1 Piɛ 4:14 - Nouveau Testament en Ngienboum

¹⁴ Mé lɔɔn ńzoon gẅi ńtí lezíŋ Kristo, mbà pi ee pà shÿó mbòŋo, á nue a Zẅìge legú’, á Zẅìge Ssé áa ná pi,

1 Piɛ 4:14 ပူးပေါင်းရင်းမြစ်များ

Matio 5:11

«Pi ee pàshÿó mbòŋo ná fʉ̀’ gie mé ge ne zoonte gẅí, é ne kʉ́e gẅí, é tÿɔ́gɔ sóon ntí ntí twó pi mélà’ mɔ́ɔn».

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Lukase 6:22

Pi ee pàshÿó mbòŋo, á na fʉ̀’ gie pi cʉmé nzèm *Míŋ Nyìŋ, mé piŋ ne ḿbʉa gẅí, ńne ńkʉ́e gẅí, ńne ńzoonte gẅí, ńne ńcʉŋte lezíŋ sí.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Ŋwà’ne Jâŋ 8:48

Epʉ̀a leen ńké ńgɔɔn né Yěsô ngie: Peg lɔɔn ńtóŋo gú ngie nyìŋ Samalîɛ, mbà peg kaa fʉa. Mbɔɔ légɔɔn ngie ssé tépoŋ ee ná gù.

Ŋwà’ne Jâŋ 9:28

Pɔ́ leen ńké ńzye lézoonte yé, ńne ńgɔɔn ngie: Gù zɔɔ *ngàŋa kwò we, peg gwɔ́ pɔ́ *ngàŋa kwò Mǒsê.

Ŋwà’ne Jâŋ 9:34

Pɔ́ tsɔ́’ɔ mbwo yé ngie, mé la lɔg pɔ́ nò tepòŋ ńzyé gú, ɔ̀ gee ńzí’i peg mmó lá! Ńdeen fó *ndá cú’tè ńjwoŋo yé ńnáa pi.

Megàŋ ntúm 13:45

Pà Yuda gyá nzẅìŋ lá’ gie á kwɔ̌’, ńkwɔ́’ɔ lóŋ, ńzye lésa shÿó nò gie Pɔl pɔ́ Panepâse gɔ̌ɔn, ńzye lézoonte wɔ́b.

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Megàŋ ntúm 28:22

Tá’ peg kě ne ńkwoŋo ngie ɔ̀ cwoŋo ńkyagte mmó gie áa lóŋ gù éshwóŋó wég. Peg gɔɔn pá’ɔɔn tá ńké ńzɔɔn ne ńzsé ngie mé ée nzɔ̌ nzɔ̌ wɔ́, éshwóŋè pɔ́ te pòŋ á nà nùɔ pàfag nnɛ́ gie ɔ́ɔ mǒ lɛ.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

2 Korento 12:10

Áa mmó gie á gÿo n gwɔ́ tà ne ńgyá ngɔ́’, mélà’mie mèŋ n gee nyìŋ Kristo, anò poŋo wɔ̀ɔn, ńgwɔ́ tà ne ńzága mmó, kà mé ne ńkʉ́e wɔ̀ɔn kʉ́e wɔ́, kà mèŋ ne sáŋa pɔ́ tsɔ́ menò kékáŋ wɔ́, anò poŋo wɔ̀ɔn poŋ, á nue n gwɔ́ tá ne ḿbÿɛ́ɛ pÿɛ̌ tá ńdeen ńké ńjú’ ńgẅiin tʉ̀.

2 Korento 4:10

Peg gwɔ́ fʉ̀’ ntsèm ne ńzẅíŋe ngie peg ge kwé ntí legwé gie Yěsô la kwé yɛ̌, pú’u, légwɔ́ gie mé ge gyá ngie le gwɔ́ we Yěsô aa yé soŋ nnɛ́ peg.

2 Korento 4:16

Áa mmo gie á gÿo peg tè kʉ́a, mbùm nnɛ́ yèg tsɛ ne ńkẅi’i ńkʉ́a kʉ̌a tá’, ntʉ́m wég gwɔ́ tsoló ne shumo shum lyɛ̌’ ntsèm.

Galatia 1:24

Á cʉa pú’u, pɔ́ ne ńgu’te Ssé ńtí wɔ̀ɔn.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

Ŋwà’ne Jâg 5:11

Pi gyá pá’ pege tóŋo pʉ̀a pie é la tʉte tʉte lê pà shÿó mbòŋo. Pi la jú’ pá’ mé la la’te ntí gie Job la lɔg shÿɔg pú’u. Pi piŋ ńzsé mmó gie à la cʉ́’ʉ lézsote Cʉ̀apʉ̀a gÿo ná yé, á nue Cʉ̀apʉ̀a gẅiin pòŋo ntʉ́m tɛ’, ńtsɔ́ɔn mezìŋe pɔ́ pú’u.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 3:14

Pi ke fó lyɛ̌’ ńgwɔ gyá ngɔ́’, á gwɔ́ nue pi ne ńgÿo mmó gie áa ndʉŋ ndʉŋ mvfò Ssé, mbà pi ee pà shÿó mbòŋo. Tà pi mɔ́ɔn tà ḿbɔ́g pʉ̀a mesoŋ. Tà ntʉ́m nyìŋ gẅi mɔ́ɔn tà ḿvɛ.

1 Piɛ 3:16

Pi cʉ́’ʉ léshwóŋó yé ńdɔg pɔ́ ndɔ́ɔn ndɔ́ɔn, ńdɔg mekù’. Á poŋ ngie tà mbùm gi gwɔ gwɔ́ ńne ńcúɔ gẅi ná tsɔ́ mmó, tá à cʉa pú’u, ńgwɔ́ gie pʉ̀a lɔɔn ńne ńtÿɔ́gɔ sóon twó pi, éfó ná pá’ pɔ́ ne ńzoonte leńnéŋe gẅi we pʉ̀a Kristo, gẅie à gwɔ́ pɔ́ mbòŋ, eshʉ́ kúu wɔ́b.

1 Piɛ 4:16

Tá ńgwɔ́ gie nyìŋ lɔɔn ńgwaa gyá ngɔ́’, á gwɔ́, mélà’mie aa nyìŋ Kristo, tà ngàŋ kú shʉ́. Tà ńcʉ́’ pú’u, á gu’te pɔ́ Ssé ńtí lezíŋ Kristo sie à gẅiin.

2 Piɛ 2:2

Pʉ̀a tà ńgyɔɔn cʉ́me nzèm pɔ́b ńcʉ́’ʉ ńgÿo pɔ́ menò shʉ́. Mé cʉa ná pɔ́b, ńzoonte mánzsè nò gie áa nénʉ́.