1 Piɛ 4:13 - Nouveau Testament en Ngienboum

¹³ Pi cʉ́’ ńkág kág á nue pi ne ńgyá gi ngɔ́’ pá’ kristo, à cʉa pú’u, pi gÿo ńgwɔ́ tà ńgyá legú’ we ńgíŋe ńgẅiin gí máamáa lekág.

1 Piɛ 4:13 ပူးပေါင်းရင်းမြစ်များ

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:23

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 25:31

*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 5:12

Pi kág ńzɔb ńzíŋ, mélà’mie e Ssé nyɛté máa máa ntsɔ’ɔ́ fà’ né ńdɔgɔ ńzẅí’te gẅí. Pi zɔɔn ńzsé ngie á gíŋe ńgwɔ́ pɔ́ ndʉŋ ndʉŋ pá’, mé la gÿo nà pà *ntsẅì nkʉ̀ Ssé pie é la vɔg ńtó tá pi tó.

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Lukase 17:30

Pi gyá nò gie á ge lá’ gíŋe gÿo pʉ̀a, á nà lyɛ̌’ gie *Míŋ Nyìŋ ge lá’ vege vege tó.

Megàŋ ntúm 16:25

Tsɛ̀ɛ tsẅɛ́’ gÿo ne ńku’u, Pɔl pɔ́ Silas ne sẅíŋte Ssé, ńzɔbɔ ntse ńdɔgɔ ńgú’te yé. Petsɔ́ megàŋa tsǎŋ ne ńjú’u,

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

Roma 8:18

Mèŋ n zɔɔn ne ńkwaŋa ngie, ngɔ́’ gie pege ee fʉ̀’ɔɔn ne ńgyá e pú tè ku’u tsɔ́ mmó nà legú’ gẅie Ssé ge gÿo gÿo pege gyá wɔ́.

2 Korento 1:5

Ndʉŋ ndʉŋ pá’ pege ne ńgyá ngɔ́’ tɛ’, pá’ Kristo la gyá yé ngɔ́’ tɛ’ la, e Ssé giŋé ne ńtóonte wégè tɛ’ ńcʉa nà Kristo.

2 Korento 1:7

Á gʉa fʉ̀’ gie peg ne ńkwaŋte gẅi peg kwà’ ńzsé ngie à lɔɔn ńgwɔ́ peg é le gẅi pɔ́g, anue peg ne ńzsé ngie, ndʉŋ ndʉŋ pá’ pi ne ńgyá gi ngɔ́’ la, e Ssé giŋé ne ńtóonte gẅi gí pá’ peg.

2 Korento 4:10

Peg gwɔ́ fʉ̀’ ntsèm ne ńzẅíŋe ngie peg ge kwé ntí legwé gie Yěsô la kwé yɛ̌, pú’u, légwɔ́ gie mé ge gyá ngie le gwɔ́ we Yěsô aa yé soŋ nnɛ́ peg.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Filipo 3:10

Mèŋ n ne ńtsɔ́ɔn pɔ́ tà’a nò wémɔ’ɔ́. Á gwɔ́ ngie n zsé yé Kristo, ńzsé metʉ̀ mie é la gÿo á zíme ná legwé, ńgyá ngɔ́’ pá’ à la gyá yé, ńzẅíŋe lénáa twó yɔ́ɔn ńkwé pá’ à la náa yé,

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Piɛ 2:21

E Ssé la gwaa tóŋo gẅí, ńne fa’a ngie pi gÿo pɔ́ pú’u. Kristo la gyá yé ngɔ́’ ńtí gẅí, ńdɔgɔ ńnáa gẅi fʉ̀’, ngie pi giŋ pá’ yé.

1 Piɛ 5:1

Mèŋ n gɔɔn yɔɔn nò fʉ̀’ɔɔn lélɔg ńtÿɔ́gte pàkẅé mvfò pie ée tsɛ̀ɛ cú’tè gí, ńgwɔ́ yɔ́ɔn kẅè mvfò pá’ pɔ́b, mbà Kristo la gwɔ ne gyá ngɔ́’, mèŋ n tyé jʉ’ó. Mèŋ n ge gÿo gẅiin yɔ́ɔn jʉ’ tsɛ̀ɛ legú’ gẅie e Ssé ge gÿo gÿo à kẅɛ́.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Ŋwà’ne Ngyà jʉ’ 1:7

!Pi ké ńzsé ngie à ne ńtóo. À ge lá’ tó pɔ́ tsɛ̀ɛ melɔ́ɔn. Awɔ̌wɔ́ɔ ge lá’ záb lejÿɔ́g ná ye, tà mbɔɔ pʉ̀a pie pɔ́ la sɔbɔ gwǒŋo nnɛ́ yé. Epʉ̀a ngwòŋo ngwòŋ ndùmo ssé tsetsá’ ge lá’ zéme pwó, é kɔ́’ legwé tí yé. Oon á ge lá’ gwɔ́ pɔ́ pú’u, tà mmó le mǒ kúbe. *Amen.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.