ gẅie, à ka’a mmó, ńgÿo ńná, ńcʉ́me pú’u, ńkẅi’i ńgÿo pɔ́ nò mbòŋo.

1 Piɛ 4:19 ပူးပေါင်းရင်းမြစ်များ

Lukase 23:46

Yěsô ńnéŋe nà tÿǒ nkǐ, tà ńga’te lê ngyè tetʉ́ʉ, ńgɔɔn ngie: Tá wɔ̀ɔn, mèŋ n nyě zẅìge yɔ́ɔn, á nà mbwo mú, ńgɔɔn pú’u, ńdeen ńké ńcʉ́m.

Megàŋ ntúm 7:59

Pɔ́ la gwaa ně lɔgɔ metóon témte Etien, á sẅíŋte Ssé ńgɔɔn ngie: Cʉ̀apʉ̀a Yěsô, azẅìge yɔ́ɔn yɛ nà mbwo mú.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

1 Piɛ 2:15

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.

1 Piɛ 3:17

Mvfò aa nyìŋ légwɔ gyá ngɔ́’ ńne ńgÿo pɔ́ nò mbòŋo pá’ Ssé lɔɔn ńkwoŋ ngie à gwɔ́ pú’u, ńcʉa pá’ ńgwɔ́ nyìŋ gwaa gyá ngɔ́’ ńne ńgÿo nò tepòŋ.

1 Piɛ 3:20

Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.