1 Piɛ 4:11 - Nouveau Testament en Ngienboum

¹¹ Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Piɛ 4:11 ပူးပေါင်းရင်းမြစ်များ

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Ŋwà’ne Jâŋ 13:31

Jẅidas gwɔ́ tà fó ndá ńkẅɛ, Yěsô gɔɔn ngie: Áa fʉ̀’ɔɔn pá’ɔɔn, mbà mé nǎ legú’ mbwo *Míŋ Nyìŋ. Mbà *Míŋ Nyìŋ ka náa legú’ mbwo Ssé.

Megàŋ ntúm 7:38

Mǒsê zɔ gíŋe ńgwɔ́ nyìŋ gẅie á laa fʉ̀’ gie pàmangʉa njʉ’ pégè la cú’te nkwòŋo tsẅɛ, á tyé tsetsɛ̀ɛ pɔ́b lâ *cÿɔ́’ Ssé gẅie à lɔ̌ɔn cʉ́me nò mbwo yé á ndùm lekwɔ’ɔ́ Sinay. Kwà’ yé Mǒsê zɔ la kẅé shwóŋe gie á gÿo mé gwɔ́ wó léná né pege.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

Roma 12:3

Mèŋ n ge fó ná pá’ e Ssé la cʉ́’ʉ lécÿó gem yɔ́ɔn, ńtÿɔ́gɔ wɔ̀ɔn nà jʉ’e lÿò, é gɔɔn mbwo wɔ̌wɔ́ɔ tsestsɛ̀ɛ pi ngie: Tà nyìŋ kwaŋ ngie aa mmó té gwɔ́ gie aa yɛ̌. Nyìŋ gẅiin we nkwaŋá é ku’ ku’. Nyìŋ kú’te pɔ́ yé fà’ gie e Ssé la ná, ńgwɔ́ ná, éfó ná pá’ à zǎb ntʉ́m ná Kristo.

Roma 16:27

E Ssé zɔ zsé nó gílé yé. Pege cʉa ná Yěsô Kristo ńgu’te yé nà ngù’ nkɔ́ɔn nê nkɔ̌ɔn. *Amen.

Roma 3:2

Apì ké ńgwɔ́ wó tɛ’, é meshÿó meshÿó nà légwɔ́ nyìŋ Yuda. Ndùŋ mvfò á gwɔ́ pá’ e Ssé la cʉ́me shwóŋè yé pɔ́ mbwo pà Yuda.

1 Korento 10:31

N ge gɔɔn yɔ́ɔn ngie, pi lɔɔn ne ńjÿó pɔ́ mmó, kà ne ńnúu pɔ́ mmó wɔ́, kà ne ńgÿo pɔ́ kɔ́ wɔ́, pi gÿo sɛ̌ shúm ntsèm pɔ́ nà ntí gie mé ge gu’te Ssé.

1 Korento 12:4

Afù’ gie Zẅìge Ndʉalʉ̌a lɔg ńcÿó geme nyìŋ, áa mentí mentí, tá Zẅìge Ndʉalʉ̌a gie á cÿó gem ké ńgwɔ́ pɔ́ yémɔ’ɔ́.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

1 Korento 6:20

E Ssé la náa mmó ńdɔg fó ndá nkwɔɔn ńcu’u gẅi. Pi ké ńdɔg mbùm gi ńná mekù’ mbwo Ssé.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

2 Korento 9:13

Pɔ́ ge zsé nzẅìŋ yɔɔn fà’, é gu’te Ssé ná pá’ pi ne ńtÿɔ́gɔ kwò ná nò gie nkʉ̀ mbòŋo Kristo ne ńgɔɔn. Pɔ́ ge gíŋe gu’te Ssé ná pá’ pi lɔgɔ́ pòŋo ntʉ́m, ńnáa mmó né pɔ́b tà mbɔɔ petsɔ́ pʉ̀a.

Efeso 1:19

Mèŋ n giŋé ne sẅíŋte yé ngie à gÿo pi zsé ngie metʉ̀ mé pú fáŋ ńcʉa metʉ̀ ntsèm, mbɔɔ ngie à gÿo pi zsé pá’ mɛ̌ metʉ̀ tóonte wégè pàzáb ntʉ́m ná ye pú’u.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

Efeso 5:20

Pi lɔg lezíŋ Cʉ̀apʉ̀a wege Yěsô Kristo ńne síe Ssé Tá fʉ̀’ ntsèm, á nà shúm ntsèm.

Efeso 6:10

Nzsò nzèm nò gie mèŋ n ge shwóŋó gẅí, á gwɔ́ pɔ́ ngie: Pá’ pi la nnɛ́ ná Cʉ̀apʉ̀a la, pi kẅé metʉ̀ mbwo ye. Àa ngàŋ metʉ̀ ntsèm. Pi kẅé metʉ̀ mbwo ye.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

Kolosia 4:6

Pi gwɔ́ fʉ̀’ ntsèm ńgẅiin pɔ́ ncwò mbòŋo, ńgɔɔn pɔ́ nò gie á ge kẅéte, ńtsɔ́’ɔ nò mbwo nyìŋ pɔ́ pá’ á kě ḿboŋ ngie mé tsɔ́’.

1 Tesalonika 2:4

Peg gɔɔn pɔ́ nò gie e Ssé ne ńkwoŋo ngie peg gɔɔn, á nue à la lʉŋte wég tà ńgyá ngie peg ku’u létsẅi nkʉ̀ mbòŋo wé. Pú’u tá peg těen ńgɔɔn nò pɔ́ nà ntí gie pʉ̀a ge kwoŋo wég wɔ́, peg gɔɔn nò pɔ́ nà ntí gie Ssé ge kwoŋo wég, yé gẅie à líe ntʉ́m wég.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

Titus 2:1

Tá ńgʉa ná gù, ké ne ńzí’i pʉ̀a mmó à pumo pɔ́ nà nò nénʉ́ gie mé zí’i pʉ̀a ná Yěsô Kristo.

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.

Heber 5:12

Pi kɔ’ɔ́ gwɔ́ nà fʉ̀’ɔɔn é cʉ́’ gwɔ́ pɔ́ pàzí’i pʉ̀a nò Ssé tá’, pi giŋé ńne ńtsɔ́ɔn ngie mé gíŋe ńzí’i gẅi menò mie mé zyé mǒ lézí’i nyìŋ nò Ssé. Á gwɔ́ wɔ̌ tà pi nyé ńtsɔ́ɔn pɔ́ lepʉ́, tá mbà pi kɔ’ɔ́ cʉ́’ tsɔ́ɔn pɔ́ mmó léjÿó gie á ne ńtʉte.

Ŋwà’ne Jâg 1:19

Mefɛ́ pɔ́ɔn pe ntʉ̀ nzẅìŋ, pi zsé ngie áa mbòŋ mbwo nyìŋ lézsé lézẅí’te nò gie mé gɔɔn, ḿbiŋ ńgɔɔn yé nò á ku’ ku’, é ké le lwo ńgyáŋa lóŋ wɔ́,

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

1 Piɛ 4:16

Tá ńgwɔ́ gie nyìŋ lɔɔn ńgwaa gyá ngɔ́’, á gwɔ́, mélà’mie aa nyìŋ Kristo, tà ngàŋ kú shʉ́. Tà ńcʉ́’ pú’u, á gu’te pɔ́ Ssé ńtí lezíŋ Kristo sie à gẅiin.

1 Piɛ 5:11

Yé zɔ gẅiin lésá’ njÿó á nà mengù’u mengù’. *Amen

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.