1 Piɛ 4:12 - Nouveau Testament en Ngienboum

¹² Meshǔ pɔ́ɔn pe tʉ̀ nzẅìŋ, pi ee tsɛ̀ɛ mmɔ̌g ńne ńgyá ngɔ́’. Tà pi gyá á kʉ’ʉ gẅí, á té tsɔ́ nò sẅé wɔ́. Mé ge fó mǒ e zsé mmó gie pi ee yɛ̌.

1 Piɛ 4:12 ပူးပေါင်းရင်းမြစ်များ

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

1 Korento 3:13

Mbà e tè tsɔ̌ ntsaŋ wɔ́. Afà’ ye wɔ̌wɔ́ɔ ge lá’ kẅɛɛ mángÿɛ̌. Mé ge lá’ gyá á nà lyɛ̌’ gie mé tsɔ́’te mentsaŋ. Á nue mmɔ̌g ge lá’ cʉa nà fà’ ye wɔ̌wɔ́ɔ tá mé gyá pá’ áa jʉ’ó ńgwɔ́ pú’u.

2 Timote 3:12

ńgwɔ́ nyìŋ zɔɔn le la nnɛ́ ná Yěso Kristo tà ńne ńkwoŋo légÿo mmó gie Ssé ne ńkwoŋo, mé nyé té kʉ́e yé kʉ́e wɔ́.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.

1 Piɛ 4:4

Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.

1 Piɛ 5:9

Pú’u la, pi záb ntʉ́m gẅi nà Ssé, ńkẅi’i ńtʉte, ńdʉ’ʉ Sátà, ńne ńzsé ngie mefɛ́ pi ée tsɛ̀ɛ njÿó ńne ńgyá pɔ́ ntí ngɔ́’ gie pi gyá.